6G | Representative Image (Photo Credit- Pixabay)

वायरलेस कनेक्टिव्हिटीमध्ये (Japan 6G Wireless Device) भविष्याच्या दिशेने एक महत्त्वपूर्ण पाऊल टाकताना, DOCOMO, NTT, NEC आणि Fujitsu सारख्या जपानी टेक दिग्गजांच्या संघाने जगातील पहिल्याच हाय-स्पीड 6G वायरलेस ( 6g High-Speed Internet) उपकरणांपैकी एकाचे अनावरण केले आहे. हा तंत्रज्ञानानात्मक चमत्कार त्याच्या अभूतपूर्व क्षमतेसह संप्रेषणात क्रांती घडवून आणणार असल्याची चर्चा टेकविश्वात सुरु झाली आहे. 6G तंत्रज्ञानाबाबत जगभरात संशधन सुरु असतानाच ही क्रांती डेटा ट्रान्समिशन गतीसाठी नव्याने मैलाचा दगड ठरेल असे बोलले जात आहे.

6G चा वेग हा 5G च्या तुलनेत तब्बल 20 पटींनी अधिक

6G या अत्याधुनिक उपकरणाचे अनावरण 5G च्या क्षेत्राच्या पलीकडे एक महत्त्वपूर्ण झेप दर्शवते. प्राप्त माहितीनुसाह 6G चा वेग हा 5G च्या तुलनेत तब्बल 20 पटींनी अधिक आहे. जो 100 गीगाबिट्स प्रति सेकंद (Gbps) पेक्षाही अधिक असल्याचे समजते. एका बाजूला 5G तंत्रज्ञानाशी वेगाने स्पर्धा करतानाच स्वत:चा उल्लेखनीय वेग हा देखील 6G चा महत्त्वपूर्ण पैलू आहे. या नव्या डिव्हाइसचा वेग सध्याच्या 5G वेगापेक्षा तब्बल 500 पट जास्त आहे, जो दर सेकंदाला पाच HD चित्रपट हस्तांतरित करण्याइतका आश्चर्यकारक आहे. (हेही वाचा, 6G Internet Services In India: भारतात लॉन्च होणार 6G; बुलेटपेक्षाही वेगवान असेल इंटरनेटचा स्पीड, जाणून घ्या कधी सुरू होणार सेवा)

उच्च-फ्रिक्वेंसी बँडचा वापर

वाचकांच्या माहितीसाठी असे की, बहुतेक आधुनिक स्मार्टफोन 5G क्षमतेने सुसज्ज आहेत. जे युनायटेड स्टेट्समध्ये सुमारे 200 मेगाबिट प्रति सेकंद (Mbps) सरासरी इंटरनेट गती देतात. 5G तंत्रज्ञानातील प्रगती सैद्धांतिकदृष्ट्या 10 Gbps पर्यंतच्या गतीला अनुमती देत ​​असताना, या अग्रगण्य 6G प्रयोगांद्वारे प्राप्त केलेला वेग या संभाव्यतेपेक्षा खूप जास्त आहे. 6G तंत्रज्ञानाचा अभूतपूर्व वेग आणि कार्यक्षमता 100 GHz आणि 300 GHz मधील उच्च-फ्रिक्वेंसी बँडच्या वापरामुळे वाढतो. जो प्रामुख्याने 5G द्वारे वापरल्या जाणाऱ्या खालच्या फ्रिक्वेन्सी बँड्सपासून महत्त्वपूर्ण प्रस्थान करते. (हेही वाचा - 6G Internet Services: आता 5G पाठोपाठ देशात 6G इंटरनेट सर्विस सुरु होणार, पंतप्रधान मोदींची मोठी घोषणा)

वेगासोबत आव्हानेही वेगवान

दरम्यान, 2G ते 3G, 4G, 5G आणि आता 6G असे हे विद्यूतवेगाने होणारे संक्रमण वेगवान डेटा हस्तांतरणाचे आश्वासन देत असले तरी, ते आव्हाने देखील देतात. विशेषत: डेटा प्रवाहावर परिणाम करणारे पर्यावरणीय घटक. दरम्यान, अडथळ्यांना न जुमानता, 6G च्या आगमनाने नावीन्यपूर्ण आणि संभाव्यतेचे एक नवीन युग सुरू केले आहे. ज्यामुळे मिश्र वास्तव आणि वर्च्युअल रिॲलिटी सारख्या परिवर्तनीय तंत्रज्ञानाचा मार्ग मोकळा झाला आहे. तथापि, 6G तंत्रज्ञानाचा व्यापक अवलंब आवश्यक पायाभूत सुविधांच्या विकासावर अवलंबून आहे. त्यामुळे सामान्य लोकांसाठी तो प्रवेशयोग्य होण्यासाठी काही काळ लागू शकतो. 6G तंत्रज्ञानामुळे नव्या जगाची पहाट होण्याची चिन्हे आहेत. ज्याची अवघे जग अतुरतेने वाट पाहात आहे.