Fly 91 Gets DGCA's License: देशातील नवीन एअरलाइन फ्लाय 91 ला मिळाला डीजीसीएचा परवाना; लवकरच सुरु करणार फ्लाइट ऑपरेशन्स

Fly 91 Gets DGCA's License: नागरी विमान वाहतूक महासंचालनालयाने म्हणजेच DGCA ने नवीन एअरलाइन फ्लाय 91 ला एअर ऑपरेटर प्रमाणपत्र (AOC) दिले आहे. फ्लाय-91 ने सोशल मीडिया प्लॅटफॉर्म X वर एक फोटो शेअर करत लिहिले की, 'अखेर प्रतीक्षा संपली. FLY91 टीमच्या 4 वर्षांच्या मेहनतीचे आणि समर्पणाचे फळ मिळाले आहे. डीजीसीए इंडियाकडून एअर ऑपरेटिंग प्रमाणपत्र मिळाल्याचा आम्हाला अभिमान आहे. आमच्या व्हिजनवर विश्वास ठेवल्याबद्दल आणि या प्रवासात आम्हाला पाठिंबा दिल्याबद्दल आम्ही माननीय मंत्री ज्योतिरादित्य सिंधिया, MoCA_GoI आणि DGCA यांचे आभार मानतो.'

अशाप्रकारे फ्लाय-91 च्या रूपाने देशातील विमान वाहतूक क्षेत्रात लवकरच नवीन विमान कंपनी दाखल होणार आहे. फ्लाय-91 ही किंगफिशर एअरलाइन्सचे माजी सीईओ मनोज चाको यांनी सुरू केलेली नवीन एअरलाइन आहे. या विमान कंपनीला मागच्या वर्षी एप्रिलमध्येच सरकारकडून उड्डाणाची परवानगी मिळाली होती. नागरी विमान वाहतूक महासंचालनालय (DGCA) कडून ना हरकत प्रमाणपत्र (NOC) प्राप्त केल्यानंतर, फ्लाय-91 एअर ऑपरेटर परमिट (AOP) मिळविण्याचा प्रयत्न करत होती, जे त्यांना आता मिळाले आहे. अहवालानुसार न्यू गोवा विमानतळ हे कंपनीचे बेस सेंटर असेल आणि गोवा हे कंपनीचे मुख्यालय असेल. (हेही वाचा: Vande Bharat Express: प्रवाशांना दिलासा! लवकरच सुरु होणार मुंबई-कोल्हापूर आणि पुणे-वडोदरा वंदे भारत एक्सप्रेस, जाणून घ्या सविस्तर)

DGCA has given Air Operator's Certificate (AOC) to new airlines Fly 91: DGCA pic.twitter.com/Q8olFkIK1Q

— ANI (@ANI) March 6, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Mar 06, 2024 05:41 PM IST. For more news and updates on politics, world, sports, entertainment and lifestyle, log on to our website latestly.com).