IND vs AUS 3rd Test 2021: कोहलीच्या निशाण्यावर MS Dhoni याचा 'विराट' कॅप्टन्सी रेकॉर्ड, इतिहास निर्मितीपासून फक्त एक पाऊल दूर
विराट कोहली आणि एमएस धोनी (Photo Credit: PTI)

IND vs AUS 3rd Test 2021: जो रुटच्या इंग्लंडवर मालिकेत मोठा विजय मिळवून देण्यासाठी मार्गदर्शन केल्यानंतर कर्णधार विराट कोहलीचे (Virat Kohli) लक्ष आता भारतीय कसोटी कर्णधारांमधील महेंद्र सिंह धोनीला (Mahendra Singh Dhoni) मागे टाकत आघाडीवर आपली जागा घेण्यावर असेल. आपल्या हुशार कर्णधारपदासाठी आणि खेळाच्या सर्व प्रकारांमध्ये फलंदाजींच्या वर्चस्वासाठी ख्याती असलेला कर्णधार कोहली अहमदाबादच्या (Ahmedabad) नव्याने पुनर्रचित सरदार पटेल स्टेडियमवर (Sardar Patel Stadium) तिसऱ्या गुलाबी-बॉल कसोटी सामन्यात रेकॉर्ड-बुकमध्ये नोंदवण्यासाठी मैदानावर उतरेल. दुसऱ्या चेन्नई टेस्ट सामन्यात टीम इंडियाच्या 317 धावांच्या विजयाने विराटने घरच्या मैदानावर धोनीच्या सर्वाधिक कसोटी विजयाची बरोबरी केली होती. कोहली आणि धोनी या दोघांनीही एशियन दिग्गजांकडे कर्णधार म्हणून 21 सामने जिंकले आहेत. धोनी आधीच आंतरराष्ट्रीय क्रिकेटमधून निवृत्त झाला असल्याने कर्णधार कोहली सध्याच्या चार सामन्यांच्या कसोटी मालिकेत दिग्गज यष्टिरक्षक-फलंदाजाला मागे टाकण्यापासून फक्त एक पाऊल दूर आहे. (IND vs ENG 3rd Test 2021: भारत आणि इंग्लंड संघातील Pink-Ball Test सामना कधी, कुठे आणि किती वाजता पाहायला मिळणार? जाणून घ्या)

अशा प्रकारे, टीम इंडियाने चार सामन्यांच्या मालिकेत 2-1 अशी आघाडी घेतली तर आंतरराष्ट्रीय सर्किटमध्ये सर्वाधिक कसोटी विजय मिळवणाऱ्या भारतीय कर्णधारांच्या यादीत कोहली उल्लेखनीय कामगिरीची नोंद करेल. धोनी आणि कोहली व्यतिरिक्त मोहम्मद अझरुद्दीन, सौरव गांगुली आणि सुनील गावस्कर यांचाही या एलिट यादीत समावेश आहे. इंग्लंड आणि यजमान भारत संघात होणाऱ्या तिसर्‍या कसोटी सामन्याबद्दल बोलायचे तर कर्णधार कोहली घरच्या मैदानावर 6वा सर्वोच्च कसोटी धावा करणारा दिलीप वेंगसरकरच्या फक्त 23 धावा मागे आहे. कोहली आणि भारताचा नंबर 3  फलंदाज चेतेश्वर पुजाराला घरच्या मैदानावर इंग्लंडविरुद्ध 1,000 क्लबमध्ये सामील होण्यापासून 45 आणि 12 धावा मागे आहे. केवळ सुनील गावस्कर आणि गुंडप्पा विश्वनाथ यांनी इंग्लंडविरुद्ध भारतात एक हजाराहून अधिक कसोटी धावा केल्या आहेत.

दुसरीकडे, कोहली या सामन्यात आपल्या शतकांचा दुष्काळी दूर करण्याच्या प्रयत्नात असेल. विराटने 2019 मध्ये बांग्लादेशविरुद्ध कसोटी सामन्यात शतकी धावसंख्या पार केली होती. यानंतर भारतीय कर्णधार शंभरी धावसंख्येचा जवळ पोहचला होता, मात्र त्याला तिहेरी धावसंख्या गाठता आली नाही. अहमदाबादमधील तिसऱ्या सामन्यात शंभरी करतात विराटला माजी ऑस्ट्रेलियन कर्णधार रिकी पॉन्टिंगच्या वर्ल्ड रेकॉर्डची बरोबरी करण्याची संधी आहे. विराट आणि पॉन्टिंगने कर्णधार म्हणून प्रत्येकी 41 केली आहेत तर कोहली पॉन्टिंगच्या आंतरराष्ट्रीय क्रिकेटमधील 71 शतकांची बरोबरी करेल. किंग कोहली आंतरराष्ट्रीय स्तरावर 70 शतके केली आहेत.