Rahul Gandhi Assets: राहुल गांधी यांची संपत्ती किती? घ्या जाणून
Rahul Gandhi | (Photo courtesy: archived, edited, symbolic images)

Rahul Gandhi Property: काँग्रेस पक्षाचे माजी अध्यक्ष राहुल गांधी यांनी केरळमधील वायनाड लोकसभा (Wayanad Lok Sabha Constituency) मतदारसंघातून उमेदवारी अर्ज दाखल केला. या वेळी त्यांनी आपली एकूण संपत्तीसुद्धा जाहीर केली. निवडणूक आयोगाला सादर केलेल्या प्रतिज्ञापत्रानुसार राहुल गांधी यांची एकूण संपत्ती 20 कोटी रुपयांची आहे. त्यांच्याकडे कोणतीही ससदनिका किंवा दुचाकी अथवा चारचाकी वाहन नाही हे विशेष. त्यांची जंगम मालमत्ता ₹ 9.24 कोटी आहे, ज्यात ₹ 55,000 रोख, ₹ 26.25 लाख बँक ठेवी, ₹ 4.33 कोटी बाँड आणि शेअर्स, ₹ 3.81 कोटी म्युच्युअल फंड आणि सोन्याचे रोखे आणि ₹ 15.21 लाख किमतीचे दागिने यांचा समावेश आहे.

राहुल गांधी यांची स्थावर मालमत्ता ₹11.15 कोटी आहे, ज्यामध्ये दिल्लीच्या मेहरौली येथील शेतजमीन, त्यांची बहीण आणि सहकारी काँग्रेस नेत्या प्रियंका गांधी वड्रा यांच्या सह-मालकीची आणि गुरुग्राममधील कार्यालयाची जागा ₹9 कोटींपेक्षा जास्त आहे. शेतजमीन वारसाहक्काने मिळालेली असली तरी कार्यालयाच्या जागेची मालकी नमूद केलेली नाही. (हेही वाचा, Rahul Gandhi : जोरदार शक्ती प्रदर्शन करत राहुल गांधी यांनी दाखल केला उमेदवारी अर्ज ( Watch VIDEO ))

राहुल गांधी यांची जंगम मालमत्ता

रोख- 55,000 रुपये

बँक ठेवी- 26.25 लाख

बॉन्ड आणि शेअर्स- 4.33 कोटी रुपये

म्यूच्यूअल फड्स- 3.81 कोटी रुपये

सोने आणि दागीणे- 15.21 लाख रुपये

राहुल गांधी यांनी प्रतिज्ञापत्रात त्यांच्यासमोर असलेल्या पोलिस केसेसचीही तपशीलवार माहिती दिली आहे. सोशल मीडिया पोस्टमध्ये बलात्कार पीडितेच्या कुटुंबातील सदस्यांची ओळख कथितपणे उघड केल्याबद्दल लैंगिक गुन्ह्यांपासून बालकांचे संरक्षण कायदा (POCSO) अंतर्गत खटल्याचा यात समावेश आहे. राहुल यांनी म्हटले आहे की, दिल्ली उच्च न्यायालयाच्या निर्देशानुसार एफआयआर सीलबंद कव्हरमध्ये असल्याचे त्यांनी म्हटले आहे. त्यामुळे मला एफआयआरच्या तपशिलांची माहिती नाही. मला एफआयआरमध्ये आरोपी म्हणून हजर करण्यात आले आहे की नाही हे देखील मला माहिती नाही. तथापि, मी सावधगिरी बाळगून त्याबाबत माहिती देत आहे.

व्हिडिओ

दरम्यान, गांधी यांच्यावरील इतर खटल्यांमध्ये भाजप नेत्यांनी केलेल्या बदनामीच्या तक्रारींचा समावेश आहे. त्याने आपल्या प्रतिज्ञापत्रात असोसिएटेड जर्नल्स लिमिटेडशी संबंधित गुन्हेगारी कट प्रकरणाचा उल्लेख केला आहे. 2019 च्या सार्वत्रिक निवडणुकीत गांधींनी वायनाड लोकसभा जागा जिंकली. यावेळी, ते 26 एप्रिल रोजी होणाऱ्या हाय-प्रोफाइल स्पर्धेत सीपीआय नेत्या ॲनी राजा आणि राज्य भाजपचे प्रमुख के सुरेंद्रन यांच्या विरोधात आहेत.