Black Fungus: पुरुष आणि मधुमेहाच्या रुग्णांमध्ये ब्लॅक फंगसचा धोका सर्वाधिक; डॉक्टरांच्या अभ्यासात खुलासा
हा अभ्यास एल्सेव्हियर जर्नलमध्ये प्रकाशित होणार आहे. डॉक्टरांनी म्यूकोर्मिकोसिस संसर्ग झालेल्या कोरोना रूग्णांच्या 101 प्रकरणांचे विश्लेषण केले, हा एक दुर्मीळ पण गंभीर बुरशीजन्य संसर्ग आहे. संसर्ग झालेल्यांमध्ये 79 पुरुषांचे असल्याचे आढळले. मधुमेहाच्या रुग्णांना हा सर्वात मोठा धोका आहे.
भारतातील कोरोना संकटादरम्यान काळ्या बुरशीचा प्रादुर्भाव झालेल्या रुग्णांचे प्रमाण दिवसेंदिवस वाढत आहे. यामुळे केंद्र व राज्य सरकारची चिंता वाढली आहे. लवकरचं चार भारतीयांनी प्रकाशित केलेल्या अभ्यासानुसार पुरुषांना म्यूकोर्मिकोसिसची लागण होण्याची अधिक शक्यता असते. डॉक्टरांनी त्यांच्या अभ्यासाचं नाव 'कोव्हीड-19 मधील म्यूकोर्मिकोसिस: जगभरात आणि भारतात नोंदवलेल्या घटनांचा पद्धतशीर पुनरावलोकन' ठेवले आहे.
डॉक्टरांनी म्यूकोर्मिकोसिस संसर्ग झालेल्या कोरोना रूग्णांच्या 101 प्रकरणांचे विश्लेषण केले, हा एक दुर्मीळ पण गंभीर बुरशीजन्य संसर्ग आहे. संसर्ग झालेल्यांमध्ये 79 पुरुषांचे असल्याचे आढळले. मधुमेहाच्या रुग्णांना हा सर्वात मोठा धोका आहे. ज्यामध्ये 101 पैकी 83 जण मधुमेहाने ग्रस्त होते. (वाचा - Black Fungus वर उपचारासाठी Amphotericin-B Anti Fungal औषधाच्या उत्पादनासाठी 5 अतिरिक्त उत्पादकांना सरकार कडून परवाना)
हा अभ्यास एल्सेव्हियर जर्नलमध्ये प्रकाशित होणार आहे. कोलकाताच्या जीडी हॉस्पिटल आणि डायबेटिस इन्स्टिट्यूटचे डॉ. अवधेश कुमार सिंह आणि डॉ. रितु सिंह, मुंबईतील लीलावती हॉस्पिटलचे डॉ. शशांक जोशी आणि नॅशनल डायबिटीज, लठ्ठपणा आणि नवी दिल्लीतील कोलेस्ट्रॉल फाउंडेशनचे डॉ. अनूप मिश्रा यांनी एकाच वेळी 101 रूग्णांचा अभ्यास केला. यातील भारतीत 82, अमेरिकेतील 9 आणि तीन इराणच्या रुग्णांचा समावेश होता. कोविडशी संबंधित म्यूकोर्मिकोसिस हा एक गंभीर आजार बनला आहे. आतापर्यंत महाराष्ट्रात सर्वाधिक 90 जणांचा या आजारामुळे मृत्यू झाला आहे.
अभ्यासात बुरशीजन्य संसर्गामुळे 101 पैकी 31 जणांचा मृत्यू झाला. आकडेवारीवरून असे दिसून आले की, म्यूकोर्मिकोसिसच्या 101 व्यक्तींपैकी 60 मध्ये सक्रिय कोवि संसर्ग होता आणि यातील 41 लोक बरे झाले. तसेच 101 पैकी 83 लोकांना मधुमेह तर तीन जणांना कर्करोग होता.
एका प्रकरणात, मधुमेहाने ग्रस्त असलेल्या मुंबईच्या 60 वर्षीय व्यक्तीला स्टिरॉइड आणि टॉसिलीझुमब दोन्ही देण्यात आले. बुरशीजन्य संसर्गामुळे त्याचा मृत्यू झाला. म्यूकोर्मिकोसिस नाक, सायनस, मध्यवर्ती मज्जासंस्था, फुफ्फुस, त्वचा, जबडाच्या हाडे, सांधे, हृदय आणि मूत्रपिंडांवर परिणाम करू शकतो. अभ्यासातून असे दिसून आले आहे की, बहुतेक प्रकरणांमध्ये, नाक आणि सायनसमध्ये 89 पेक्षा जास्त बुरशीजन्य संक्रमण आढळले.
(The above story first appeared on LatestLY on May 22, 2021 11:21 AM IST. For more news and updates on politics, world, sports, entertainment and lifestyle, log on to our website latestly.com).
