जीवनसाथी निवडण्याचा अधिकार हा श्रद्धा आणि धर्म अशा गोष्टींमुळे प्रभावित होऊ शकत नाही; Delhi High Court ची टिप्पणी

जीवनसाथी निवडण्याचा व्यक्तीचा अधिकार केवळ श्रद्धा आणि धर्माच्या बाबींपुरता मर्यादित असू शकत नाही किंवा जोडीदार निवडण्याचा अधिकार हा श्रद्धा आणि धर्म अशा गोष्टींमुळे प्रभावित होऊ शकत नाही, असे दिल्ली उच्च न्यायालयाने सोमवारी सांगितले. न्यायालयाने म्हटले आहे की लग्न करण्याचा अधिकार हे ‘मानवी स्वातंत्र्य’ आहे आणि जेव्हा दोन प्रौढ लोक लग्न करण्याचा निर्णय घेतात तेव्हा राज्य, समाज किंवा पालक तो निर्णय प्रभावित करू शकत नाहीत.

‘जेव्हा भारतीय राज्यघटना प्रत्येक व्यक्तीला कोणत्याही धर्माचे मुक्तपणे आचरण, प्रचार आणि प्रसार करण्याच्या अधिकाराची हमी देते, तेव्हा ती विवाहाच्या बाबतीतही या पैलूंमध्ये स्वायत्ततेची हमी देते', असेही न्यायालयाने म्हटले. या प्रकरणात जोडप्याने (दोन्ही प्रौढ), विशेष विवाह कायदा, 1954 अंतर्गत 31 जुलै रोजी विवाह केला. मात्र त्यानंतर जोडप्याने आरोप केला की, ते दोघेही वेगवेगळ्या धर्माचे असल्याने त्यांना महिलेच्या कुटुंबीयांकडून सतत धमक्या येत आहेत. आता या जोडप्याला संरक्षण देताना न्यायालयाने ही वरील टिप्पणी केली. (हेही वाचा: जोडीदाराचा जाणूनबुजून लैंगिक संबंधास नकार देणे ही विवाहातील क्रूरता; दिल्ली उच्च न्यायालयाने कायम ठेवला जोडप्याचा घटस्फोट)

Right To Choose Life Partner Can’t Be Affected By Faith Or Religion: Delhi High Court | @nupur_0111https://t.co/S59tExQ3fR

— Live Law (@LiveLawIndia) September 18, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Sep 19, 2023 04:27 PM IST. For more news and updates on politics, world, sports, entertainment and lifestyle, log on to our website latestly.com).