SpaceX Successfully Launches ISRO’s GSAT-N2: स्पेसएक्सकडून इस्रोच्या जीसॅट-एन 2 उपग्रहाचे यशस्वी प्रक्षेपण, भारताची इंटरनेट कनेक्टिव्हिटी वाढली

Internet Connectivity in India: भारतीय अंतराळ संशोधन संस्था (ISRO) आणि एलन मस्क (Elon Musk) यांच्या स्पेसएक्सने (SpaceX) जीसॅट-एन 2 उपग्रहाचे (GSAT-N2 Satellite) यशस्वी प्रक्षेपण केले. मंगळवारी (भारतीय वेळेनुसार) झालेल्या प्रक्षेपणामुळे इस्रोसाठी स्पेसएक्सचे पहिले मिशन (ISRO Space Missions) अधोरेखीत झाले आहे, ज्याचा उद्देश उड्डाण आणि दूरस्थ क्षेत्र सेवांसह इंटरनेट कनेक्टिव्हिटीमध्ये क्रांती घडवून आणणे हा आहे. केंद्रीय विज्ञान आणि तंत्रज्ञान राज्यमंत्री डॉ. जितेंद्र सिंग यांनी एक्स (पूर्वीचे ट्विटर) वर म्हटले की, "जीसॅट एन 2 च्या यशस्वी प्रक्षेपणासाठी इस्रो आणि स्पेसएक्सच्या चमूला सलाम! दुर्गम भागात तसेच विमानातील कनेक्टिव्हिटीसह इंटरनेट सेवा वाढवण्याचे उद्दिष्ट आहे. पंतप्रधान नरेंद्र मोदी यांच्या वैयक्तिक हस्तक्षेपामुळे इस्रोला एकापाठोपाठ एक यश मिळवता आले आहे.

इस्रो-स्पेसएक्सची ऐतिहासिक भागीदारी

फ्लोरिडाच्या केप कॅनावेरल येथून प्रक्षेपित केलेल्या स्पेसएक्सच्या फाल्कन 9 रॉकेटवर जीसॅट-एन 2 उपग्रह कक्षेत नेण्यात आला. अंदाजे 4,700 किलोग्रॅम वजनाचा हा उपग्रह इस्रोच्या सर्वात मोठ्या उपग्रहांपैकी एक आहे, ज्याची इस्रोच्या सर्वात जड प्रक्षेपक एलव्हीएम-3 च्या पेलोड मर्यादांमुळे स्पेसएक्सशी सहकार्य आवश्यक आहे, ज्याची क्षमता 4,000 किलोग्रॅम आहे. (हेही वाचा, NASA-ISRO's NISAR Satellite: नासा आणि इस्त्रो यांचा संयुक्त उपग्रह 2025 मध्ये होणार प्रक्षेपित; पृथ्वीच्या पृष्ठभागाच्या हालचालींवर लक्ष ठेवण्याचे उद्दिष्ट)

केंद्रीय विज्ञान तंत्रज्ञानमंत्री काय म्हणाले?

Kudos team #ISRO & #SpaceX for successful launch of #GSAT N2!

Aims at enhancing internet services, including in remote areas as well as in-flight connectivity. With personal intervention of PM Sh @narendramodi, ISRO has been able to register one success after the other. pic.twitter.com/rFiZfpOIFG

— Dr Jitendra Singh (@DrJitendraSingh) November 19, 2024

जीसॅट-एन 2 उपग्रह ब्रॉडबँड डेटा ट्रान्समिशन वाढवून आणि वंचित भागात हाय-स्पीड इंटरनेट कनेक्टिव्हिटी सक्षम करून भारताच्या स्मार्ट सिटी मिशनला पाठिंबा देण्यात महत्त्वपूर्ण भूमिका बजावेल. यामुळे विमानातील इंटरनेट सेवा सुलभ होतील आणि प्रवाशांसाठी डिजिटल सुलभतेत बदल होईल. (हेही वाचा, Sunita Williams यांची प्रकृती खालावतेय? NASA ने अंतराळवीरांच्या आरोग्याबद्दल अपडेट)

उपग्रह आंतराळात झेपावताना

Liftoff of GSAT-N2! pic.twitter.com/4JqOrQINzE

— SpaceX (@SpaceX) November 18, 2024

यशस्वी तैनातीची पुष्टी

स्पेसएक्सने मंगळवारी सकाळी 12:36 वाजता एक्सवरील पोस्टमध्ये जीसॅट-एन 2 उपग्रह यशस्वीपणे तैनात केल्याची पुष्टी केली. न्यूस्पेस इंडिया लिमिटेड (NSIL) इस्रोच्या व्यावसायिक शाखेने या कामगिरीची पुष्टी केली. ज्यामध्ये जाहीर करण्यात आले की, उपग्रह जिओ-सिंक्रोनस ट्रान्सफर ऑर्बिटमध्ये (GTO) यशस्वीरित्या प्रक्षेपित करण्यात आला आहे. तब्बल 4700 किलोग्रॅम वजनाचा जीसॅट-एन 2 इच्छित जीटीओमध्ये प्रक्षेपित करण्यात आला आहे आणि इस्रोच्या मास्टर कंट्रोल फॅसिलिटीने (एमसीएफ) उपग्रहाचे नियंत्रण घेतले आहे. प्राथमिक आकडेवारीवरून उपग्रह चांगल्या स्थितीत असल्याचे सूचित होते ", असे एनएसआयएलने म्हटले आहे.

NSIL’s GSAT-N2 High-throughput (HTS) Communication satellite Successfully launched from Cape Canaveral, USA on 19th November 2024.

(1/3) https://t.co/6fSca6RAsJ

— NSIL (@NSIL_India) November 18, 2024

जीसॅट-एन2 हा एक उच्च-थ्रूपुट संचार उपग्रह आहे. जो केए-बँड ट्रान्सपॉन्डरसह सुसज्ज आहे, जो 48 जीबीपीएस ब्रॉडबँड सेवा देऊ शकतो. एनएसआयएलचा 'डिमांड ड्रिवेन' उपग्रह म्हणून, भारताच्या ब्रॉडबँड क्षमतेत लक्षणीय वाढ करण्यासाठी आणि ग्रामीण आणि दुर्गम भागात डिजिटल पायाभूत सुविधांमध्ये सुधारणा करण्यासाठी तो सज्ज आहे. व्यावसायिक अंतराळ मोहिमांमध्ये अग्रेसर असलेल्या स्पेसएक्सबरोबर ऐतिहासिक भागीदारी दृढ करताना, अंतराळ संशोधन आणि तंत्रज्ञानामध्ये भारताची वाढती जागतिक उपस्थिती प्रतिबिंबित करत, हा मैलाचा दगड इस्रोच्या यशात आणखी एक मानाचा तुरा जोडतो.

(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).