Soft Drink Consumption in Indian Households: भारतीय कुटुंबात बाटलीबंद शीतपेय सेवनाचे प्रमाण वाढले, गेल्या वर्षीपासून 50 टक्क्यांनी वाढला वापर; अहवालात खुलासा
अहवालानुसार, गेल्या दोन वर्षांत सरासरी कुटुंबातील बाटलीबंद शीतपेयांच्या वापरामध्ये 250 मिलीने वाढ झाली आहे. याशिवाय, 'फॅब्रिक सॉफ्टनर' आता देशातील प्रत्येक चारपैकी एका घरापर्यंत पोहोचले आहे. हे अजूनही प्रीमियम वॉशिंग उत्पादन मानले जाते.
Soft Drink Consumption in Indian Households: गेल्या दोन वर्षांत सरासरी भारतीय कुटुंबांमध्ये बाटलीबंद शीतपेयांचा (Soft Drinks) वापर वाढला आहे. गेल्या आर्थिक वर्ष 2023-24 मध्ये हा आकडा 50 टक्क्यांहून अधिक झाला आहे. कंतार एफएमसीजी पल्स (Kantar FMCG Pulse Report) च्या ताज्या अहवालानुसार, उष्णता वाढल्याने यात आणखी वाढण्याची शक्यता आहे. अहवालानुसार, गेल्या दोन वर्षांत सरासरी कुटुंबातील बाटलीबंद शीतपेयांच्या वापरामध्ये 250 मिलीने वाढ झाली आहे. याशिवाय, 'फॅब्रिक सॉफ्टनर' (Fabric Softener) आता देशातील प्रत्येक चारपैकी एका घरापर्यंत पोहोचले आहे. हे अजूनही प्रीमियम वॉशिंग उत्पादन मानले जाते.
लिक्विड डिटर्जंटची मागणी वाढली -
दैनंदिन वापरातील वस्तूंच्या कंपन्यांचे आणखी एक प्रीमियम वॉशिंग उत्पादन (लिक्विड डिटर्जंट) आर्थिक वर्ष 2023-24 मध्ये एक लाख टनाचा टप्पा ओलांडला. ग्राहक आता FMCG उत्पादने ऑनलाइन किंवा ऑफलाइन पर्याय वापरून वर्षातून 156 वेळा किंवा दर 56 तासांनी एकदा खरेदी करतात. मात्र, ग्राहक आता पूर्वीसारखी मोठी खरेदी करत नसल्यामुळे सरासरी खरेदी किमतीत घट झाल्याचेही अहवालात म्हटले आहे. (हेही वाचा -Hiring in India 2024: भारतामध्ये FMCG तेल-वायू आणि Hospitality क्षेत्रात एप्रिल 2024 मध्ये वाढ- रिपोर्ट)
ग्रामीण भागात एफएमसीजी विक्री वाढली -
2024 च्या दुस-या तिमाहीत शहरी भागापेक्षा ग्रामीण भागात एफएमसीजी उत्पादनांची विक्री वाढली आहे. डेटा आणि कन्सल्टन्सी कंटारच्या अहवालानुसार, 2024 च्या दुसऱ्या तिमाहीत (एप्रिल-जून) शहरी बाजारांच्या तुलनेत ग्रामीण भारत FMCG कंपन्यांसाठी 'उत्तम वाढ पातळी' राखेल.
आता वॉशिंग लिक्विड्स आणि बाटलीबंद सॉफ्ट ड्रिंक्स सारख्या उत्पादनांसारख्या विवेकाधीन प्रीमियम-एंड श्रेणींनी खूप चांगली कामगिरी केली आहे. तरीही, किराणा सामान हा घरातील सर्वात मोठा खर्च आहे, जो सर्व तिमाही खर्चाच्या 24 टक्क्यांहून अधिक आहे. तथापी, या अहवालात असेही अधोरेखित करण्यात आले आहे की चलनवाढ स्वीकार्य पातळीपर्यंत कमी झाली असली तरी त्याचा परिणाम ग्राहकांवर होत नाही.
(The above story first appeared on LatestLY on Jun 21, 2024 08:09 PM IST. For more news and updates on politics, world, sports, entertainment and lifestyle, log on to our website latestly.com).
