Coronavirus Update: महाराष्ट्रातील तुमच्या जिल्ह्यात कोरोनाचे किती रुग्ण? पहा राज्यातील कोरोनाबाधितांची जिल्हानिहाय आकडेवारी

Coronavirus In Maharashtra: महाराष्ट्रात (Maharashtra) कालच्या दिवसभरात 3,427 नवीन कोरोना रुग्णांची नोंद झाली असून 113 जणांचा कोरोनामुळे मृत्यू झाला आहे. यानुसार राज्यातील कोरोनाग्रस्तांचा आकडा 1,04,568 वर पोहोचला आहे. आतापर्यंत राज्यात 3830 जणांचा कोरोनामुळे बळी गेला आहे, तर चांगली माहिती अशी की 49346 जणांनी कोरोनावर मात केली आहे. राज्यात सध्या कोरोनाचे 51379 ऍक्टिव्ह रुग्ण असून त्यांच्यावर विविध रुग्णालयात उपचार सुरु आहेत. यासंदर्भात आरोग्य विभागाने (State Health Department) माहिती दिली आहे. राज्यात सर्वाधिक कोरोना रुग्ण मुंबई (Mumbai), पुणे (Pune), ठाणे (Thane), औरंगाबाद (Aurangabad) जिल्ह्यात आढळून येत आहेत. तसेच कोकण (Kokan), विदर्भातील (Vidarbha) ग्रामीण भागात सुद्धा हळूहळू कोरोनाचे प्रमाण वाढत आहे. राज्यातील कोणत्या जिल्ह्यात कोरोनाचे किती रुग्ण आहेत याची सविस्तर आकडेवारी जाणून घ्या. Coronavirus Update: भारतात कोरोना बाधितांच्या सर्वात मोठी वाढ! 11,929 नव्या रुग्णांसह देशात कोरोना संक्रमितांची एकूण संख्या 3,20,922 वर

मुंबईतील कोरोनाबाधितांचे आकडे पाहायला गेल्यास शहरात कोरोना रुग्णांचा डबलिंग रेट हा 24 दिवसांवर गेला आहे. कोरोनाचा हॉटस्पॉट असणाऱ्या धारावीत सुद्धा हा रेट 42 दिवसांवर गेल्याचे समजतेय. तुमचा जिल्हा कंटेनमेंट झोन, रेड, ग्रीन, ऑरेंज झोन यापैकी नक्की कशात मोडतो हे जाणून घेण्यासाठी क्लिक करा.

महाराष्ट्रातील कोरोनाबाधितांची जिल्हानिहाय आकडेवारी

दरम्यान राज्याचे आरोग्यमंत्री राजेश टोपे यांच्या माहितीनुसार, राज्यात सध्या 55 शासकीय आणि 42 खाजगी अशा एकूण 97 प्रयोगशाळा कोरोना निदानासाठी कार्यरत आहेत.आजपर्यंत पाठविण्यात आलेल्या 6  लाख 41 हजार 441 नमुन्यांपैकी 1  लाख 4 हजार 568 नमुने पॉझिटिव्ह (16.3 %) आले आहेत. कालच झालेल्या निर्णयानुसार आता राज्यात कोरोनाचे चाचणी ही जास्तीत जास्त 2200 रुपयात करता येणार आहे त्यासाठी पूर्वी 4400 हजार रुपये द्यावे लागत होते.

(The above story first appeared on LatestLY on Jun 14, 2020 10:08 AM IST. For more news and updates on politics, world, sports, entertainment and lifestyle, log on to our website latestly.com).