India Vs Australia 3rd ODI: 7 विकेट्स राखत भारताचा ऐतिहासिक मालिका विजय
तिसऱ्या एकदिवसीय सामन्यात भारताचा ऐतिहासिक विजय (Photo: BCCI Twitter)

India Vs Australia 3rd ODI: ऑस्ट्रेलियाविरुद्ध सुरु असलेल्या एकदिवसीय मालिकेतील तिसरा सामना जिंकत भारताने ऐतिहासिक विजय प्राप्त केला आहे. रोहीत शर्मा (9), शिखर धवन (23), विराट कोहली (43) धावांचे योगदान दिले. तर दुसऱ्या सामन्याप्रमाणे यंदाही धोनीने बाजी मारली. केदार जाधवने धोनीला उत्तम साथ दिली. चिकाटीने खेळत धोनी 87 धावांवर नाबाद राहिला. तर केदार जाधवने 61 धावा केल्या.

मेलबर्न क्रिकेट ग्राउंड (Melbourne Cricket Ground) वर सुरु असलेल्या सामन्यात ऑस्ट्रेलियाने भारतापुढे 231 धावाचं लक्ष्य ठेवलं होतं. भारताने केवळ 3 विकेट्स गमावत लक्ष्य साध्य केले आणि मालिका आपल्या नावे केली. India Vs Australia 3rd ODI: तिसऱ्या एकदिवसीय सामन्यात विजय शंकर याला का मिळाले संघात स्थान?

नाणेफेक जिंकत भारताने प्रथम गोलंदाजीचा निर्णय घेतला. भारताच्या जबरदस्त गोलंदाजीपुढे कांगारुंचा टिकाव लागला नाही आणि अवघ्या 230 धावांत त्यांना आपला डाव गुंडाळावा लागला. युझवेंद्र चहलने सामन्यात 6 विकेट्स घेतल्या. दुसऱ्या एकदिवसीय सामन्यात विराट कोहलीचे शानदार शतक; भारताचा 6 गडी राखत विजय

तीन सामन्यांच्या या मालिकेत भारत-ऑस्ट्रेलिया 1-1 अशा बरोबरीत होती. मात्र तिसरा सामना जिंकून भारताने मालिका आपल्या नावे केली.