Indian Economy साठी दिलासादायक संकेत; 2021-22 आर्थिक वर्षात 11 टक्के असेल GDP ग्रोथ- Crisil
GDP | Image used for representational purpose (Photo Credits: IANS)

कोरोना व्हायरसमुळे (Coronavirus) भारतीय अर्थव्यवस्थेचे (Indian Economy) झालेले नुकसान भरून काढण्यासाठी सर्वतोपरी प्रयत्न केले जात आहेत. अशात आता एक दिलासादायक बाब समोर आली आहे. ग्लोबल रेटिंग एजन्सी क्रिसिलने (Crisil) भारतीय अर्थव्यवस्थेबद्दल चांगले संकेत दिले आहेत. एजन्सीचे म्हणणे आहे की 2021-22 आर्थिक वर्षात देशाची अर्थव्यवस्था कोरोना संकटातून बाहेर पडून 11 टक्के वेगाने विकास करेल. जीडीपी वाढीचा क्रिसिलचा अंदाज भारत सरकारच्या आर्थिक सर्वेक्षणातील अंदाजांशी जुळतो आहे. आर्थिक सर्वेक्षणात म्हटले आहे की 2021-22 या आर्थिक वर्षात वास्तविक जीडीपी विकास दर 11 टक्के राहील. त्याच वेळी, नॉमिनल जीडीपी 15.4 टक्के असेल असा अंदाज आहे.

2020-21 आर्थिक वर्षात भारतीय अर्थव्यवस्थेचा विकास दर 8 टक्क्यांनी घटू शकतो, असे क्रिसिलने म्हटले आहे. तसेच पुढील आर्थिक वर्षात भारताच्या जीडीपीमध्ये मोठ्या प्रमाणात तेजी येईल असेही त्यांनी सांगितले आहे. याची चार प्रमुख कारणे असतील. रेटिंग एजन्सीच्या मते, भारतातील लोक आता कोरोना विषाणूच्या साथीसह जगणे शिकले आहेत. हे आता त्यांच्यासाठी न्यू नॉर्मल झाले आहे. यासह, देशात कोविड-19 संसर्गाच्या प्रसाराचा वेग बर्‍याच अंशी नियंत्रित झाला आहे. दुसरीकडे, लसीकरण मोहिमेच्या गतीमुळे देशाची अर्थव्यवस्था 11 टक्के वेगाने वाढेल. (हेही वाचा: Indian Railway ने जारी केला नवीन Helpline Number; प्रवासादरम्यान तक्रार, चौकशी, मदतीसाठी 'या' एकाच नंबरवर कॉल करा)

ग्लोबल रेटिंग एजन्सीचे मुख्य अर्थशास्त्रज्ञ डीके जोशी म्हणाले की कोविड-19 चा धोका अजूनही कायम आहे. यामुळे, 2021-22 आर्थिक वर्षाच्या उत्तरार्धात भारताची जीडीपी चांगली कामगिरी करेल. या कालावधीत देशाची अर्थव्यवस्था कोरोना संकटाच्या पूर्वीच्या टप्प्यावर पोहोचेल आणि आर्थिक वर्ष 2019-20 च्या तुलनेत 2% अधिक वाढ होईल. त्याचबरोबर भारतीय अर्थव्यवस्था 2023 ते 2025 दरम्यान सरासरी 6.3 टक्के वाढेल. ही कोरोना संकटापूर्वीच्या 6.7 टक्क्यांच्या सरासरीपेक्षा कमी असेल. जोशी पुढे म्हणाले की, पुढील आर्थिक वर्षात 11 टक्क्यांच्या वाढीनंतरही अर्थव्यवस्थेचा तोटा एकूण जीडीपीच्या 11 टक्के इतका होईल.