पीएमसी बँकेच्या थकबाकी भरण्यासाठी, रिअल इस्टेट कंपनी एचडीआयएलच्या मालमत्ता विक्रीच्या मुंबई उच्च न्यायालयाच्या आदेशाला सुप्रीम कोर्टाकडून रोख. सरन्यायाधीश एस.ए. बोबडे, न्यायमूर्ती बी.आर. गवई आणि न्यायमूर्ती सूर्यकांत यांच्या खंडपीठाने हा निकाल दिला.

 9 फेब्रुवारीला महाराष्ट्र नवनिर्माण सेना मुंबईत मोर्चा काढणार आहे. त्याचवेळी पुण्यातही शनिवारी मनसेने बाइक रॅलीचे आयोजन केले आहे. परंतु, पोलिसांनी या रॅलीला परवानगी नाकारली आहे. कायदा व सुव्यवस्थेचा विचार करून ही परवानगी नाकारली आहे. मात्र तरी आपण रॅली काढणार अशी भूमिका मनसेने घेतली आहे. 

मुंबईची सुरक्षा पाहता महाराष्ट्राचे गृहमंत्री अनिल देशमुख यांनी, मुंबईत सीसीटीव्ही बसविण्याच्या नियमात बदल करत आता, मुंबईतील सर्व इमारतींवर सीसीटीव्ही कॅमेरे बसविण्याचा नवा नियम बनविला जाणार असल्याची माहिती दिली. 

9 फेब्रुवारी रोजी नियोजित मनसेच्या महामोर्चाच्या आधी मनसैनिक, पदाधिकारी यांना पोलिसांनी नोटीस धाडली आहे. परळ, काळाचौकी परिसरात 9 तारखेच्या मोर्चात लोकांना सहभागी होण्याचं आवाहन करण्यासाठी अनेक चौकसभा घेतल्या जातायेत, या सभांमध्ये कोणतेही गैरकृत्य किंवा शांतता, सुव्यवस्थेचा प्रश्न निर्माण झाल्यास मनसेच्या आयोजक पदाधिका-यांना जबाबदार धरले जाईल असे सूचित करण्यात आले आहे, त्यानुसार कलम 149 ची नोटीस काळाचौकी पोलिस ठाण्याकडून बजावण्यात आल्याचे समजतेय 

संत, महंत, वारकरी संप्रदायाची परंपरा पुढे नेण्यासह वारकरी संप्रदायाचे संस्कार नवीन पिढीला मिळण्यासाठी पैठण येथे संत विद्यापीठ सुरु करणार असल्याची माहिती उच्च व तंत्रशिक्षण मंत्री उदय सामंत यांनी दिली आहे. विद्यापीठामध्ये वारकरी व संत वाङ्‌मयाचा एकत्रित अभ्यासक्रम तयार करण्यासाठी समिती स्थापणार असल्याचे सामंत यांनी सांगितले.  

महात्मा जोतीराव फुले शेतकरी कर्जमुक्ती योजनेची तयारी युद्धपातळीवर सुरू असून प्रशासनाने सहा महिन्यांचे काम अवघ्या 35 दिवसांत पूर्ण केले आहे. अशी माहिती देताना 15 एप्रिल पर्यंत संपूर्ण अंमलबजावणी करावी असा आदेश आज मुख्यमंत्री उद्धव ठाकरे यांनी दिला आहे. 

दिल्ली विधानसभा निवडणूक मतदानाला काहीच तास शिल्लक असताना अरविंद केजरीवाल यांना निवडणूक आयोगाकडून आचारसंहितेची पायमल्ली करण्याच्या प्रकरणी नोटीस बजावण्यात आली आहे. केजरीवाल यांनी ट्विटर वर शेअर केलेल्या एका व्हिडिओतून नियमाचा भंग  होत असल्याचे आयोगाने नोटीस मध्ये सांगितले आहे.

Election Commission issues notice to Delhi Chief Minister Arvind Kejriwal over a video he uploaded on his Twitter account. Commission said it was a violation of the Model Code of Conduct (MCC). pic.twitter.com/jwScMKMGs8

— ANI (@ANI) February 7, 2020

कोरोना व्हायरस पसरत असताना चीन मध्ये अडकलेल्या भारतीयांचे रक्षण करण्यासाठी परराष्ट्र मंत्रालयाकडून वुहान येथून भारतीयांना मायदेशी परत आणले जात आहे, अजूनही 80 भारतीय विद्यार्थी हे वुहान मध्ये अडकून पडले आहेत , यातील 10 जण हे भारतात परतण्यासाठी विमानतळावर सुद्धा पोहचले होते मात्र त्यांना तीव्र ताप असल्याने त्यांना चीनमधील अधिकाऱ्यांनी प्रवास करण्यापासून रोखले होते. 

न्यायाधीश कृष्ण कांत शर्मा यांच्या पत्नी व मुलाच्या हत्या प्रकरणात दोषी महिपाल याला पंजाब  हरियाणा कोर्टाकडून फाशीची शिक्षा सुनावण्यात आली आहे.

