CM Uddhav Thackeray Admitted to Hospital: राज्याच्या मुख्यमंत्रीपदाचा तात्पुरता कार्यभार मंत्री एकनाथ शिंदे यांच्याकडे सोपवला? जाणून घ्या या व्हायरल बातमीमागील सत्य 

काही दिवसांपूर्वी बातमी आली होती की, मुख्यमंत्री उद्धव ठाकरे यांना मानदुखीचा त्रास होत आहे. आता मुख्यमंत्री ठाकरे हे काल, 10 नोव्हेंबर रोजी हॉस्पिटलमध्ये दाखल झाले असून दोन ते तीन दिवस उपचार घेणार आहेत. मुख्यमंत्री कार्यालयाकडून यासंदर्भात माहिती देण्यात आली आहे. या दरम्यान सोशल मिडियावर बातमी व्हायरल झाली होती की, मुख्यमंत्रीपदाचा तात्पुरता कार्यभार नगरविकास मंत्री एकनाथ शिंदे यांच्याकडे सोपविण्यात आला आहे. प्रांती यामध्ये कुठलेही तथ्य नसल्याचे समोर आले आहे.

नगरविकास मंत्री एकनाथ शिंदे यांच्या कार्यालयाकडून यासंदर्भात स्पष्टीकरण दिले आहे की, महाराष्ट्राचे मुख्यमंत्री उद्धव ठाकरे साहेब यांच्यावर उद्या एक छोटीशी शस्त्रक्रिया करण्यात येणार असून, त्यानंतर अवघे तीन ते चार दिवस आराम केल्यानंतर ते पुन्हा जनतेच्या सेवेत रुजू होतील. आई जगदंबेचा कृपाशीर्वाद आणि तमाम जनतेच्या सदिच्छा उद्धव ठाकरे साहेबांसोबत आहेत. त्यामुळे समाजमाध्यमावर फिरणाऱ्या खोट्या आणि खोडसाळ मेसेजेस आणि पोस्टवर विश्वास ठेवू नये, ही नम्र विनंती.

मा.मुख्यमंत्री श्री.उद्धवजी ठाकरे साहेब यांच्यावर उद्या एक छोटीशी शस्त्रक्रिया करण्यात येणार असून, त्यानंतर अवघे तीन ते चार दिवस आराम केल्यानंतर ते पुन्हा जनतेच्या सेवेत रुजू होतील. आई जगदंबेचा कृपाशीर्वाद व तमाम जनतेच्या सदिच्छा मुख्यमंत्री उद्धवजी ठाकरे साहेबांसोबत आहेत.

— Eknath Shinde - एकनाथ शिंदे (@mieknathshinde) November 11, 2021

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Nov 11, 2021 11:17 PM IST. For more news and updates on politics, world, sports, entertainment and lifestyle, log on to our website latestly.com).