Fact Check: ऑक्सिजन लेव्हल तपासण्यासाठी गुगल प्ले स्टोअरवरुन अॅप डाऊनलोड करा अशा मेसेजद्वारे लोकांची फसवणूक; जाणून घ्या व्हायरल पोस्ट मागील सत्य
कोविड-19 संकटात अनेक फेक आणि दिशाभूल करणारे मेसेजेस सोशल मीडियावर व्हायरल होत आहेत. त्यामुळे लोकांच्या अस्वस्थेत भर पडत आहे. सध्या व्हॉट्सअॅपवर एक मेसेज व्हायरल होत आहे.
कोविड-19 (Covid-19) संकटात अनेक फेक आणि दिशाभूल करणारे मेसेजेस सोशल मीडियावर व्हायरल होत आहेत. त्यामुळे लोकांच्या अस्वस्थेत भर पडत आहे. सध्या व्हॉट्सअॅपवर (Whatsapp) एक मेसेज व्हायरल होत आहे. त्यात ऑक्सिजन लेव्हल चेक करण्यासाठी गुगल प्ले स्टोअरवरुन (Google Play Store) अॅप (App) डाऊनलोड करा, असे सांगण्यात आले आहे. या अॅपद्वारे मोबाईल कॅमेऱ्याच्या मदतीने तुम्ही तुमच्या रक्तातील ऑक्सिजनची पातळी चेक करु शकता. असे मेसेजमध्ये सांगण्यात आले असून अॅप डाऊनलोड करण्यासाठी लिंक देण्यात आली आहे.
Social Media Hoax Slayer यांनी यासंदर्भात 3 डॉक्टरांशी चर्चा केली. तेव्हा डॉक्टरांनी अशा अॅपची शक्यता नाकारली आहे. हा अॅप आता गुगल प्ले स्टोअरवरुन काढून टाकण्यात आला आहे. हा अॅप ओपन करणारी लिंक आता चालत नसून “we’re sorry, the requested URL was not found on this server" असा मेसेज स्क्रिनवर दिसत आहे.
Fake Viral Message:
Every one please install app and measure oxygen level daily in this carona time and if oxygen level falls below 90 please consult doctor immediately.
App for oximeter, blood pressure and Heart rate.Give permission of camera to measure on App. https://t.co/4wGaliSqh6
— Sanjay Jha (@sanjaykj67) July 26, 2020
तेलंगणा पोलिसांनी देखील हा दावा खोटा असल्याचे सांगितले आहे. यासंदर्भात केलेल्या ट्विटमध्ये त्यांनी लिहिले, #CyberFraudAlert: खोट्या लिंकपासून सावध रहा. यात तुमचे ऑक्सिजन लेव्हल फ्री मध्ये तपासण्यासाठी अॅप डाऊनलोड करण्यास सांगितले आहे. याद्वारे तुमच्या मोबाईलमधील डेटा रिड होऊ शकतो. याद्वारे फसणूक होऊ शकते.
Tweet by Telangana Police:
Be Aware of Malicious links : Asks to download the app, to get your #PulseOxyMeter in your mobile for FREE.
Under this cover, it reads all the information stored in your mobile, uses it for illicit-transactions.
-Loots your hard earned. pic.twitter.com/Gx7iPEkUBg
— Telangana State Police (@TelanganaCOPs) July 27, 2020
तसंच अशाप्रकारच्या फेक मेसेजेसवर विश्वास ठेवू नका, असे आवाहन पोलिसांकडून करण्यात येत आहे. पर्सनल डेटा ऑथेंटिकेशनसाठी हाताचे पहिले बोट वापरले जाते. या अॅपमध्ये आपले पहिले बोट कॅमेऱ्यावर ठेवण्यास सांगितले जाते आणि त्यातून ऑक्सिजन लेव्हल सांगण्यात येईल, असा दावा केला जातो. परंतु, आपल्या पहिल्या बोटाला स्कॅन करुन त्याचा मोठ्या प्रमाणात गैरवापर होऊ शकतो. त्यामुळे सोशल मीडियावर व्हायरल होणाऱ्या कोणत्याही मेसेजची सत्यता पडताळून पाहिल्याशिवाय त्यावर विश्वास ठेवू नका.
(The above story first appeared on LatestLY on Jul 29, 2020 01:33 PM IST. For more news and updates on politics, world, sports, entertainment and lifestyle, log on to our website latestly.com).
