Wrestlers Protest: 'कुस्तीपटूंचे म्हणणे ऐकून घेऊन सन्मानजनक तोडगा काढावा'; Raj Thackeray यांची PM Narendra Modi यांना विनंती
कुस्तीपटूंच्या मुद्यावर मनसे अध्यक्ष राज ठाकरे यांनी भाष्य केले आहे. पीएम नरेंद्र मोदी यांनी या विषयात लक्ष घालून सन्मानजनक तोडगा काढावा व भारतीय क्रीडाजगताला आश्वस्त करावे अशी विनंती राज ठाकरे यांनी केली आहे.
सध्या देशात अनेक कुस्तीपटू भारतीय कुस्ती महासंघाचे (WFI) माजी अध्यक्ष ब्रिजभूषण सिंग यांच्या विरोधात आंदोलन करत आहेत. सिंग यांच्यावर लैंगिक छळाचा आरोप होत आहे. गेले अनेक दिवस हे आंदोलन सुरु असून अद्याप याबाबत केंद्र सरकारने याबाबत आपली भूमिका स्पष्ट केली नाही. आंदोलन करणाऱ्या कुस्तीपटूंना हटवण्यासाठी पोलिसांच्या दाबवाचाही वापर केला गेला मात्र, कुस्तीपटू आपल्या मागण्यांवर ठाम आहेत. आता या मुद्यावर मनसे अध्यक्ष राज ठाकरे यांनी भाष्य केले आहे. पीएम नरेंद्र मोदी यांनी या विषयात लक्ष घालून सन्मानजनक तोडगा काढावा व भारतीय क्रीडाजगताला आश्वस्त करावे अशी विनंती राज ठाकरे यांनी केली आहे.
याबाबत केलेल्या ट्वीटमध्ये ते म्हणतात, 'सन्मा. भारताचे पंतप्रधान नरेंद्र मोदीजी, ज्यांचा गौरव आपण ‘देश की बेटियाँ’ असा करत आलो, ज्यांच्या श्रमातून आपल्या देशाला कुस्तीच्या खेळात अनेक पदकं बघायला मिळाली असे कुस्तीपटू न्यायासाठी आक्रोश करत असताना २८ मे ला ज्या पद्धतीने त्यांची जशी फरफट झाली तशी फरफट पुन्हा होऊ नये. तसंच आपण स्वतः ह्या विषयांत लक्ष घालून त्यांचं म्हणणं ऐकून घ्यावं आणि सन्मानजनक तोडगा काढावा व भारतीय क्रीडाजगताला आश्वस्त करावं, ही नम्र विनंती.' (हेही वाचा: जागतिक पातळीवर पोहोचले कुस्तीपटूंचे आंदोलन; United World Wrestling ने दिला पाठींबा, रेसलिंग फेडरेशन ऑफ इंडियावर बंदी घालण्याची धमकी)
सन्मा. भारताचे पंतप्रधान @narendramodi जी, ज्यांचा गौरव आपण ‘देश की बेटियाँ’ असा करत आलो, ज्यांच्या श्रमातून आपल्या देशाला कुस्तीच्या खेळात अनेक पदकं बघायला मिळाली असे कुस्तीपटू न्यायासाठी आक्रोश करत असताना २८ मे ला ज्या पद्धतीने त्यांची जशी फरफट झाली तशी फरफट पुन्हा होऊ नये.… pic.twitter.com/Qzjivo91xh
— Raj Thackeray (@RajThackeray) May 31, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on May 31, 2023 07:09 PM IST. For more news and updates on politics, world, sports, entertainment and lifestyle, log on to our website latestly.com).
