Chandrayaan-2: पृथ्वीची पहिली कक्षा यशस्वीरीत्या ओलांडत 'बाहुबली'ची पुढे वाटचाल; ISRO ने ट्विट करत दिली माहिती
भारताची महत्त्वाकांक्षी चांद्रयान-2 मोहिमेत बाहुबली ने पृथ्वीची पहिली कक्षा ओलांडत यशस्वीरित्या पुढे प्रस्थान केले.
भारताची महत्त्वाकांक्षी चांद्रयान-2 मोहिमेत बाहुबली ने पृथ्वीची पहिली कक्षा ओलांडत यशस्वीरित्या पुढे प्रस्थान केल्याची माहिती भारतीय अंतराळ संशोधन संस्थेच्या (Indian Space Research Organisation- ISRO) शास्त्रज्ञांनी दिली आहे. चांद्रयान-2 सुस्थितीत असून योग्य दिशेने पुढे वाटचाल करत असल्याची माहिती काल (मंगळवार, 23 जुलै) इस्त्रोच्या शास्त्रज्ञांनी दिली होती.
इस्त्रोने दिलेल्या माहितीनुसार, चांद्रयान-2 रॉकेट वेगळे झाल्यानंतर या स्पेसक्राफ्टचे सौर पॅनेल आपोआपच तैनात केले गेले, ज्याचे टेलेमेट्रीचे क्लाउड, ट्रॅकिंग व कमांड नेटवर्कने बंगलोरमध्ये याचे यशस्वीरित्या नियंत्रण घेतले.
इस्त्रो ट्विट:
ISRO: First earth bound orbit raising maneuver for #Chandryaan2 spacecraft has been performed successfully today at 1452 hrs (IST) as planned. pic.twitter.com/oOZvWbjeS4
— ANI (@ANI) July 24, 2019
22 जुलै रोजी भारताच्या या महत्त्वाकांक्षी मोहिमेतील चांद्रयान-2 अवकाशात यशस्वीरीत्या झेपावलं. आंध्रप्रदेशातील श्रीहरिकोटाच्या इस्त्रोने शक्तिशाली रॉकेट जीएसएलवी-मार्क III-एम1 द्वारे चांद्रयान-2 चे प्रक्षेपण केले. चंद्रयान-2 चंद्राच्या दक्षिण ध्रुवावर उतरवण्यात येईल. त्यानंतर बाहुबली चंद्राच्या पृष्ठभागावरील लहान सहान अपडेट्स आपल्यापर्यंत पोहचवेल.
पहा व्हिडिओ:
चांद्रयान-2 प्रक्षेपणानंतर 23 दिवस पृथ्वीच्या एका अंडाकार कक्षेत राहील. त्यानंतर ते चंद्राच्या दिशेने कूच करेल. त्यानंतर 30 दिवसांनी चांद्रयान-2 चंद्राच्या कक्षेत प्रवेश करेल. त्यानंतर 42 व्या दिवसापर्यंत चंद्राच्या आजूबाजूला फिरत राहील आणि अखेर 48 व्या दिवशी नियंत्रित गतीने चंद्रावर उतरेल.
(The above story first appeared on LatestLY on Jul 24, 2019 08:06 PM IST. For more news and updates on politics, world, sports, entertainment and lifestyle, log on to our website latestly.com).
