Lalita Panchami 2024 Date: ललिता पंचमी कधी आहे? जाणून घ्या शुभ मुहूर्त, पूजाविधी आणि महत्त्व

Lalita Panchami 2024 Date: हिंदू कॅलेंडरनुसार, ललिता पंचमी (Lalita Panchami 2024) हा सण अश्विन महिन्याच्या शुक्ल पक्षाच्या पाचव्या दिवशी म्हणजेच शरद नवरात्रीला साजरा केला जातो. यावर्षी ललिता पंचमीचे व्रत 7 ऑक्टोबर 2024 रोजी पाळले जाणार आहे. गुजरात आणि महाराष्ट्रात ललिता पंचमीचे व्रत अधिक प्रसिद्ध आहे. ललिता जयंतीच्या दिवशी माता ललिताची पूजा केल्याने साधकाला सुख-समृद्धी प्राप्त होते, असे मानले जाते. माता ललिता यांना महात्रिपुरा सुंदरी, षोडशी, ललिता, लीलावती आणि लीलामती, ललितांबिका, लिलेशी, लिलेश्वरी आणि ललिता गौरी या नावांनीही ओळखले जाते.

ललिता पंचमीचे महत्त्व - 

शारदीय नवरात्रीच्या पाचव्या दिवशी देवी स्कंदमातेची पूजा केली जाते. यासोबतच माता सतीचे रूप असलेली माता ललिता यांची पूजा केली जाते. धार्मिक मान्यतांनुसार, देवी ललिता, दहा महाविद्यांपैकी एक, रोग आणि दोषांपासून मुक्ती प्रदान करते. तसेच ललिता पंचमीचे व्रत केल्याने व्यक्तीच्या जीवनात सुख-समृद्धी येते.

ललिता पंचमी 2024 पुजेचा मुहूर्त -

अश्विन मास शुक्ल पक्ष पंचमी प्रारंभ: 09.47 AM (07 ऑक्टोबर 2024, सोमवार)

अश्विन मास शुक्ल पक्ष पंचमीची समाप्ती सकाळी 11.17 वाजता (08 ऑक्टोबर 2024, मंगळवार)

ललिता पंचमी पूजा विधि -

ललिता पंचमीच्या दिवशी सकाळी लवकर उठून स्नान करावे. यानंतर माता ललिताचे ध्यान करत व्रत करण्याचा संकल्प करावा. पाटावर लाल कापड पसरवा आणि माता ललिता यांचे चित्र किंवा मूर्ती स्थापित करा. सर्व प्रथम, परमपूज्य भगवान गणेश, भगवान शिव आणि माता पार्वतीची पूजा करा. यानंतर विधीनुसार माता ललिता यांची पूजा करावी. यानंतर माता ललिता यांच्यासमोर शुद्ध तुपाचा दिवा लावा आणि त्यांचा आशीर्वाद घ्या. तसेच, तुमच्या सर्व इच्छा पूर्ण करण्यासाठी तुम्ही ललिता जयंतीच्या पूजेदरम्यान 'ऐं ह्रीं श्रीं त्रिपुरा सुंदरायै नमः' या मंत्राचा जप करू शकता.

Disclaimer: 'या लेखात समाविष्ट असलेल्या कोणत्याही माहिती/सामग्री/गणनेच्या अचूकतेची किंवा विश्वासार्हतेची हमी लेटेस्टली मराठी देत नाही. ही माहिती विविध माध्यमांतून/ज्योतिषी/पंचांग/उपदेश/श्रद्धा/धार्मिक शास्त्रांमधून गोळा करून तुमच्यासमोर सादर केली आहे. आमचा उद्देश फक्त माहिती प्रदान करणे आहे. त्यामुळे या माहितीची लेटेस्टली मराठी पुष्टी करत नाही.

(The above story first appeared on LatestLY on Oct 04, 2024 08:05 PM IST. For more news and updates on politics, world, sports, entertainment and lifestyle, log on to our website latestly.com).