Mamata Banerjee | (Photo Credits: ANI)

रशिया-युक्रेन युद्धादरम्यान युक्रेनमध्ये (Russia-Ukraine War) अडकलेल्या भारतीयांच्या परतीच्या प्रकरणावरून पश्चिम बंगालच्या मुख्यमंत्री ममता बॅनर्जी (Mamata Banerjee) यांनी केंद्र सरकार (Central Govt) आणि पंतप्रधान नरेंद्र मोदींवर (PM Narendra Modi) निष्काळजीपणाचा आरोप करत त्यांच्यावर निशाणा साधला आहे. बुधवारी कोलकाताहून वाराणसीला रवाना होण्यापूर्वी कोलकाता विमानतळावर पत्रकारांशी संवाद साधताना ममता बॅनर्जी यांनी पंतप्रधान मोदींना विचारले की, हे तीन-चार महिन्यांपूर्वीपासून माहीत होते, तर तिथे अडकलेल्या विद्यार्थाना परत घेवुन येण्याची व्यवस्था का केली नाही? त्याची भारतात येण्याची परतीची प्रक्रिया सुरू व्हायला एवढा उशीर का झाला? या प्रकरणात निष्काळजीपणा झाला असून निष्काळजीपणामुळेच विद्यार्थ्याचा मृत्यू झाला आहे. या प्रकरणी राजकारण केले जात असल्याचे त्यांनी म्हटले आहे.

याआधी युक्रेनच्या मुद्द्यावर पंतप्रधान नरेंद्र यांना बिनशर्त पाठिंबा देण्याची ऑफर दिली होती. आंतरराष्ट्रीय शांतता आणि देशाच्या भूमिकेच्या अनुषंगाने संकटावर मात करण्यासाठी राष्ट्रीय संकल्पासाठी सर्वपक्षीय बैठक बोलावण्याचा विचार करण्याचे आवाहनही त्यांनी केले. पंतप्रधान मोदींना लिहिलेल्या पत्रात, ममता बॅनर्जी यांनी पुनरुच्चार केला की युक्रेनमध्ये अडकलेल्या भारतीयांना, विशेषत: विद्यार्थ्यांना बाहेर काढण्याबाबत देश एकजूट आहे.

“मी तुम्हाला सध्याच्या आंतरराष्ट्रीय संकटाच्या वेळी माझा बिनशर्त पाठिंबा स्वीकारण्यास सांगते आणि आंतरराष्ट्रीय शांतता आणि आक्रमकतेबद्दल देशाच्या भूमिकेच्या अनुषंगाने संकटावर मात करण्यासाठी राष्ट्रीय संकल्प आयोजित करण्यासाठी सर्वपक्षीय बैठक बोलावण्याचा विचार करा,” असे पत्रात म्हटले आहे. (हे ही वाचा Russia-Ukraine War: येत्या तीन दिवसांत भारतीय नागरिकांना परत आणण्यासाठी 26 उड्डाणे निश्चित; 12,000 भारतीयांनी युक्रेन सोडले- Foreign Secretary)

पीएम मोदी मीटिंगमध्ये व्यस्त आहेत

ममता बॅनर्जी म्हणाल्या, 'सरकार परराष्ट्र मंत्रालयाचे असावे असे मला वाटत नाही. परराष्ट्र व्यवहारात समन्वयाच्या अभावामुळे आपण मागे पडत आहोत. विद्यार्थी अडकले आहेत. एका विद्यार्थ्याचा मृत्यू झाला आहे. सरकारला संपूर्ण परिस्थिती माहीत असताना त्यांनी विद्यार्थ्याला आधी का आणले नाही. ट्रेन उशिराने धावत असल्याची घटना घडत असून प्रवाशांचे हाल होत आहेत. हा निष्काळजीपणा आहे आणि हा निष्काळजीपणा गुन्हा आहे. जोपर्यंत सर्वजण परत येत नाहीत तोपर्यंत हृदयात दु:ख असेल.

निवडणुकीत सभा घ्याव्या लागतात, पण राजकारणापेक्षा माणुसकी महत्त्वाची असते. लोकांचे प्राण वाचवण्यासाठी कॉल करता आले असते, पण त्यामुळे सभेला त्रास झाला असता. राजकारणापेक्षा विद्यार्थ्यांचे जीवनही महत्त्वाचे आहे. पण ते खूप बिझी आहे." ते म्हणाले की, जो कोणी विमानाची किंवा तिकिटाची किंमत विचारेल, त्याची व्यवस्था सरकार करेल. जेवढ शक्य होईल तेवढ. ती मदत करेल.