2018 Judge Krishna Kant Sharma wife and son murder case: Punjab and Haryana High Court has pronounced death penalty to convict Mahipal.

— ANI (@ANI) February 7, 2020

इंडियन आर्मीच्या कॉलेज ऑफ मिलिटरी इंजिनीअरिंगने जगातील पहिले हेल्मेट विकसित केले आहे जे 10 मीटरच्या अंतरावरुन AK -47 बुलेट रोखू शकते. त्याचे वजन फक्त 1.4 किलो आहे.

Lucknow: Indian Army’s College of Military Engineering has developed world's first helmet which can stop an AK-47 bullet round from a distance of 10 meters. It weighs only 1.4 kgs. #DefenceExpo2020 pic.twitter.com/og1xCVSEJw

— ANI UP (@ANINewsUP) February 7, 2020

पंजाब आणि महाराष्ट्र सहकारी बँक घोटाळा प्रकरणात पीएमसी बँकेची थकबाकी भरण्यासाठी एचडीआयएलची मालमत्ता विक्री करण्याच्या मुंबई उच्च न्यायालयाच्या निर्णयाला सर्वोच्च न्यायालयाने स्थगिती दिली आहे.

Housing Development and Infrastructure gets relief in the Punjab & Maharashtra Co-operative bank scam case. The Supreme Court has stayed a decision of the Bombay High Court to sell the assets of HDIL to pay the dues of PMC Bank.

— ANI (@ANI) February 7, 2020

एअर इंडियाच्या विमानात कोरोनाचा संशयित प्रवासी असल्याच्या अंदाजावरून प्रवाशांनी प्रवास करण्यास नकार दिला आहे. परिणामी विमानाचे उड्डाण अडकून पडले आहे. 

निर्भया सामूहिक बलात्कार प्रकरणी नवे डेट वॉरंट जाहिर करण्यास पटियाला हाऊस कोर्टाने नकार दिला आहे. 

अर्थसंकल्पीय अधिवेशनात CAA विरोधात ठराव आणणार नसल्याचे मुख्यमंत्री उद्धव ठाकरे यांनी स्पष्ट केले आहे. 

हिंगणघाट जळीतहत्याकांड प्रकरणी पीडित तरुणीची न्यायालयात बाजू विशेष सरकारी वकिल उज्ज्वल निकम मांडणार असल्याची माहिती गृहमंत्री अनिल देशमुख यांनी दिली आहे.

The Wardha Hinganghat case will be presented in the fast track court. Mr Ujwal Nikam (Advocate) will be appointed as the Public Prosecutor & all the legal expenses will be borne by the state government.
Pray for Wardha Hinganghat victim.#justiceforwomen

— ANIL DESHMUKH (@AnilDeshmukhNCP) February 7, 2020

नागरिकांना 100 युनिट वीज मोफत देण्याचा प्रस्ताव राज्यसरकारच्या विचाराधीन असल्याचे वृत्त आहे. उर्जामंत्री नितीन राऊत यांनीही या वृत्तास दुजोरा दिला असून, लवकरच याबाबत आढावा घेऊन निर्णयाबाबत विचार केला जाईल असे राऊत यांनी म्हटले आहे.

जनतेतून थेट सरपंच निवड रद्द करुन सरपंच निवडीचे अधिकार ग्रामपंचायत सदस्यांमार्फत करण्याबाबत राज्य सरकारने घेतलेल्या निर्णयास सरपंच परिषदेचा विरोध आहे. त्यामुळे आपल्या मागण्या मांडण्यासाठी आणि त्याबाबत भूमिका समजावून देण्यासाठी सरपंच परिषदेच्या सदस्यांनी महाराष्ट्र नवनिर्माण सेना अध्यक्ष राज ठाकरे यांची भेट घेतली आहे.

नांदेड: भरधाव वेगाने आलेल्या कारची धडक लागल्याने एका व्यक्तीचा मृत्यू झाला आहे. या प्रकरणी जमावाकडून कारची तोडफोड करण्यात आली आहे. 

शेतकरी कर्जमुक्तीची पहिली यादी 15 फेब्रुवारीला जाहीर होणार आहे. त्यामुळे राज्यातील कर्जमाफी केलेल्या 34 लाख शेतकऱ्यांना दिलासा मिळणार आहे. (कर्जमाफी केलेल्या 34 लाख शेतकऱ्यांना दिलासा, नावानिशी शासन यादी जाहीर करणार)

शिकारा चित्रपटाच्या विरोधात दाखल करण्यात आलेली याचिका हायकोर्टाने फेटाळून लावली आहे. ('शिकारा' चित्रपटाच्या विरोधात हायकोर्टात याचिका दाखल)

निर्भया सामूहिक बलात्कार प्रकरणी 11 फेब्रुवारीला सुनावणी होणार असल्याचा निर्णय सुप्रीम कोर्टाने दिला आहे. 

निर्भया सामूहिक बलात्कार प्रकरणी केंद्र सरकारची याचिका सुप्रीम कोर्टाने फेटाळली आहे. तर आरोपींना स्वतंत्रपणे फाशी देण्यात यावी असे याचिकेत लिहिण्यात आले होते. 

