Mahadev Betting App Case: अभिनेता साहिल खान फरार; महादेव बेटिंग ॲप प्रकरणी अभिनेत्यावर करण्यात आले होते गंभीर आरोप

Actor Sahil Khan (PC - Instagram)

Mahadev Betting App Case: महादेव बेटिंग ॲप प्रकरणी (Mahadev Betting App Case) दाखल झालेल्या फसवणुकीच्या गुन्ह्यात मुंबई पोलिसांच्या गुन्हे शाखेने यापूर्वी चौकशी केलेला अभिनेता साहिल खान (Actor Sahil Khan) ला फरार घोषित करण्यात आले आहे. यासंदर्भात पोलिस अधिकाऱ्यांनी शुक्रवारी माहिती दिली. सत्र न्यायालयाने त्यांची अटकपूर्व याचिका फेटाळल्यानंतर अलीकडेच खान यांना मुंबई उच्च न्यायालयाने अंतरिम संरक्षण दिले होते. त्यानंतर लगेचच, गेल्या आठवड्यात शनिवारी खान मुंबई पोलिसांसमोर हजर झाला. विशेष तपास पथकाने (एसआयटी) त्यांची तब्बल तीन तास चौकशी केली.

मुंबई उच्च न्यायालयाने याचिका फेटाळली -

डिसेंबर 2023 मध्ये ज्या खानला पहिल्यांदा समन्स बजावण्यात आले होते. त्यानंतर अभिनेत्याने अटकपूर्व जामिनासाठी अर्ज करून अटक टाळली होती. एफआयआर रद्द करण्याची मागणी करण्यासाठी त्यांनी मुंबई उच्च न्यायालयातही धाव घेतली. दोन दिवसांपूर्वी, मुंबई उच्च न्यायालयाने त्याला चौकशीसाठी पोलिसांना सहकार्य करण्याचे निर्देश देत त्याची याचिका फेटाळली. शुक्रवारी, गुन्हे शाखेच्या पथकाने खान यांच्या निवासस्थानी भेट दिली. त्यावेळी तो बेपत्ता असल्याचे आढळले. वारंवार प्रयत्न करूनही तो सापडला नाही. त्यानंतर पोलिसांनी अभिनेत्याला फरार घोषित केले. (हेही वाचा -Mahadev Betting App: छत्तीसगडचे माजी मुख्यमंत्री अडचणीत! महादेव बेटिंग ॲप प्रकरणी FIR दाखल)

पोलिस अधिकाऱ्यांनी सांगितले की, त्याने नागरिकांना बेटिंग ॲप वापरण्याचे आवाहन करणाऱ्या जाहिरातींचा प्रचार केला. महादेव ॲपची प्रसिद्धी करून त्यांनी मोठा नफा कमावल्याचा आरोप आहे. त्याची याचिका फेटाळताना न्यायालयानेही त्याचीच दखल घेतली होती. (Mahadev Betting App: महादेव बेटिंग अ‍ॅपच्या मालकाला दुबईत बेड्या)

हवाला, मनी लाँड्रिंग आणि मॅच फिक्सिंगचे आरोप

गेल्या वर्षी, अंमलबजावणी संचालनालय आणि माटुंगा पोलिसांनी महादेव बेटिंग ॲपमध्ये प्रकरणे नोंदवली ज्यात प्रवर्तक सौरभ चंद्राकर, रवी उप्पल, शुभम सोनी आणि इतर अनेकांचा आरोपी म्हणून समावेश होता. एफआयआरमध्ये आरोपींवर हवाला व्यवहार, क्रिप्टोकरन्सीद्वारे मनी लाँड्रिंग आणि मॅच फिक्सिंगचे गंभीर आरोप ठेवण्यात आले आहेत. मुंबईतील सामाजिक कार्यकर्ते प्रकाश बनकर यांनी केलेल्या एफआयआरमध्ये असे म्हटले आहे की, बेटिंग ॲपच्या माध्यमातून लोकांची 15,000 कोटी पेक्षा जास्त रुपयांची फसवणूक करण्यात आली आहे.