UPI and Pre-Sanctioned Credit Lines: खुशखबर! आता बँकांद्वारे पूर्व-मंजूर क्रेडिट लाइनद्वारे करू शकणार यूपीआय व्यवहार, RBI कडून नोटिफिकेशन जारी, जाणून घ्या सविस्तर
यूपीआयची व्याप्ती वाढवण्यासाठी, जमा खात्यांव्यतिरिक्त बँकांमधील पूर्व-मंजूर क्रेडिट लाइनद्वारेदेखील व्यवहार करण्याची परवानगी देण्याचा आरबीआयचा प्रस्ताव होता.
युनिफाइड पेमेंट्स इंटरफेस (UPI) हा भारतामधील एक मोठा आणि मजबूत पेमेंट प्लॅटफॉर्म आहे. सध्या यावर देशातील किरकोळ डिजिटल पेमेंट व्हॉल्यूमपैकी 75% व्यवहार हाताळले जातात. यूपीआय व्यवहार हे प्रामुख्याने बँकांमधील ठेव खात्यांद्वारे होत असतात. अलीकडे, रूपे (RuPay) क्रेडिट कार्डांना यूपीआयशी लिंक करण्याची परवानगी देण्यात आली होती. यूपीआयची व्याप्ती वाढवण्यासाठी, जमा खात्यांव्यतिरिक्त बँकांमधील पूर्व-मंजूर क्रेडिट लाइनद्वारेदेखील व्यवहार करण्याची परवानगी देण्याचा आरबीआयचा प्रस्ताव होता. म्हणजे यूपीआय व्यासपिठावर ग्राहक बँकांकडून मिळणाऱ्या क्रेडिटद्वारे व्यवहार करण्यास सक्षम होतील. आता आरबीआयने या संदर्भातील तपशीलवार सूचना जारी केल्या आहेत.
आरबीआयने जारी केलेल्या नोटिफिकेशनमध्ये म्हटले आहे की, 'सध्या बचत खाते, ओव्हरड्राफ्ट खाते, प्रीपेड वॉलेट्स आणि क्रेडिट कार्डे यूपीआयशी जोडली जाऊ शकतात. त्यात आता यूपीआयची व्याप्ती वाढवण्यासाठी फंडिंग खाते म्हणून क्रेडिट लाइन्सचा समावेश केला जाणार आहे. या सुविधेअंतर्गत, ग्राहकाच्या पूर्व संमतीने, शेड्यूल्ड कमर्शियल बँकेद्वारे त्यांच्या ग्राहकांना जारी केलेल्या पूर्व-मंजूर क्रेडिट लाइनद्वारे यूपीआय व्यवहार करता येतील.' आरबीआयने पुढे म्हटले आहे, 'बँका, त्यांच्या बोर्डाने मंजूर केलेल्या धोरणानुसार, अशा क्रेडिट लाइनच्या वापरासाठी अटी व शर्ती निश्चित करू शकतात. अटींमध्ये क्रेडिट मर्यादा, क्रेडिटचा कालावधी, व्याजदर इत्यादींचा समावेश असू शकतो.'
Operation of Pre-Sanctioned Credit Lines at Banks through Unified Payments Interface (UPI)https://t.co/KF46MtvA1j
— ReserveBankOfIndia (@RBI) September 4, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 04, 2023 07:26 PM IST. For more news and updates on politics, world, sports, entertainment and lifestyle, log on to our website latestly.com).
