KKR vs RCB सामना पावसामुळे रद्द झाला तर कोणत्या संघाला होणार फायदा; काय आहेत आयपीएलचे नियम? वाचा एका क्लिकवर
पाऊस आणि वादळाच्या शक्यतेमुळे कोलकातामध्ये ऑरेंज अलर्ट जारी करण्यात आला आहे. वेळापत्रकानुसार, उद्घाटन समारंभ संध्याकाळी 6 वाजता सुरू होणार आहे, तर सामना संध्याकाळी 7.30 वाजता सुरू होईल. पण जर पावसामुळे केकेआर विरुद्ध आरसीबी सामना पूर्ण झाला नाही तर काय होईल? कोणत्या संघाला होणार फायदा?
KKR vs RCB, IPL 2025 1st T20 Match: आज आयपीएल 2025 चा (IPL 2025) पहिला सामना कोलकाता आणि बंगळुरू (RCB vs KKR) यांच्यात कोलकाताच्या ईडन गार्डन्सवर खेळला जाईल. पण चाहत्यांसाठी वाईट बातमी अशी आहे की स्पर्धेतील पहिलाच सामना पावसामुळे वाया जाऊ शकतो. पाऊस आणि वादळाच्या शक्यतेमुळे कोलकातामध्ये ऑरेंज अलर्ट जारी करण्यात आला आहे. वेळापत्रकानुसार, उद्घाटन समारंभ संध्याकाळी 6 वाजता सुरू होणार आहे, तर सामना संध्याकाळी 7.30 वाजता सुरू होईल. पण जर पावसामुळे केकेआर विरुद्ध आरसीबी सामना पूर्ण झाला नाही तर काय होईल? कोणत्या संघाला होणार फायदा?
जर सामना पावसामुळे वाया गेला तर?
जर कोलकाता आणि बंगळुरू यांच्यातील सामना पावसामुळे रद्द झाला तर दोन्ही संघांना प्रत्येकी एक गुण दिला जाईल. कारण आयपीएल लीग सामन्यांसाठी राखीव दिवस नाही. जरी एखादा संघ जिंकला की त्याला 2 गुण मिळतात, तर पराभूत संघाला कोणतेही गुण दिले जात नाहीत. जर सामना अनिर्णित राहिला तर त्यांना प्रत्येकी एक गुण मिळेल. (हे देखील वाचा: IPL 2025: आयपीएल 2025 च्या केकेआर विरुद्ध आरसीबी सामन्यापूर्वी शाहरुख खान कोलकात्यात दाखल (Watch Video)
संध्याकाळी कसे असेल हवामान?
कोलकाता नाईट रायडर्स आणि रॉयल चॅलेंजर्स बंगळुरू यांच्यातील सामना संध्याकाळी 7.30 वाजता सुरू होईल. सामन्यादरम्यान कोलकातामध्ये पावसाची शक्यता फक्त 10 टक्के आहे, परंतु वादळाचा इशारा देण्यात आला आहे. त्याच वेळी, रात्री 11 वाजेपर्यंत पावसाची शक्यता 70 टक्के असल्याचे सांगण्यात आले आहे. अशा परिस्थितीत, सामना सुरू झाला तरी पाऊस वारंवार व्यत्यय आणू शकतो.
दोन्ही संघांकडे नवीन कर्णधार
गेल्या हंगामाच्या तुलनेत दोन्ही संघांकडे नवीन कर्णधार असल्याने हा सामना खास असणार आहे. कोलकात्याचे नेतृत्व अजिंक्य रहाणे करेल, तर दुसरीकडे, आरसीबीचे नेतृत्व रजत पाटीदार करेल. सामन्यापूर्वी संध्याकाळी 6 वाजता उद्घाटन समारंभ होणार आहे. या उद्घाटन समारंभात श्रेया घोषाल, करण औजला आणि दिशा पटानी हे देखील उपस्थित राहणार आहेत. याशिवाय पश्चिम बंगालच्या मुख्यमंत्री ममता बॅनर्जी देखील या कार्यक्रमाला उपस्थित राहू शकतात.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