सांगली मध्ये महापौरपदी भाजप पक्षाच्या गीता सुतार यांची निवड करण्यात आली आहे. काँग्रेस-राष्ट्रवादीच्या उमेदवाराचा 7 मतांनी  पराभव झाला आहे. उपमहापौरपदी आनंदा देवमाणे यांची नियुक्ती केली आहे.

स्टोव्हचा भडका उडाल्याने एका तरुणीचा हात आणि चेहरा जळाला आहे. तरुणीवर लातूर येथील रुग्णालयात उपचार सुरु.

पुणे येथील मॉडर्न महाविद्यालयात महात्मा गांधी यांच्या  150 व्या जयंतीनिमित्त आयोजित करण्यात आलेला कार्यक्रम रद्द करण्यात आला आहे. आयोजकांना धमक्या आल्यानंतर हा कार्यक्रम रद्द करण्यात आल्याचे वृत्त प्रसारमाध्यमांनी दिला आहे. अन्वर राजन या कार्यक्रमाचे बीजभाषण करणार आहेत. तर महात्मा गांधी यांचे  पणतू तुषार गांधी यांची या कार्यक्रमास प्रमुख उपस्थिती असणार होती. दरम्यान, पुणे पोलिसांकडून या प्रकरणाबाबत अद्याप माहिती मिळू शकली नाही.

नांदेड महापालिका निवडणूकीत  काँग्रेस पक्षाचे अब्दुल गफ्फार यांचा मोठ्या मताधिक्यांनी विजय झाला आहे. तर एमआयएम पक्षाचे साबेर चाऊस यांचा पराभव झाला आहे. 

जालना येथे निवडणूकीच्या कामात निष्काळजीपणा केल्याप्रकरणी सहा शिक्षक, कर्मचाऱ्यांच्या विरोधात गुन्हा दाखल करण्यात आला आहे.

नागपाडा येथे मुस्लिम महिलांकडून CAA, NRC च्या विरोधात जोरदार आंदोलन करण्यात येत आहे. 

कोराना व्हायरसचे थैमान दिवसेंदिवस वाढत चालले असून आतापर्यंत मृतांचा आकडा 630 वर पोहचला आहे. (कोरोना व्हायरसची लागण झालेल्या 20 हजार रुग्णांना ठार मारणार? चीन सरकारची कोर्टाकडे याचिका)

हिंगणघाट मधील पीडित तरुणीवर आज शस्रक्रिया करण्यात येणार आहे. तर पीडित तरुणीचा जीव वाचवण्यासाठी सर्वोतोपरी प्रयत्न केले जात आहेत. तर याच पार्श्वभुमीवर आज सर्वपक्षीयांकडूनं बंदची हाक देण्यात आली आहे. 

हिंदुत्वाच्या मुद्द्यावरुन महाराष्ट्र नवनिर्माण सेनेने शिवसेनेची कोंडी करण्याचा प्रयत्न करण्यात आला आहे. तर वांद्रे मधील मातोश्री बाहेर मनसे पदाधिकारी अखिल चित्रे यांनी पक्षाचे पोस्टर झळकावत थेट मुख्यमंत्री उद्धव ठाकरे यांच्यावर निशाणा साधला आहे.

 

 

 

 

View this post on Instagram

 

 

 

“९ फेब्रुवारीचा @mnsadhikrut #मनसे_महामोर्चा हा पाकिस्तानी-बांगलादेशी घुसखोरांच्या विरोधातच"

A post shared by Akhil Chitre (@akhilchitremns) on Feb 6, 2020 at 5:16pm PST

गुजरात येथून 200 बकऱ्या घेऊन येणाऱ्या ट्रक उलटला असल्याची घटना घडली आहे. या दुर्घटनेत 70-80 बकऱ्या जागीच ठार झाल्या आहेत. 

सायन उड्डाण पुलाचे काम 14 फेब्रुवारी पासून होणार सुरु आहे. त्यामुळे आठवड्यातील चार दिवस वाहतुकींना या पुलावरुन बंदी घालण्यात आली आहे. तर एप्रिल महिन्याच्या अखेरीस पुलाचे काम पुर्ण होईल असे एमएसआरडीसीने स्पष्ट केले आहे. 

राष्ट्रवादी नेते मनोहर पाटील यांची काही दिवसांपूर्वी हत्या करण्यात आली. त्यानंतर पाटील यांच्या हत्येप्रकरणी तीन आरोपींना पोलिसांकडून अटक करण्यात आली आहे. 

कश्मीर येथे इंटरनेट बंदीच्या मुद्द्यावर सुनावणी पार पडली. त्यामध्ये इंटरनेटचा वापर हा नागरिकांचा मूलभूत हक्क असल्याचा निर्वाळा सर्वोच्च न्यायालयाने काही दिवसांपूर्वी दिला होता. परंतु हा गैरसमज असल्याचा युक्तीवाद माहिती प्रसारण रविशंकर प्रसाद यांनी स्पष्ट केले आहे.