Twitter (PC- Pixabay)

Twitter Free Blue Tick: 1 एप्रिलनंतर, ट्विटरवर ब्लू चेकमार्क (Twitter Free Blue Tick) मिळवण्यासाठी ट्विटर ब्लूचे सबस्क्रिप्शन घेणे आवश्यक आहे. कंपनीने आधीच जाहीर केले होते की, 1 एप्रिलनंतर, लीगेसी चेकमार्क म्हणजेच मोफत मिळालेला ब्लू टिक खात्यातून काढून टाकला जाईल. भारतात ट्विटर ब्लूसाठी, वेब वापरकर्त्यांना 650 रुपये आणि iOS आणि Android वापरकर्त्यांना दरमहा 900 रुपये द्यावे लागतील. ट्विटरने अलीकडेच कंपन्यांसाठीही पडताळणी कार्यक्रम सुरू केला आहे. ट्विटरवर व्हेरिफिकेशनसाठी कंपन्यांना दरमहा 82,000 रुपये द्यावे लागतात. कंपन्यांना हवे असल्यास, ते एखाद्या व्यक्तीचे किंवा त्यांच्या कर्मचार्‍यांचे खाते त्यांच्याशी संलग्न करू शकतात. यासाठी कंपनीला अतिरिक्त $50 द्यावे लागतील.

ट्विटरने जगभरातील कंपन्यांसाठी पडताळणी कार्यक्रम सुरू केला आहे. या पडताळणी कार्यक्रमांतर्गत, सत्यापित कंपन्या स्वतःहून एखाद्या व्यक्तीचे खाते सत्यापित करण्यास सक्षम असतील. म्हणजेच या कामासाठी त्यांना ट्विटरवर अवलंबून राहण्याची गरज नाही. जर एखादे खाते एखाद्या कंपनीशी संलग्न असेल, तर त्या खात्यावर कंपनीचा प्रोफाइल फोटो बॅज म्हणून दिसेल. (हेही वाचा - Twitter Ban Account: ट्विटरने भारतात 6.8 लाखांहून अधिक खात्यांवर घातली बंदी)

न्यूयॉर्क टाइम्सच्या रिपोर्टनुसार, ट्विटर प्लॅटफॉर्मवर सर्वाधिक फॉलोअर्स असलेल्या 10,000 कंपन्यांना मोफत ब्लू टिक्स देईल. यासोबतच ट्विटरवर सर्वाधिक पैसे खर्च करणाऱ्या अशा 500 जाहिरातदारांना ब्लू चेकमार्क मोफत दिले जातील, असेही अहवालात म्हटले आहे. म्हणजेच, मोफत उपलब्ध असलेली ब्लू टिक केवळ कंपन्या आणि जाहिरातदारांसाठी आहे.

एलॉन मस्क यांनी सांगितलं होत की, शिफारस केलेल्या ट्विटचा स्त्रोत कोड सार्वजनिक केला जाईल. कंपनीने 31 मार्च रोजी Github वर सोर्स कोड अपलोड केला. स्त्रोत कोड सार्वजनिक करण्याचा उद्देश शिफारस केलेल्या ट्विटचा अल्गोरिदम सुधारणे हा आहे.