QuickLY
Socially
थंडीच्या दिवसात त्वचा कोरडी होण्यास सुरुवात होते. त्यामुळे त्वचेवर भेगा पडणे, ओठ फाटणे यासारख्या समस्या उद्भवू लागतात. मात्र बाजारात थंडीपासून त्वचा आणि ओठ फाटण्यापासून बचाव करण्यासाठी विविध कंपन्यांचे क्रिम किंवा लोशन उपलब्ध आहेत. पण तुम्ही थंडीत ओठ फाटल्यावर वारंवार लिप बाम लावत असाल ही बातमी जरुर वाचा. कारण थंडीच्या दिवसात सातत्याने लिप बाम लावणे हे नुकसानदायक ठरु शकते. काही लिप बाम कॅन्सर सारखे आजाराला बळी पाडण्याची शक्यता असते. त्यामुळे ओठांची काळजी घेणे हे जेवढे महत्वाचे आहे. तेवढेच ओठांवर वारंवार लिप बाम लावणे टाळणे सुद्धा महत्वाचे आहे. तर जाणून घ्या कशा पद्धतीने थंडीत ओळांची काळजी घ्यावी आणि कोणत्या गोष्टी कराव्यात किंवा करु नयेत.
>>ओठ फुटत असल्यास 'या' गोष्टी करा
- थंडीच्या काळात ओळांची काळजी घ्यायची असल्यास त्यामध्ये जास्त प्रमाणात पाणी पिणे आवश्यक आहे. कारण बर्‍याचदा लोक हिवाळ्यात कमी पाणी पितात ज्यामुळे त्यांचे शरीर ओलावा वापरण्यास राहत नाही. जर तुम्ही योग्य प्रमाणात पाणी प्याल तर तुमच्या शरीरात आर्द्रता योग्य प्रमाणात राहील आणि तुमचे ओठ फुटणार नाहीत.
-मासे खाल्ल्याने तुमच्या शरीरात ओमेगा 3 फॅटी अॅसिडची कमतरता पूर्ण होते ज्यामुळे तुमची त्वचा हायड्रेट होते. जर आपल्याला मासे खायला आवडत नसेल तर आपण अन्नामध्ये फिश ऑईल देखील वापरू शकता.
जर तुम्हाला ओठांना कोरडेपणापासून वाचवायचे असेल तर यासाठी घरगुती पद्धती देखील अवलंबू शकता. आपण आपल्या ओठांसाठी तूप, बदाम तेल किंवा जोजोबा तेल वापरू शकता. याद्वारे आपण आपल्या शरीरातील सर्व पोषकद्रव्ये पुरवता जेणेकरून आपल्या शरीरात कोणत्याही प्रकारचे पोषण नसण्याची कमतरता भासू शकेल.
>>ओठ फुटत असल्यास 'या' गोष्टी करु नका
बर्‍याच लोकांना वारंवार जीभ ओठांवर लावण्याची सवय असते. परंतु तुम्हाला माहिती आहे का की, वारंवार आपली जीभ लावणे आपल्या ओठांना हानिकारक असून ओठ अधिक फुटण्यास मदत होते. जिभ ओठांवर लावल्यास ते ओले झाल्यानंतर थोड्या वेळाने पुन्हा ओठ कोरडे होऊ लागतात. यामुळे ही समस्या कमी होत नाही, तर ती अधिक होते.
-बर्‍याचदा महिलांना पार्टीमध्ये किंवा ऑफिसच्या वेळी आपल्या बॅगेत लिपस्टिक ठेवतात.ज्यामुळे ओठ खराब होऊ लागतात. त्यामुळे दीर्घकाळ लिपस्टिक ओठांवर ठेवण्यापासून दूर रहा.
हिवाळ्यात आपल्या चेह-याप्रमाणे आपल्या ओठांवरही थंडीचा परिणाम दिसायला सुरुवात होते. त्यामुळे वर सांगितलेल्या झटपट घरगुती उपायांनी आपण ओठांचा कोरडेपणा दूर होतो.
(सूचना: वरील मजकूर केवळ प्राप्त माहितीवर आधारित आहे. यास वैद्यकीय सल्ला समजू नये. घरगुती/नैसर्गिक उपचार घेण्यापूर्वी डॉक्टरांच्या सल्ला घेणे आवश्यक आहे. लेटेस्टली मराठी त्या मजकूराची पुष्टी करत नाही.)
