Banda Boat Accident: उत्तर प्रदेशातील बांदा येथे बोटीचा मोठा अपघात, यमुना नदीत बुडाले 30 जण; दोघांचे मृतदेह सापडले
रक्षाबंधनानिमित्त बोटीवर मोठ्या संख्येने महिला आणि लहान मुले असल्याचे सांगण्यात येत आहे. सीएम योगी यांनीही अपघाताची दखल घेतली आहे. योगी यांनी अधिकाऱ्यांना घटनास्थळी पाठवले आहे.
Banda Boat Accident: उत्तर प्रदेशमधील (Uttar Pradesh) बांदा (Banda) येथे गुरुवारी दुपारी बोटीचा मोठा अपघात झाला. मार्का पोलीस ठाण्याच्या हद्दीत यमुना नदीच्या (Yamuna River) मध्यभागी एक बोट बुडाली. बोटीत 30 हून अधिक लोक होते. यातील चार जण कसेतरी पोहत निघून गेले. बोट आणि बाकीचे लोक सापडलेले नाहीत. स्थानिक गोताखोरांसह एसडीआरएफच्या पथकांना लोकांच्या शोधासाठी तैनात करण्यात आले आहे. दोन जणांचे मृतदेह सापडले आहेत. रक्षाबंधनानिमित्त बोटीवर मोठ्या संख्येने महिला आणि लहान मुले असल्याचे सांगण्यात येत आहे. सीएम योगी यांनीही अपघाताची दखल घेतली आहे. योगी यांनी अधिकाऱ्यांना घटनास्थळी पाठवले आहे.
मार्कापासून फतेहपूर, प्रयागराजपर्यंत लोक यमुना नदी पार करण्यासाठी बोटीचा वापर करतात. त्यात 30 ते 40 स्वार एकदा नदीच्या एका काठावरून दुसऱ्या बाजूला नेले जातात. गुरुवारी दुपारी 2.30 वाजण्याच्या सुमारास 30 हून अधिक जण मार्कावरून बोटीने फतेहपूरकडे जात होते. पाण्याच्या जोरदार प्रवाहामुळे बोट मध्यभागी अनियंत्रितपणे उलटली. (हेही वाचा - Karnataka: प्रेम प्रकरणावरून दोन गटात हाणामारी, दोघांचा मृत्यू; अनेकजण जखमी)
UP | A boat, full of passengers, carrying them in the Yamuna river from Fatehpur to Marka village capsized killing 2 persons. Yet to identify the number of people who were present on the boat. Search & rescue operation on: Banda police pic.twitter.com/89KY7vmlnY
— ANI UP/Uttarakhand (@ANINewsUP) August 11, 2022
बोटीवरील सर्वजण बुडाले. पोहल्यामुळे 28 वर्षीय राजकरण पासवान आणि 60 वर्षीय गया प्रसाद निषाद हे कसेतरी नदीतून बाहेर पडण्यात यशस्वी झाले. दुपारी 4 वाजेपर्यंत 30 वर्षीय माया, 26 वर्षीय पिंटू, सहा वर्षांचा महेश, तीन वर्षांची संगीता, 15 वर्षांचा जयेंद्र मुलगा प्रेमचंद्र, 15 वर्षीय करणचा मुलगा रिज्जू, सात वर्षीय ऐश कुमार, 48 वर्षीय फुलवा आणि 50 वर्षीय मुन्ना हे बुडल्याची पुष्टी झाली आहे. माहिती मिळताच डीएम, एसपी यांच्यासह वरिष्ठ अधिकारी घटनास्थळी पोहोचले.
(The above story first appeared on LatestLY on Aug 11, 2022 05:45 PM IST. For more news and updates on politics, world, sports, entertainment and lifestyle, log on to our website latestly.com).
