EAM S Jaishankar's Sharp Attack On Canada: परराष्ट्र मंत्री एस जयशंकर यांचा कॅनडावर तीव्र हल्ला; म्हणाले- 'खलिस्तानी मुद्द्यावर त्यांच्या प्रतिक्रिया या व्होटबँकेच्या राजकारणाने चालतात' (Watch)
खलिस्तान कारवायांबाबत भारताने कॅनडाच्या सरकारला वारंवार माहिती दिली होती, पण तरीही दहशतवाद आणि खलिस्तान चळवळीविरुद्ध कॅनडा सरकारने कोणतीही ठोस पावले उचलली नाहीत.
परराष्ट्र मंत्री एस जयशंकर हे त्यांच्या स्पष्ट वक्तव्यांसाठी ओळखले जातात. भारताच्या कोणत्याही देशाशी असलेल्या संबंधांबाबत ते निर्भयपणे आपले मत मांडतात. पुन्हा एकदा परराष्ट्र मंत्री एस जयशंकर यांनी भारत-रशिया, भारत-चीन, भारत-अमेरिका, भारत-कॅनडा आणि भारत-पाकिस्तान यांच्यातील संबंधांवर आपले मत मांडले आहे. पाकिस्तान जोपर्यंत दहशतवाद सोडत नाही तोपर्यंत संबंध सामान्य होणार नाहीत, असे त्यांनी स्पष्टपणे सांगितले आहे. चीनबाबत बोलताना ते म्हणाले की, आता हे संबंध असामान्य आहेत.
खलिस्तान कारवायांबाबत भारताने कॅनडाच्या सरकारला वारंवार माहिती दिली होती, पण तरीही दहशतवाद आणि खलिस्तान चळवळीविरुद्ध कॅनडा सरकारने कोणतीही ठोस पावले उचलली नाहीत. आता कॅनडावर भाष्य करताना ईएएम एस जयशंकर म्हणाले, ‘त्यांच्यासाठी व्होट-बँकेचे राजकारण महत्वाचे आहे. त्यांच्या प्रतिसादांवरही व्होट बँकेचे नियंत्रण असल्याचे जाणवते व त्यामुळे ते फार मर्यादित आहेत. आम्ही हे अगदी स्पष्ट केले आहे की, कॅनडामधून आमची राष्ट्रीय सुरक्षा आणि अखंडतेला बाधा पोहोचणाऱ्या कारवायांसाठी परवानगी मिळत असेल तर, आम्हाला प्रतिसाद द्यावा लागेल. गेल्या काही वर्षांत याचा आमच्या संबंधांवर अनेक प्रकारे परिणाम झाल्याचे तुम्ही पाहू शकता.’ (हेही वाचा: एशिया पॅसिफिक राष्ट्रात भारत सर्वात वेगाने वाढणारी अर्थव्यवस्था, पुढील तीन वर्षांमध्ये राहील 6% वाढ)
#WATCH | Delhi: Dr EAM S Jaishankar on Canada: "They seem driven by vote-bank politics. Their responses have been constrained by what they regard as vote bank compulsions. If there are activities in Canada that impinge on our national security & integrity, then we will have to… pic.twitter.com/wc1l1CjODZ
— ANI (@ANI) June 28, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 28, 2023 09:12 PM IST. For more news and updates on politics, world, sports, entertainment and lifestyle, log on to our website latestly.com).
