Zimbabwe Beat West Indies: झिम्बाब्वेकडून पराभवानंतर वेस्ट इंडिजच्या अडचणीत वाढ, एकदिवसीय विश्वचषक खेळण्याचे स्वप्न भंगणार
शनिवारी क्रेग इर्विनच्या नेतृत्वाखाली झिम्बाब्वेने वेस्ट इंडिजचा 35 धावांनी पराभव (ZIM Beat WI) केला. या पराभवानंतर वेस्ट इंडिजसाठी 2023 च्या एकदिवसीय विश्वचषकाचा मार्ग कठीण झाला आहे. वास्तविक, 8 संघ एकदिवसीय विश्वचषकासाठी थेट पात्र ठरले आहेत.
आजकाल झिम्बाब्वेमध्ये 2023 च्या एकदिवसीय विश्वचषकासाठी विश्वचषक पात्रता (World Cup Qualifiers 2023) सामने खेळले जात आहेत. शनिवारी क्रेग इर्विनच्या नेतृत्वाखाली झिम्बाब्वेने वेस्ट इंडिजचा 35 धावांनी पराभव (ZIM Beat WI) केला. या पराभवानंतर वेस्ट इंडिजसाठी 2023 च्या एकदिवसीय विश्वचषकाचा मार्ग कठीण झाला आहे. वास्तविक, 8 संघ एकदिवसीय विश्वचषकासाठी थेट पात्र ठरले आहेत. आता 2 जागांसाठी 10 संघांमध्ये पात्रता सामने खेळवले जात आहेत. या 10 संघांची 2 गटात विभागणी करण्यात आली आहे. आता वेस्ट इंडिजला पात्र ठरायचे असेल तर त्यांना अप्रतिम कामगिरी करावी लागेल. (हे देखील वाचा: Ravi Shastri On Hardik Pandya: वर्ल्ड कप 2023 नंतर हार्दिक पांड्या एकदिवसीय संघाचे करणार नेतृत्व? रवी शास्त्री यांनी दिली प्रतिक्रिया)
याप्रमाणे टॉप 2 संघ ठरवले जातील
खरं तर, ग्रुप स्टेजच्या अ गटात वेस्ट इंडिजचे 4 गुण आहेत, तर झिम्बाब्वेचे 6 गुण आहेत. त्याचबरोबर ब गटात श्रीलंका 4 गुणांसह अव्वल स्थानावर आहे. प्रत्येक गटात 5 संघ आहेत. यापैकी, दोन्ही गटातील अव्वल 3 संघ सुपर 6 टेबलमध्ये स्पर्धा करतील. यामध्ये सर्वजण एकमेकांविरुद्ध सामने खेळतील आणि अंतिम टेबलमधील अव्वल 2 संघ पात्र ठरतील.
It's a good time to be a Zimbabwe cricket fan 🔝 pic.twitter.com/RxzdLvG1Uh
— ESPNcricinfo (@ESPNcricinfo) June 25, 2023
नेदरलँड्सविरुद्ध जिंकणे आवश्यक
वेस्ट इंडिजला सुपर 6 च्या टेबलमध्ये जायचे असेल तर त्यांना पुढील सामन्यात नेदरलँड्सला पराभूत करावे लागेल. या सामन्यात वेस्ट इंडिजचा पराभव झाला तर सुपर 6 मध्ये त्यांची टॉप 2 मध्ये येण्याची शक्यता कमी होईल. असे झाले तर वेस्ट इंडिजचे 2023 च्या वनडे वर्ल्ड कपमध्ये खेळण्याचे स्वप्न भंगू शकते.
सामन्याची स्थिती
हरारे येथे झिम्बाब्वे आणि वेस्ट इंडिज यांच्यात पात्रता सामना खेळला गेला, ज्यामध्ये झिम्बाब्वेने वेस्ट इंडिजचा 35 धावांनी पराभव केला. वेस्ट इंडिजने नाणेफेक जिंकून गोलंदाजीचा निर्णय घेतला आणि झिम्बाब्वेला 49.5 षटकांत 268 धावांवर रोखले. प्रत्युत्तरात वेस्ट इंडिजचा संपूर्ण संघ 44.4 षटकांत 233 धावांत सर्वबाद झाला. झिम्बाब्वेच्या विजयाचा हिरो ठरला अष्टपैलू खेळाडू सिकंदर रझा, ज्याने या सामन्यात 68 धावा केल्या आणि दोन बळी आणि दोन झेलही घेतले.
(The above story first appeared on LatestLY on Jun 25, 2023 02:40 PM IST. For more news and updates on politics, world, sports, entertainment and lifestyle, log on to our website latestly.com).
