Kollam Sudhi Dies: मल्याळम अभिनेता कोल्लम सुधी यांचा केरळमध्ये कार अपघातात मृत्यू; 3 जण गंभीर जखमी
कैपमंगलम पोलिसांनी दिलेल्या माहितीनुसार, सुधी हे कलाकार बिनू आदिमाली, उल्लास आणि महेश यांच्यासोबत कारमधून प्रवास करत होते. स्टेज शो आटोपून कलाकार वाटकराहून घरी परतत असताना पहाटे साडेचारच्या सुमारास त्यांच्या कारची मालवाहू गाडीला धडक बसली.
Kollam Sudhi Dies: मल्याळम अभिनेता आणि मिमिक्री आर्टिस्ट कोल्लम सुधी (Kollam Sudhi) यांचे सोमवारी पहाटे केरळमध्ये एका मोठ्या कार अपघातात (Accident) निधन झाले. अपघात झाला तेव्हा त्यांच्यासोबत अन्य तीन कलाकार होते. त्रिशूरमधील कैपामंगलमजवळ त्यांची कार एका मालवाहू ट्रकला धडकली. सुधी हे 39 वर्षांचे होते. त्याच्यासोबत कारमध्ये असलेल्या इतर तीन कलाकारांना रुग्णालयात दाखल करण्यात आले असून त्यांच्यावर उपचार सुरू आहेत.
कैपमंगलम पोलिसांनी दिलेल्या माहितीनुसार, सुधी हे कलाकार बिनू आदिमाली, उल्लास आणि महेश यांच्यासोबत कारमधून प्रवास करत होते. स्टेज शो आटोपून कलाकार वाटकराहून घरी परतत असताना पहाटे साडेचारच्या सुमारास त्यांच्या कारची मालवाहू गाडीला धडक बसली. (हेही वाचा -Gufi Paintal Passes Away: महाभारतातील 'शकुनी मामा'ची भूमिका साकारणाऱ्या गुफी पेंटल यांचे निधन; वयाच्या 78 व्या वर्षी घेतला अखेरचा श्वास)
Mimicry artist Kollam Sudhi dies in road accident
Read @ANI Story | https://t.co/5THnnvKWW9#KollamSudhi #roadaccident #Thrissur pic.twitter.com/6Xe5KMagzS
— ANI Digital (@ani_digital) June 5, 2023
जखमींना तातडीने जवळच्या रुग्णालयात दाखल करण्यात आले असून सुधी यांचा मृत्यू झाला, तर इतरांना चांगल्या उपचारांसाठी कोची येथील खाजगी रुग्णालयात हलवण्यात आले आहे. पोलिसांनी पीटीआयला सांगितले की, कार आणि मालवाहू ट्रकची समोरासमोर टक्कर झाली. या अपघातात सर्वांना रुग्णालयात दाखल करण्यात आले. मात्र, सुधीला यात जीव गमवावा लागला. इतर तिघांवर उपचार सुरू आहेत.
View this post on Instagram
कोण होते कोल्लम सुधी ?
अभिनेता जगदीशच्या मिमिक्रीने मन जिंकल्यामुळे सुधी हे घराघरात नाव बनले. सुधी हा 'स्टार मॅजिक' या शोचा एक भाग बनला आणि त्याच्या सह-स्पर्धकांसोबतचा संवाद आणि धमाल, त्याच्या आनंदी मेकओव्हरसह, त्याला मल्याळम प्रेक्षकांमध्ये प्रचंड लोकप्रिय बनवले. 2015 मध्ये, सुधीने 'कंथारी' चित्रपटाद्वारे पदार्पण केले आणि नंतर, त्यांनी 'कटप्पानायले ऋत्विक रोशन', 'केशू हे वेदींते नाधान' आणि इतर चित्रपटांमध्ये काम केले.
(The above story first appeared on LatestLY on Jun 05, 2023 12:29 PM IST. For more news and updates on politics, world, sports, entertainment and lifestyle, log on to our website latestly.com).
