ऑस्ट्रेलियाची स्टार खेळाडू Alyssa Healy हिचे टीम इंडिया वर मोठे भाष्य म्हणाली - ‘भारताला कोणी हरवू शकणार नाही’, पहा क्रिकेटपटूच्या विधानामागचं कारण
एलिसा हिली (Photo Credit: Instagram)

Women's IPL: ऑस्ट्रेलिया महिला संघाची यष्टिरक्षक-फलंदाज एलिसा हिली (Alyssa Healy) हिने महिला टी-20 लीग सुरू करण्याच्या बीसीसीआय (BCCI) आणि पाकिस्तान क्रिकेट बोर्डाच्या योजनेचे स्वागत केले आहे. बीसीसीआयने 2023 पासून महिला आयपीएलची (WIPL) घोषणा केली आणि नजीकच्या भविष्यात पीसीबी महिला पीएसएल (WPSL) सुरू करणार असल्याच्या निर्धारित आहे. तथापि, या देशांतर्गत लीग सुरू केल्याने महिलांच्या आंतरराष्ट्रीय कॅलेंडरमध्ये त्यांचा समावेश करणे कठीण होईल. महिला विश्वचषक 2022 च्या उपांत्य फेरीत हिलीने शतक झळकावल्यानंतर ती म्हणाली, “त्या स्पर्धांची घोषणा खूप छान आहेत. इथून महिलांचा खेळ सुरू होईल असे आम्हाला वाटले होते. ते पुढच्या टप्प्यासारखे होते.” (ICC Women's World Cup 2022: Australia सातव्यांदा World Cup वर नाव कोरण्याच्या तयारीत)

तिने पुढे म्हटले की, “आमच्याकडे खरोखरच यशस्वी WBBL आहे आणि सुपर लीग खरोखरच चांगली खेळली गेली आहे. आता द हंड्रेडलाही यश मिळाले आहे आणि अनेक देशांतर्गत स्पर्धा (जगभरात) आहेत, त्यामुळे आयपीएलची घोषणा पहा. यासाठी, विशेषतः, भारतात खेळ विकसित करण्यासाठीची वाटचाल अविश्वसनीय आहे.” हिली म्हणाली की भारतीय महिला क्रिकेट संघ (India Women's Cricket Team) पुढील दहा वर्षांत अपराजित असेल. जगातील कोणताही संघ भारतीय संघाला सहज हरवू शकणार नाही. बीसीसीआयच्या रणनीतीनुसार पुढील वर्षी सुरू होणाऱ्या महिला आयपीएलला हीलीने यामागचे कारण दिले आहे. पुढील वर्षी महिला आयपीएल सुरू करण्याच्या बीसीसीआयच्या योजनेला पाठिंबा देताना हिली म्हणाली की यामुळे भारतीय संघ एका नव्या उंचीवर जाईल आणि पुढील दहा वर्षांत त्यांना पराभूत करणे अशक्य होईल.

उल्लेखनीय म्हणजे गेल्या आठवड्यात बीसीसीआयने सांगितले की ते 2023 मध्ये महिला आयपीएल सुरू करण्याचा विचार करत असून मंडळाच्या वार्षिक सर्वसाधारण सभेत त्यास मान्यता द्यावी लागते. देशांतर्गत क्रिकेट स्पर्धांचा फायदा राष्ट्रीय संघांना होतो असेही हीली म्हणते. हीली म्हणते, “मी या स्पर्धांमध्ये खेळू शकेन हे मी 100 टक्के सांगू शकत नाही, कारण आम्हाला आंतरराष्ट्रीय क्रिकेटही खेळायचे आहे.”