महाराष्ट्र राज्यात पेट्रोल डिझेल वर देण्यात येणारी सवलत ही 2500 कोटींवरून 1800 कोटींवर कमी करण्यात आली आहे. यामुळे राज्यात अतिरिक्त कर वाढून पेट्रोल डिझेलची किंमत 1 रुपयाने वाढणार आहे. 

अजित पवार यांनी सादर केलेल्या महाराष्ट्र अर्थसंकल्पाचे भाषण संपताच भाजप आमदारांनी वायदा ही वायदा अशा घोषणाबाजीला सुरुवात केली. 

MMRDA, पुणे, पिंपरी चिंचवड महापालिका क्षेत्रातील घर खरेदी करताना भराव्या लागणाऱ्या मुद्रांक शुल्कात 1 टक्क्याची सवलत देण्यात येणार आहे. यातून बांधकाम क्षेत्राला चालना मिळावी अस हेतू आहे.  

सामाजिक न्याय विभागातील कामांसाठी 9,668 कोटींच्या निधीची तरतूद करण्यात येणार असल्याचे अजित पवार यांनी सांगितले आहे. 

तृतीयपंथींच्या हक्काच्या रक्षणासाठी मंडळ स्थापन करणार असल्याचे अजित पवार यांनी सांगितले आहे. 

अखिल भारतीय मराठी नाट्यसंमेलनासाठी 10 कोटींचा निधी देणार असल्याची मोठी घोषणा करून अजित पवार यांने नाट्यप्रेमींना दिलासा दिला आहे. 

सर्व आमदारांना मतदारसंघातील विकासकामासाठी 2 कोटींवरून वाढ करून 3 कोटी इतका निधी देणार असल्याची घोषणा अजित पवार यांनी केली आहे. 

मराठी भाषेच्या विकासासाठी मुंबईत मराठी भाषा भवन उभारण्यात येणार आहे, तर वडाळा येथे वस्तू व सेवा कर भवन उभारण्यात येणार आहे. 

दररोज 1 लाख शिवभोजन थाळी देण्याचा सरकारचा मानस आहे, या शिवभोजन थाळीसाठी 150 कोटींच्या निधीची तरतूद करण्यात येणार असल्याचे अजित पवार यांनी सांगितले आहे. 

मराठवाडा दुष्काळावर मात करण्यासाठी आखण्यात आलेल्या मराठवाडा वॉटरगग्रीड साठी 200 कोटींचा निधी प्रस्तावित आहे, राज्यातील घराघरात 2021 पर्यंत नळाने पाणी पोहचवण्याचा सरकारचा प्रयत्न आहे. 

प्रत्येक जिल्ह्यात केवळ महिला पोलीस अधिकारी असणारे एक पोलीस स्थानक उभारणार आहे, याठिकाणी जिल्ह्यातील कोणत्याही महिलेला तक्रार नोंदवता येईल 

1000 कोटींपर्यंतची खरेदी महिला बचत गटांच्या माध्यमातून करण्याची तरतूद सरकार करत आहे, अशी माहिती अजित पवार यांनी दिली आहे. 

स्थानिकांना रोजगार मिळावेत यासाठी महा विकास आघाडी सरकार आग्रही, 80 टक्के नोकऱ्या स्थानिकांना मिळण्यासाठी कायदा करणार असल्याचे अजित पवार यांनी सांगितले आहे. 

सोलापूर व पुणे येथे नवे विमानतळ उभारणार असल्याची माहिती अजित पवार यांनी अर्थसंकल्प सादरीकरणात दिली. 

पुणे येथे ऑलिम्पिक भवन उभारणार असल्याचे अजित पवार यांनी अर्थसंकल्प सादरीकरणात सांगितले. 

क्रीडा विकासासाठी तालुका स्तरीय अनुदान 1 कोटी वरून 5  कोटी आणि जिल्हा स्तरीय अनुदान हे 8 कोटी वरून 25 कोटी करण्यात आल्याचे अजित पवार यांनी सांगितले आहे . 

महाराष्ट्र परिवहन मंडळाच्या जुन्या बस बदलून त्याजागी 1600 नवीन बस खरेदी करण्यासाठी तसेच बसस्थानके आधुनिक करण्यासाठी 401 कोटींचा निधी देण्यात येणार असल्याचे अजित पवार यांनी सांगितले आहे. 

राज्यातील प्रत्येक ग्रामपंचायतीला स्वतःचं कार्यालय असेल आणि त्यासाठी निधी उपलब्ध करुन दिला जाईल असे अजित पवार यांनी अर्थसंकल्प सादरीकरणात सांगितले. 

मुख्यमंत्री उद्धव ठाकरे यांनी केंद्रीय रस्तेविकास मंत्री नितीन गडकरी यांची भेट घेतली असता त्यांनी रस्ते विकासासाठी जमीन भूसंपादित करा चार पदरी आणि आठ पदरी रस्त्यांच्या बांधणीसाठी 1200 कोटींची मदत केंद्रातून मिळेल असे आश्वासन देण्यात आल्याचे अजित पवार यांनी सांगितले. 

शेतीला दिवसा वीज पुरवठा करण्यासाठी सौर  पंप बसवण्यात येणार आहेत यासाठी 6700 कोटींची तरतूद करण्यात आली आहे अशी माहिती अजित पवार यांनी दिली आहे. 

कर्जमाफीसाठी एकूण 22 हजार कोटी रुपयांचा निधी देण्यात येत आहे. शेतकऱ्यांच्या खात्यावर रक्कम वर्ग करण्याचं काम सुरू असल्याची माहिती अजित पवार यांनी दिली. यासाठी शेतकऱ्यांना हेलपाटे न घालता मदत मिळेल अशी तरतूद करणार असल्याचेही पवार यांनी म्हंटले आहे. 

1 एप्रिल 2015 - 31 मार्च 2019 या काळात 2 लाखांपेक्षा जास्त कर्ज असणाऱ्या शेतकऱ्यांना राज्य सरकार कर्ज फेडण्यासाठी 2 लाख रुपये देणार, अशी घोषणा अजित पवार यांनी अर्थसंकल्पात केली आहे. 

IMF च्या अहवालानुसार पहिल्यांदाच देशाचा विकास दर 5 टक्क्यांच्या खाली आला आहे, त्यामुळे राज्यावर तणाव येत असून बेरोजगारीचे प्रमाण वाढत आहे. 

मुख्यमंत्री उद्धव ठाकरे यांच्या नेतृत्वाखालील महाविकास आघाडी सरकारचा पहिला अर्थसंकल्प अर्थमंत्री अजित पवार हे विधानसभेत मांडत आहेत.