Long-Range Hypersonic Missile: DRDO ने केली लांब पल्ल्याच्या हायपरसॉनिक क्षेपणास्त्राची यशस्वी चाचणी; काय आहेत त्याची वैशिष्ट्ये ? जाणून घ्या

Long-Range Hypersonic Missile: DRDO ने 16 नोव्हेंबर 2024 रोजी ओडिशाच्या किनारपट्टीवरील डॉ एपीजे अब्दुल कलाम बेटावरून लांब पल्ल्याच्या हायपरसॉनिक क्षेपणास्त्राची यशस्वी चाचणी घेतली. हे हायपरसॉनिक क्षेपणास्त्र भारतीय सशस्त्र दलांच्या सर्व सेवांसाठी 1500 किमी पेक्षा जास्त अंतरापर्यंत विविध पेलोड वाहून नेण्यासाठी डिझाइन केले गेले आहे. क्षेपणास्त्राचा मागोवा वेगवेगळ्या डोमेनमध्ये तैनात केलेल्या विविध रेंज सिस्टमद्वारे केला गेला.

हे लांब पल्ल्याच्या हायपरसॉनिक क्षेपणास्त्र डॉ. एपीजे अब्दुल कलाम क्षेपणास्त्र संकुल, हैदराबादच्या प्रयोगशाळांसह इतर विविध DRDO प्रयोगशाळा आणि उद्योग भागीदारांनी स्वदेशी विकसित केले आहे. डीआरडीओ आणि सशस्त्र दलातील वरिष्ठ शास्त्रज्ञांच्या उपस्थितीत उड्डाण चाचणी घेण्यात आली. DRDO ची ही अभूतपूर्व कामगिरी प्रगत हायपरसॉनिक क्षेपणास्त्र तंत्रज्ञान असलेल्या देशांच्या निवडक गटामध्ये भारताचे स्थान अधिका मजबूत करते. (हेही वाचा -NASA-ISRO's NISAR Satellite: नासा आणि इस्त्रो यांचा संयुक्त उपग्रह 2025 मध्ये होणार प्रक्षेपित; पृथ्वीच्या पृष्ठभागाच्या हालचालींवर लक्ष ठेवण्याचे उद्दिष्ट)

#WATCH | DRDO successfully conducted a flight trial of its long-range hypersonic missile on November 16, 2024, from Dr APJ Abdul Kalam Island, off the coast of Odisha.

This hypersonic missile is designed to carry various payloads for ranges greater than 1500km for all the… pic.twitter.com/E7drLjbW8J

— ANI (@ANI) November 17, 2024

संरक्षण मंत्री राजनाथ सिंह यांनी केले DRDO चे अभिनंदन -

India has achieved a major milestone by successfully conducting flight trial of long range hypersonic missile from Dr APJ Abdul Kalam Island, off-the-coast of Odisha. This is a historic moment and this significant achievement has put our country in the group of select nations… pic.twitter.com/jZzdTwIF6w

— Rajnath Singh (@rajnathsingh) November 17, 2024

संरक्षण मंत्री राजनाथ सिंह यांनी या कामगिरीचे कौतुक केले आहे. देशासाठी हा ‘ऐतिहासिक क्षण’ असल्याचे त्यांनी सांगितले. यासोबतच त्यांनी या ऐतिहासिक यशात DRDO टीम, सशस्त्र सेना आणि उद्योग भागीदारांचे विशेष योगदान दिल्याबद्दल अभिनंदन केले. राजनाथ सिंह यांनी म्हटलं आहे की, डॉ. एपीजे अब्दुल कलाम बेटावरून लांब पल्ल्याच्या हायपरसॉनिक क्षेपणास्त्राची यशस्वी चाचणी करून भारताने एक मोठी उपलब्धी मिळवली आहे. या महत्त्वपूर्ण कामगिरीमुळे आपल्या देशाला अशा प्रगत लष्करी क्षमता असलेल्या देशांच्या निवडक गटामध्ये स्थान मिळाले आहे.

हायपरसॉनिक क्षेपणास्त्रांचे वैशिष्ट्य-

या हायपरसॉनिक क्षेपणास्त्रांचे वैशिष्ट्य म्हणजे 5 Mach पेक्षा जास्त वेगाने प्रवास करण्याची क्षमता. ज्यामुळे ते शोधणे आणि थांबवणे अत्यंत आव्हानात्मक आहे. या क्षेपणास्त्राच्या यशस्वी चाचणीने अत्याधुनिक लष्करी तंत्रज्ञान, सामरिक प्रतिकार क्षमता आणि राष्ट्रीय सुरक्षा बळकट करण्यासाठी भारताची वाढती क्षमता अधोरेखित केली आहे.

(The above story first appeared on LatestLY on Nov 17, 2024 11:00 AM IST. For more news and updates on politics, world, sports, entertainment and lifestyle, log on to our website latestly.com).