भारतात खेळवला जाणार T20 World Cup 2026, जाणून घ्या त्यासाठी कसे पात्र ठरतील 20 संघ

T20 World Cup 2026: टी-20 विश्वचषक 2024 जून (T20 World Cup 2024) महिन्यात खेळवला जाणार आहे. या स्पर्धेच्या तयारीत आयसीसी चांगलीच गुंतली आहे. या स्पर्धेचे आयोजन वेस्ट इंडिज आणि अमेरिकेत होत आहे. क्रिकेट विश्वचषक पहिल्यांदाच अमेरिकेत होणार असून, त्यासाठी आयसीसी पूर्ण तयारीत आहे. चाहत्यांसाठी खेळ आणखीनच रोमांचक बनवण्यासाठी या स्पर्धेत अनेक नवीन नियम जोडले जात आहेत. दरम्यान, आयसीसीने पुढील टी-20 विश्वचषकासाठी पात्रता नियमही जाहीर केले आहेत. या नियमांतर्गत 20 संघ विश्वचषकासाठी कसे पात्र ठरतील हे आयसीसी ने स्पष्ट केले आहे. आम्ही तुम्हाला याबद्दल संपूर्ण माहिती देखील देऊ. (हे देखील वाचा: Rohit Sharma IPL Record: रोहित शर्मा करू शकतो मोठा विक्रम, दिग्गज फलंदाजांना मागे टाकून करणार मोठी कामगिरी)

अशा प्रकारे 2026 च्या विश्वचषकासाठी संघ पात्र ठरतील

आयसीसीने पुरुषांच्या टी-20 विश्वचषक 2026 पात्रता प्रक्रियेला देखील मान्यता दिली आहे. 20 संघांची ही स्पर्धा भारत आणि श्रीलंका यांच्या संयुक्त विद्यमाने आयोजित केली जाईल आणि एकूण 12 संघ रँकिंग आणि 2024 च्या विश्वचषकातील कामगिरीच्या आधारावर पात्र ठरतील. 2024 हंगामातील अव्वल आठ संघ आपोआप 2026 च्या विश्वचषकासाठी पात्र ठरतील. आयसीसी क्रमवारीच्या आधारे दोन ते चार संघ आपले स्थान निश्चित करतील.

भारत आणि श्रीलंका आधीच पात्र

दुसरीकडे, भारत आणि श्रीलंका हे दोन्ही यजमान देश या स्पर्धेसाठी आधीच पात्र ठरतील. जर भारत आणि श्रीलंका अव्वल 8 संघांमध्ये नसतील तर उर्वरित चार संघांमध्ये भारत आणि श्रीलंकेची नावे प्रथम समाविष्ट केली जातील. त्यानंतर आणखी दोन संघ क्रमवारीच्या आधारे आपले स्थान पक्के करू शकतील. जर भारत आणि श्रीलंकेने आधीच अव्वल 8 मध्ये आपले स्थान निर्माण केले तर इतर चार संघ क्रमवारीच्या आधारे पात्र ठरतील. 20 पैकी उर्वरित आठ संघ प्रादेशिक पात्रता फेरीतून पात्र ठरतील.

(The above story first appeared on LatestLY on Mar 15, 2024 10:43 PM IST. For more news and updates on politics, world, sports, entertainment and lifestyle, log on to our website latestly.com).