IPL 2025 (Photo Credit - X)

IPL 2025 New Rule: बीसीसीआयने (BCCI) आयपीएल 2025 ते 2027 पर्यंत (IPL 2025) अनेक नवीन नियम केले आहेत. ज्याची चाहत्यांसह फ्रँचायझीही आतुरतेने वाट पाहत आहेत. आयपीएल गव्हर्निंग कौन्सिलने 28 सप्टेंबर रोजी झालेल्या बैठकीत अनेक नवीन नियमांना (IPL 2025 New Rules) मंजुरी दिली आहे. यासोबतच मेगा ऑक्शनमध्ये खेळाडू आणि संघाच्या पर्स ठेवण्याबाबतही अनेक नियम करण्यात आले आहेत. बीसीसीआयनेही नियमांबाबत कठोर निर्णय घेतला आहे. (हे देखील वाचा: IPL 2025: आयपीएल खेळणारे खेळाडू होणार मालामाल; आता एवढी असेल खेळाडूंची मॅच फी)

आयपीएल गव्हर्निंग कौन्सिलच्या बैठकीत नवा नियम

गेल्या आयपीएल सीझनची एक घटना खूप पाहायला मिळाली. ज्यामध्ये लिलावात विकल्यानंतरही अनेक परदेशी खेळाडू आयपीएलमधून आपली नावे काढून घेत होते. आयपीएलच्या अनेक संघांनी याबाबत आयपीएल गव्हर्निंग कौन्सिलकडे तक्रार केली होती. आयपीएल 2024 मध्ये अनेक परदेशी खेळाडूंनी हे केले. त्यामुळे बीसीसीआयने आयपीएल गव्हर्निंग कौन्सिलच्या बैठकीत नवा नियम बनवण्याचा निर्णय घेतला आहे.

बीसीसीआय परदेशी खेळाडूंवर करणार कडक कारवाई 

बीसीसीआयच्या नवीन नियमांनुसार, जर एखाद्या खेळाडूने लिलावात स्वतःची नोंदणी केली. यानंतर संघ त्याला विकत घेतो पण नंतर खेळाडू त्याचे नाव मागे घेतो. बीसीसीआय अशा खेळाडूंवर 2 वर्षांची बंदी घालणार आहे. तो खेळाडू 2 वर्षांपर्यंत लिलावासाठी आपले नाव नोंदवू शकणार नाही. याशिवाय ज्या खेळाडूंनी मेगा लिलावात आपली नावे नोंदवली नाहीत. ते खेळाडू 2 वर्षांपर्यंत कोणत्याही लिलावात त्यांची नावे नोंदवू शकत नाहीत.

सहा खेळाडूंना कायम ठेवण्यात येईल

इंडियन प्रीमियर लीग (IPL) च्या गव्हर्निंग कौन्सिलने शनिवारी निर्णय घेतला की 10 फ्रँचायझींना त्यांच्या मागील संघातील जास्तीत जास्त सहा खेळाडूंना कायम ठेवण्याची परवानगी दिली जाईल. ज्यामध्ये लिलावाचे ‘राईट टू मॅच’ (RTM) कार्ड देखील समाविष्ट केले जाईल.

'इम्पॅक्ट प्लेअर' नियम कायम राहील

आम्ही तुम्हाला सांगतो की, नवीन नियमांसह, बीसीसीआने देखील IPL 2025 मध्ये इम्पॅक्ट प्लेअर नियम सुरू ठेवण्याची घोषणा केली आहे. केवळ 2025 च्या आयपीएलमध्येच नाही तर 2025 ते 2027 या काळातही हा नियम कायम राहणार आहे.

नोव्हेंबरमध्ये होऊ शकतो मेगा लिलाव 

आयपीएलच्या गव्हर्निंग कौन्सिलने मेगा लिलावाच्या तारखेबाबत अद्याप कोणताही निर्णय घेतलेला नाही. अहवालांवर विश्वास ठेवला तर, आयपीएल मेगा लिलाव नोव्हेंबरच्या शेवटी भारताबाहेरील शहरात होऊ शकतो.