OMG! 'या' भारतीयांनी खरेदी केली चंद्रावर जमीन; चंद्रावरील जमिनीची मालकी कोणाची? कोठे होते चंद्रावरील जमिनीची रजिस्ट्री? जाणून घ्या
चंद्र कदाचित दुसऱ्या जगात असेल, पण त्याची नोंदणी पृथ्वीवरच केली जात आहे. Lunarregistry.com चंद्रावर जमीन नोंदणी करते. वेबसाइटने आपल्या FAQs विभागात स्पष्टपणे लिहिले आहे की, ती चंद्रावरील जमिनीची मालक नाही. त्यांचे काम फक्त रजिस्ट्री करून घेणे आहे, जमीन विकणे नाही.
Lunar Land Registry: भारताची चंद्र मोहीम चांद्रयान-3 (Chandrayaan-3 Moon Mission of India) शेवटच्या टप्प्यावर आहे. प्रोपल्शन मॉड्यूल आणि लँडर मॉड्यूल वेगळे केल्यानंतर 18 ऑगस्ट रोजी डीबूस्टिंगची प्रक्रिया यशस्वीरित्या पूर्ण झाली. इस्रोने दिलेल्या अपडेटनुसार, लँडर मॉड्यूल 20 ऑगस्ट रोजी दुसऱ्या डीबूस्टिंग प्रक्रियेतून जाईल. चांद्रयानचे सॉफ्ट लँडिंग 23 ऑगस्ट रोजी संध्याकाळी 5:47 वाजता केले जाईल.
चांद्रयानाप्रमाणेच इतर अनेक देश चंद्राचा अभ्यास करत आहेत. अलीकडेच, रशियाचे लुना-25 देखील चंद्रावर पाठवण्यात आले होते. वृत्तानुसार, चांद्रयानापूर्वी त्याचे लँडिंग होऊ शकते. या सगळ्यात चंद्रावर जीवसृष्टी असण्याच्या शक्यतांची चर्चा पुन्हा एकदा रंगू लागली आहे. असे अनेक लोक आहेत ज्यांनी आधीच चंद्रावर जमीन खरेदी केली आहे. पण तुम्ही कधी विचार केला आहे का की चंद्राच्या जमिनीचा मालक कोण आहे आणि त्याची रजिस्ट्री कुठे होते? आज आम्ही तुम्हाला यासंदर्भात माहिती देणार आहोत...
चंद्रावरील जमिनीचा मालक कोण?
आऊटर स्पेस ट्रीटी 1967 नुसार, कोणत्याही देशाला किंवा व्यक्तीला अंतराळात किंवा चंद्रावर किंवा इतर ग्रहांवर अधिकार नाही. अर्थात, कोणत्याही देशाने चंद्रावर आपला ध्वज लावला असेल, परंतु कोणीही त्याचा मालक होऊ शकत नाही. आंतरराष्ट्रीय अवकाश कायद्याच्या आधारे चंद्रावर जमीन खरेदी करणे कायदेशीररित्या वैध नाही. तथापि, काही कंपन्यांचा असा दावा आहे की 'कायदा (संधि) देशांना हक्क सांगण्यापासून प्रतिबंधित करतो, परंतु, तो नागरिकांना नाही. म्हणूनच वैयक्तिकरित्या कोणतीही व्यक्ती कायदेशीररित्या चंद्रावर जमीन खरेदी करू शकते.
चंद्राच्या जमिनीची रजिस्ट्री कुठे?
चंद्र कदाचित दुसऱ्या जगात असेल, पण त्याची नोंदणी पृथ्वीवरच केली जात आहे. Lunarregistry.com चंद्रावर जमीन नोंदणी करते. वेबसाइटने आपल्या FAQs विभागात स्पष्टपणे लिहिले आहे की, ती चंद्रावरील जमिनीची मालक नाही. त्यांचे काम फक्त रजिस्ट्री करून घेणे आहे, जमीन विकणे नाही. अशाप्रकारे चांदची जमीन नोंदणीकृत झाल्यास मालकी हक्काबाबत कोणतीही व्यक्ती न्यायालयात प्रश्न उपस्थित करू शकते.
या लोकांकडे चंद्रावर जमीन -
किंग खान म्हणून प्रसिद्ध असलेला शाहरुख खान चंद्रावरील जमिनीच्या तुकड्याचा मालक आहे. ही जमीन त्याने स्वत: विकत घेतली नसली तरी त्याच्या एका ऑस्ट्रेलियन महिला चाहत्याकडून त्याला ती भेट म्हणून मिळाली आहे. चंद्रावर जमीन खरेदी करणाऱ्यांच्या यादीत शाहरुखशिवाय दिवंगत अभिनेता सुशांत सिंग राजपूतचे नावही सामील आहे. याशिवाय शेअर बाजारातील व्यापारी आणि तांत्रिक विश्लेषक राजीव बागडी, बंगळुरू येथे व्यवसाय विश्लेषक म्हणून काम करणारे ललित मोहता, ओडिशातील ढेंकनाल जिल्ह्यातील रहिवासी साजन, विजय कथेरिया, धर्मेंद्र अनीजा, गौरव गुप्ता यांनी चंद्रावर जमिन घेतली आहे.
(The above story first appeared on LatestLY on Aug 19, 2023 04:53 PM IST. For more news and updates on politics, world, sports, entertainment and lifestyle, log on to our website latestly.com).
