EPF खात्यात जन्मतारीख ऑनलाइन पद्धतीने बदलण्यासाठी 'या' ऑनलाइन स्टेप्स ठरतील उपयुक्त
EPF | (Photo Credits: PTI)

How To Update Date of Birth in EPF Account: कर्मचारी भविष्य निर्वाह निधी संघटनेने (EPFO) पीएफ सदस्यांना त्यांची जन्मतारीख बदलणे सोपे करण्यासाठी गेल्या वर्षी नवीन मार्गदर्शक तत्त्वे जारी केली. ऑनलाइन सेवांची व्याप्ती वाढवण्याच्या प्रयत्नात, कोविड-19 महामारीनंतर पीएफ सदस्यांना त्यांचा UAN आणि KYC अनुरूप आहे की, नाही याची पडताळणी करण्यासाठी या सूचना देण्यात आल्या होत्या. तथापि, दोन तारखांमधील फरक तीन वर्षांपेक्षा कमी असल्यास, यापुढे आधारमध्ये नोंदणीकृत जन्मतारीख दुरूस्तीच्या उद्देशाने जन्मतारीखचा वैध पुरावा मानला जाईल. जन्मतारखेच्या ऑनलाइन बदलाची विनंती दाखल करून बदल विनंत्यांची पडताळणी वेळ कमी केली जाईल याची खात्री करण्यासाठी EPFO ​​भारतीय युनिक आयडेंटिफिकेशन अथॉरिटी ऑफ इंडिया (UIDAI) सह ग्राहकांची जन्मतारीख ऑनलाइन पद्धतीने प्रमाणित करेल. ज्यांना त्यांची जन्मतारीख ऑनलाइन अपडेट करायची आहे, त्यांच्यासाठी EPFO ने अलीकडेच PF सदस्यांच्या सोयीसाठी एक व्हिडिओ ट्विट केला आहे. (वाचा - EPF Account मध्ये बँक खात्याची माहिती अपडेट करायची असल्यास जाणून घ्या 'या' स्टेप्स)

ईपीएफ खात्यात जन्मतारीख बदलण्यासाठी आवश्यक कागदपत्रे -

जन्मतारखेतील फरक 3 वर्षांपेक्षा कमी असल्यास, पीएफ धारक युनिफाइड मेंबर पोर्टल (Unified Member Portal) वर आधार/ई-आधार सबमिट करू शकतात. जर फरक 3 वर्षांपेक्षा जास्त असेल तर, पीएफ सदस्य आधार/ई-आधार युनिफाइड मेंबर पोर्टलवर खालीलप्रमाणे कोणत्याही सहाय्यक कागदपत्र सबमिट करू शकतात.

  • शाळा/शिक्षण-संबंधित प्रमाणपत्र
  • जन्म आणि मृत्यू निबंधकाने जारी केलेले जन्म प्रमाणपत्र
  • पासपोर्ट
  • केंद्र/राज्य सरकारी संस्थांच्या सेवा रेकॉर्डवर आधारित प्रमाणपत्र
  • सरकारी विभागाने जारी केलेले कोणतेही विश्वसनीय दस्तऐवज जसे की, ड्रायव्हिंग लायसन्स, ईएसआयसी कार्ड इ.
  • सदस्याची तपासणी केल्यानंतर सिव्हिल सर्जनने दिलेले वैद्यकीय प्रमाणपत्र.

EPF खात्यात जन्मतारीख ऑनलाइन अपडेट करण्यासाठी खालील स्टेपचा वापर करा

युनिफाइड मेंबर पोर्टलला भेट देऊन, पीएफ सदस्य ऑनलाइन ईपीएफ खात्यात त्यांची जन्मतारीख बदलण्यासाठी खाली सूचीबद्ध केलेल्या स्टेपचे अनुसरण करू शकतात.

  • https://unifiedportal-emp.epfindia.gov.in/epfo/ ला भेट द्या आणि आवश्यक क्रेडेंशियल वापरून तुमच्या पीएफ खात्यात लॉग इन करा उदा. वापरकर्ता नाव आणि पासवर्ड.
  • एकदा तुम्ही लॉग इन केल्यानंतर, 'Manage' विभागात जा आणि ड्रॉप-डाउन सूचीमधून 'Modify Basic Details' पर्याय निवडा.
  • आता पुढील पानावर, आधार डेटाबेसमध्ये नोंदलेली योग्य आणि तीच जन्मतारीख टाका.
  • आता तुमचे लिंग निवडा आणि सर्व तपशीलांची पुष्टी करा.
  • आता 'Update' वर क्लिक करा आणि तुम्हाला पुढील पृष्ठावर संदर्भ क्रमांक, आस्थापनेचे नाव, सद्यस्थिती आणि इतर तपशिलांसह 'Pending by Employer' असा संदेश मिळेल.

तुमच्या सबमिट केलेल्या अर्जाची स्थिती तपासण्यासाठी Reference number लक्षात घ्या. अशा पद्धतीने तुम्ही तुमची पीएफ खात्यातील जन्मतारीख बदलू शकता.