Chandrayaan-3 Fourth Moon Orbit Maneuver: इस्रोचं मोठं यश! चंद्रापासून थोड्याच अंतरावर आहे आता चांद्रयान-3; केवळ 177 किमी अंतर बाकी

Chandrayaan-3 Fourth Moon Orbit Maneuver: इस्रोने चांद्रयान-3 (Chandrayaan-3) चंद्राच्या चौथ्या कक्षेत आणले आहे. आता चांद्रयान 150 किमी x 177 किमीच्या जवळजवळ वर्तुळाकार कक्षेत फिरत आहे. इस्रोने 14 ऑगस्ट रोजी सकाळी सव्वादोन ते बाराच्या सुमारास चांद्रयान-3 चे थ्रस्टर्स चालू केले होते. इंजिन सुमारे 18 मिनिटे चालू होते. 5 ऑगस्ट रोजी चांद्रयान-3 चंद्राच्या पहिल्या कक्षेत पोहोचले. त्यानंतर त्याची कक्षा दोनदा बदलण्यात आली आहे. या दिवशी चांद्रयानाने चंद्राची पहिली छायाचित्रे प्रसिद्ध केली. त्यावेळी चांद्रयान चंद्राभोवती 164 x 18074 KM च्या लंबवर्तुळाकार कक्षेत 1900 किमी प्रति सेकंद या वेगाने फिरत होते. जे 6 ऑगस्ट 2023 रोजी 170 x 4313 किमी कक्षेत कमी करण्यात आले. म्हणजेच ते चंद्राच्या दुसऱ्या कक्षेत ठेवण्यात आले.

यानंतर 9 ऑगस्टला तिसर्‍यांदा कक्षा बदलण्यात आली. त्यानंतर ते चंद्राच्या पृष्ठभागापासून 174 किमी x 1437 किमीच्या कक्षेत फिरत होते. इस्रो चांद्रयान-3 चे इंजिन चंद्राच्या कक्षेत रेट्रोफिट करत आहे. 17 ऑगस्ट रोजी चांद्रयान-3 चे प्रोपल्शन आणि लँडर मॉड्यूल वेगळे होतील. त्याच दिवशी, दोन्ही मॉड्यूल चंद्राभोवती 100 किमी x 100 किमीच्या वर्तुळाकार कक्षेत असतील. लँडर मॉड्यूल 18 ऑगस्ट रोजी दुपारी 4.45 ते 4.00 या दरम्यान डि-ऑर्बिटिंग करेल. म्हणजेच त्याच्या कक्षेची उंची कमी होईल.

Chandrayaan-3 Mission:

Even closer to the moon’s surface.

Chandrayaan-3's orbit is reduced to 174 km x 1437 km following a manuevre performed today.

The next operation is scheduled for August 14, 2023, between 11:30 and 12:30 Hrs. IST pic.twitter.com/Nx7IXApU44

— ISRO (@isro) August 9, 2023

तथापी, 20 ऑगस्ट रोजी, चांद्रयान-3 चे लँडर मॉड्यूल पहाटे 2.45 वाजता डी-ऑर्बिटिंग करेल. 23 ऑगस्ट रोजी लँडर चंद्राच्या दक्षिण ध्रुवाजवळ उतरेल. जर सर्व काही ठीक झाले तर लँडर साडेसहा वाजता चंद्राच्या पृष्ठभागावर उतरेल.

(The above story first appeared on LatestLY on Aug 14, 2023 03:50 PM IST. For more news and updates on politics, world, sports, entertainment and lifestyle, log on to our website latestly.com).