Coronavirus Update In India: एका दिवसात 24,248 नवे कोरोना रुग्ण; देशातील COVID-19 रुग्णांची संख्या 6,97,413 वर, 19,693 जणांचा मृत्यु
देशात मागील 24 तासात कोरोनाचे सर्वाधिक म्हणजे 24,248 रुग्ण आढळले आहेत, तसेच 425 मृत्यूंची नोंद झाली आहे. यानुसार देशातील कोरोना बाधितांची संख्या 6,97,413 वर पोहचली आहे.
Coronavirus Update In India: देशात 24 तासात कोरोनाचे 24,248 रुग्ण आढळले आहेत, तसेच 425 मृत्यूंची नोंद झाली आहे. यानुसार भारतातील कोरोना बाधितांची संख्या 6,97,413 वर पोहचली आहे. यात 2,53,287 ऍक्टिव्ह रुग्ण आहेत, 4,24,433 रुग्ण हे डिस्चार्ज मिळवलेले आहेत तर आतापर्यंत 19,693 जणांचा कोरोनाने बळी गेला आहे. या संदर्भात आरोग्य मंत्रालयातर्फे माहिती देण्यात आली आहे. देशात सर्वाधिक कोरोना रुग्णांच्या यादीत अजूनही महाराष्ट्र (Maharashtra) पहिल्या स्थानी आहे. महाराष्ट्रात कोरोनाचे तब्ब्ल 2 लाख 6 हजार 619 रुग्ण आढळले असून यापैकी 8 हजार 822 जणांचा मृत्यू झाला आहे. तर, 1 लाख 11 हजार 740 रुग्णांनी कोरोनावर मात केली आहे. Coronavirus: कोरोना व्हायरस रुग्णांच्या बाबतीत भारत जगात तिसऱ्या स्थानावर; रशियाला टाकले मागे, लवकरच पार करणार 7 लाख रुग्णांचा टप्पा
ICMRच्या माहितीनुसार, देशात कोरोनाच्या चाचण्या अधिक प्रमाणात होत आहेत. काल, ५ जुलै च्या अपडेट नुसार, देशात आतापर्यंत 99,69,662 कोरोना चाचण्या झाल्या आहेत. यापैकी 1,80,596 चाचण्या तर केवळ 24 तासात झाल्या आहेत. यापैकी आता जवळपास ७ लाख चाचण्या पॉझिटिव्ह आढळल्या आहेत. याची टक्केवारी पाहायला गेल्यास आणि देशाच्या लोकसंख्येच्या तुलनेत कोरोना रुग्णांची संख्या अजूनही कमी आणि नियंत्रणात आहे.
ANI ट्विट
India reports a spike of 24,248 new #COVID19 cases and 425 deaths in the last 24 hours. Positive cases stand at 6,97,413 including 2,53,287 active cases, 4,24,433 cured/discharged/migrated & 19,693 deaths: Ministry of Health & Family Welfare pic.twitter.com/3iPDtPJyvN
— ANI (@ANI) July 6, 2020
The total number of samples tested up to 5th July is 99,69,662 of which 1,80,596 samples were tested yesterday: Indian Council of Medical Research (ICMR) pic.twitter.com/PyBlBHzMCj
— ANI (@ANI) July 6, 2020
दरम्यान, देशात कोरोना बाधितांच्या संख्येत आता महाराष्ट्राच्या पाठोपाठ तामिळनाडू, दिल्ली, कर्नाटक, तेलंगणा, आंध्र प्रदेश येथे सर्वाधिक ऍक्टिव्ह रुग्ण आहेत. काही दिवसांपूर्वी टॉप 5 मध्ये असलेल्या गुजरात मध्ये आता परिस्थिती बरीच नियंत्रणात आली आहे तर दिल्ली मधील कोरोनाची आकडेवारी सुद्धा घटली आहे.
(The above story first appeared on LatestLY on Jul 06, 2020 09:55 AM IST. For more news and updates on politics, world, sports, entertainment and lifestyle, log on to our website latestly.com).
