Team India New Batting Coach: टीम इंडियाच्या फलंदाजी प्रशिक्षकामध्ये होणार मोठा बदल, बीसीसीआय करू शकते मोठी घोषणा

Team India New Batting Coach: बॉर्डर गावस्कर ट्रॉफी भारतीय संघासाठी दुःस्वप्नापेक्षा कमी नव्हती. मालिकेत 1-0 अशी आघाडी घेतलेल्या भारतीय संघाने गेल्या 4 सामन्यांमध्ये निराशाजनक कामगिरी केली. यामुळेच टीम इंडियाला ऑस्ट्रेलियन भूमीवर 3-1 असा पराभव स्वीकारावा लागला. टीम इंडियाच्या खराब कामगिरीनंतर, बीसीसीआय कोचिंग युनिटमध्ये मोठे बदल करू शकते. संघात नवीन फलंदाजी प्रशिक्षक येऊ शकतो. (हे देखील वाचा: ICC Champions Trophy 2025: चॅम्पियन्स ट्रॉफीपूर्वी टीम इंडियासाठी मोठी बातमी, स्टार गोलंदाज तंदुरुस्त; मैदानात परतण्यास सज्ज)

नवीन फलंदाजी प्रशिक्षकाची होऊ शकते एन्ट्री 

ऑस्ट्रेलियातील लाजिरवाण्या पराभवापूर्वी, भारतीय संघाला घरच्या मैदानावर न्यूझीलंडविरुद्ध खेळल्या गेलेल्या तीन सामन्यांच्या कसोटी मालिकेतही 3-0 असा लाजिरवाणा पराभव पत्करावा लागला होता. सततच्या खराब कामगिरीमुळे टीम इंडियामध्ये मोठा बदल होऊ शकतो. मिळालेल्या माहितीनुसार, माजी स्थानिक क्रिकेटपटू सीतांशू कोटक यांची भारतीय संघाचे नवे फलंदाजी प्रशिक्षक म्हणून नियुक्ती होऊ शकते.

🚨 TEAM INDIA UPDATES 🚨

- Team India will reach Kolkata on 18th January.

- Three days camp for Indian T20I Team.

- Sitanshu Kotak as batting coach for England white ball series.(Express Sports). pic.twitter.com/TwGXyxASBm

— Mufaddal Vohra (@mufaddal_vohra) January 16, 2025

अभिषेक नायरला दाखवला जावू शकतो बाहेरचा रस्ता

नवीन अहवालांमधून असे समोर आले आहे की बीसीसीआय सीतांशू कोटक यांची नवीन फलंदाजी प्रशिक्षक म्हणून नियुक्ती करण्याचा गांभीर्याने विचार करत आहे. अशा परिस्थितीत, सध्याचे भारतीय फलंदाजी प्रशिक्षक अभिषेक नायर, ज्यांना 2024 च्या टी-20 विश्वचषकानंतरच भारतीय संघाचे फलंदाजी प्रशिक्षक बनवण्यात आले होते, त्यांना काढून टाकले जाऊ शकते.

सीतांशु हे इंडिया अ चे मुख्य प्रशिक्षक

सध्या, सीतांशु हे इंडिया अ चे मुख्य प्रशिक्षक आहेत. त्यांनी अनेक वेळा भारतीय वरिष्ठ संघाचे नेतृत्वही केले आहे. 2023 मध्ये, भारताने जसप्रीत बुमराहच्या नेतृत्वाखाली आयर्लंडचा दौरा केला, जिथे 3 सामन्यांची टी-20 मालिका खेळवण्यात आली. या दौऱ्यात सीतांशू कोटक हे भारतीय संघाचे मुख्य प्रशिक्षक होते.

देशांतर्गत क्रिकेटमध्ये चमकदार कामगिरी

52 वर्षीय कोटकने देशांतर्गत क्रिकेटमध्ये चमकदार कामगिरी केली आहे. पण या खेळाडूला भारताचे प्रतिनिधित्व करण्याची संधी कधीच मिळाली नाही. त्यांच्या कारकिर्दीत त्याने 130 प्रथम श्रेणी सामन्यांमध्ये 41.76 च्या सरासरीने 8061 धावा केल्या आहेत. त्यांनी 89 लिस्ट ए सामन्यांमध्ये 3083 धावा केल्या आहेत. याशिवाय, या माजी खेळाडूने 9 टी-20 सामन्यांमध्ये 133 धावा केल्या आहेत.

(The above story first appeared on LatestLY on Jan 16, 2025 05:57 PM IST. For more news and updates on politics, world, sports, entertainment and lifestyle, log on to our website latestly.com).