Indian Ex Navy Officers (PC - Twitter)

Indian Ex Navy Officers Death Penalty: भारतासाठी एक दिलासादायक बातमी समोर आली आहे. कतार न्यायालयाने (Qatar Court) भारतीय नौदलाच्या आठ माजी अधिकाऱ्यांची याचिका स्वीकारली आहे. कतारच्या कोर्टात लवकरच त्याच्या याचिकेवर सुनावणी होऊ शकते. या आठ माजी नौदलाच्या अधिकाऱ्यांना कतारमध्ये फाशीची शिक्षा सुनावण्यात आली आहे. नौदलाच्या आठ माजी अधिकाऱ्यांच्या फाशीच्या शिक्षेविरोधात भारत सरकारने ही याचिका दाखल केली आहे. कतार न्यायालयाने 23 नोव्हेंबर 2023 रोजी ते मान्य केले आणि आता अपीलचा अभ्यास करून त्यावर लवकरच सुनावणी सुरू केली जाईल.

भारतीय नौदलाचे आठ माजी अधिकारी कतारमधील देहरा ग्लोबल टेक्नॉलॉजी आणि कन्सल्टन्सी सर्व्हिसेस नावाच्या कंपनीसाठी काम करत होते. या सर्वांना ऑगस्ट 2022 मध्ये अटक करण्यात आली होती. कतार सरकारने माजी नौदल अधिकाऱ्यांवरील आरोपांची माहिती दिलेली नाही. 26 ऑक्टोबर 2023 रोजी कतार न्यायालयाने या माजी अधिकाऱ्यांना फाशीची शिक्षा सुनावली. (हेही वाचा - India resumes e-visa to Canadian: कॅनडा च्या नागरिकांना भारतात पुन्हा ई-व्हिसा देण्यात सुरूवात - सूत्र)

कतार सरकारने आठ भारतीयांवरील आरोप अद्याप सार्वजनिक केलेले नाहीत. मात्र, सुरक्षेशी संबंधित गुन्ह्यांच्या आरोपावरून या अटक करण्यात आल्याचा संशय व्यक्त केला जात आहे. भारतीय अधिकारी इस्रायलसाठी हेरगिरी करत होते, असा कतारी मीडियाचा दावा आहे. भारत सरकारनेही या आरोपांबाबत माहिती दिलेली नाही. अटकेनंतर ही बाब अनेक दिवस गुप्त ठेवण्यात आली होती. कतारमधील भारतीय दूतावासाच्या अधिकाऱ्यांनाही याबाबत माहिती देण्यात आली नव्हती. 1 ऑक्टोबर 2022 रोजी दोहा येथील भारतीय राजदूत आणि मिशनचे उपप्रमुख यांनी या माजी अधिकाऱ्यांची भेट घेतली. 3 ऑक्टोबर 2022 रोजी पहिला कॉन्सुलर प्रवेश देण्यात आला. 25 मार्च 2023 रोजी आठही अधिकाऱ्यांवर आरोप निश्चित करण्यात आले. 29 मार्च रोजी खटला सुरू झाला. या सर्वांना 26 ऑक्टोबर 2023 रोजी फाशीची शिक्षा सुनावण्यात आली होती.

कतारमध्ये ज्या माजी नौदलाच्या अधिकाऱ्यांना फाशीची शिक्षा सुनावण्यात आली आहे त्यात कॅप्टन नवतेज सिंग गिल, कॅप्टन सौरभ वशिष्ठ, कॅप्टन बिरेंद्र कुमार वर्मा, कमांडर पूर्णेंदू तिवारी, कमांडर सुगनाकर पकाला, कमांडर संजीव गुप्ता, कमांडर अमित नागपाल आणि नाविक रागेश यांचा समावेश आहे. डेहरा ग्लोबल ज्या कंपनीसाठी हे भारतीय काम करत होते त्या कंपनीचे सीईओ खमिल अल आझमी हे ओमान हवाई दलाचे अधिकारी होते. आझमी यांनाही यापूर्वी ताब्यात घेण्यात आले होते. परंतु, नंतर त्यांची सुटका करण्यात आली.