RCB-W Beat MI-W: अटीतटीच्या सामन्यात आरसीबीचा दमदार विजय, मुंबईला पराभूत करुन घेतली फायनलमध्ये धडक
या सामन्यात आरसीबीने मुंबईचा पाच धावांनी पराभव करता फायनलमध्ये धडक मारली आहे. आता आरसीबी आणि दिल्लीमध्ये फायनल सामना होणार आहे.
MI-W vs RCB-W, Eliminator: महिला प्रीमियर लीगचा एलिमिनेटर सामना मुंबई इंडियन्स आणि रॉयल चॅलेंजर्स बंगलोर (RCB vs MI) महिला संघ यांच्यात दिल्लीत खेळला गेला. रॉयल चॅलेंजर्स बंगळुरू संघाने हा सामना 5 धावांनी जिंकला आणि या सामन्यातील विजयासह त्यांनी अंतिम फेरीतही आपले स्थान निश्चित केले आहे. स्पर्धेच्या दुसऱ्या सत्राचा अंतिम सामना आता दिल्ली कॅपिटल्स आणि रॉयल चॅलेंजर्स बंगळुरू यांच्यात 17 मार्चला खेळवण्यात येईल. दिल्ली संघाने गुणतालिकेत पहिले स्थान मिळवून आधीच अंतिम फेरीसाठी पात्रता मिळवली आहे. गत हंगामातील चॅम्पियन संघाचे दुसऱ्या सत्रात ट्रॉफी जिंकण्याचे स्वप्न अधुरेच राहिले आणि अंतिम सामन्याच्या एक पाऊल आधी ते स्पर्धेतून बाहेर पडले.
It's all over!
RCB beat defending champions Mumbai Indians in Eliminator to set up summit clash with Delhi Capitals
Follow: https://t.co/egn1oqugY3 pic.twitter.com/d1us0kxZxr
— TOI Sports (@toisports) March 15, 2024
बंगळुरूची फलंदाजीची अवस्था
रॉयल चॅलेंजर्स बंगलोरची कर्णधार स्मृती मानधना हिने महिला प्रीमियर लीग 2024 च्या एलिमिनेटर सामन्यात नाणेफेक जिंकून प्रथम फलंदाजी करण्याचा निर्णय घेतला होता, परंतु तिच्या संघाची सुरुवात खूपच खराब झाली होती. 20 धावांवर सोफी डिव्हाईनच्या रूपाने बंगळुरूला पहिला धक्का बसला. निर्णायक सामन्यात सोफी डिव्हाईनकडून चांगली कामगिरी अपेक्षित होती मात्र ती केवळ 10 धावा करून पॅव्हेलियनमध्ये परतली. यानंतर कर्णधार स्मृती मानधनाही याच धावसंख्येवर 10 धावा करून बाद झाली. मानधना बाद झाल्यानंतर आरसीबीच्या चाहत्यांना चौथ्या क्रमांकावर आलेली दिशा कसाट संघाचा ताबा घेईल, अशी अपेक्षा होती, पण तिला खातेही उघडता आले नाही आणि तोपर्यंत बंगळुरूची धावसंख्या 23 धावांत 4 विकेट्स अशी होती.
यानंतर विकेटकीपर फलंदाज रिचा घोषही हेली मॅथ्यूजच्या चेंडूवर 19 चेंडूत 14 धावा करून पॅव्हेलियनमध्ये परतली. रिचा बाद झाल्यानंतर आरसीबी ठराविक अंतराने विकेट गमावत होता. पण ॲलिस पेरीने एक टोक पकडून 50 चेंडूत 66 धावांची शानदार खेळी केली. त्यामुळे बंगळुरू संघाला 20 षटकांत 135 धावांपर्यंत मजल मारता आली. मुंबईकडून गोलंदाजीत हेली मॅथ्यूज, नॅट सायव्हर-ब्रंट आणि सायका इशाकने 2-2 बळी घेतले. (हे देखील वाचा: भारतात खेळवला जाणार T20 World Cup 2026, जाणून घ्या त्यासाठी कसे पात्र ठरतील 20 संघ)
मुंबई इंडियन्सची फलंदाजीची स्थिती
20 षटकांत 136 धावांचे आव्हान पेलण्यासाठी मैदानात उतरलेल्या हरमनप्रीतच्या कर्णधार असलेल्या मुंबई इंडियन्सची सुरुवात विशेष झाली नाही आणि 27 धावांच्या स्कोअरवर संघाने फॉर्मात असलेला फलंदाज हेली मॅथ्यूजची महत्त्वाची विकेट गमावली. हेली मॅथ्यूजने 14 चेंडूत 15 धावांची खेळी खेळली. यानंतर 50 धावांपर्यंत मजल मारताना मुंबई इंडियन्सची दुसरी सलामीवीर फलंदाज यस्तिका भाटियाही मोठी खेळी खेळू शकली नाही.
भाटियाने 27 चेंडूत 19 धावांची अत्यंत संथ खेळी खेळली. यानंतर कर्णधार हरमनप्रीत कौरने 30 चेंडूत 33 धावा केल्या. तिला साथ देणाऱ्या नेट सायव्हर-ब्रंटनेही 17 चेंडूंत 23 धावांची खेळी केली. बंगळुरूकडून श्रेयंका पाटीलने 2 बळी घेतले. फलंदाजीत ताकद दाखवणाऱ्या एलिस पेरीने गोलंदाजीत अष्टपैलू कामगिरी करत तिच्या खात्यात 1 बळी घेतला. तर जॉर्जिया वेअरहॅमनेही एक विकेट घेतली.
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Mar 15, 2024 10:55 PM IST. For more news and updates on politics, world, sports, entertainment and lifestyle, log on to our website latestly.com).
