Sri Lanka Crisis: श्रीलंकेच्या संकटावर परराष्ट्र मंत्री एस. जयशंकर यांची पहिली प्रतिक्रिया, म्हणाले- आम्ही मैत्री केली, आजही साथ देऊ
आम्ही सर्व शक्य मार्गांनी मदत करण्याचा प्रयत्न करत आहोत आणि नेहमीच मदत करत राहू. ते त्यांच्या समस्येवर काम करत आहेत, पुढे काय होते ते पाहू. जयशंकर म्हणाले की, श्रीलंकेत सध्या निर्वासितांचे कोणतेही संकट नाही.
श्रीलंकेची परिस्थिती बिकट (Sri Lanka Crisis) होत चालली आहे. प्रचंड महागाई आणि जीवनावश्यक वस्तूंच्या किमतीत झालेली वाढ यामुळे लोक रस्त्यावर उतरून सरकारचा निषेध करत आहेत. जनतेचा रोष इतका वाढला आहे की त्यांनी शनिवारी राष्ट्रपती भवनावर ताबा मिळवला आणि पंतप्रधानांच्या शासकीय निवासस्थानाला आग लावली. आर्थिक संकटामुळे गृहयुद्धाच्या उंबरठ्यावर उभा असलेला श्रीलंकेचा (Sri Lanka) मित्र भारत (India) आज पुन्हा त्याच्या पाठीशी उभा आहे. आर्थिक अडचणीत सापडलेल्या श्रीलंकेला भारताने आश्वासन दिले आहे. आम्ही यापूर्वीही पाठिंबा दिला होता आणि आजही आम्ही श्रीलंकेच्या पाठीशी ठामपणे उभे आहोत, असे भारताने म्हटले आहे. परराष्ट्र मंत्री एस जयशंकर (S. Jaishankar) म्हणाले की, आम्ही सर्व शक्य मार्गांनी मदत करण्याचा प्रयत्न करत आहोत आणि नेहमीच मदत करत राहू. ते त्यांच्या समस्येवर काम करत आहेत, पुढे काय होते ते पाहू. जयशंकर म्हणाले की, श्रीलंकेत सध्या निर्वासितांचे कोणतेही संकट नाही.
श्रीलंकेतील भारताच्या उच्चायुक्तांनी एक निवेदन दिले आहे, या विषम परिस्थितीतही भारत आपल्या मैत्रीचे कर्तव्य पार पाडेल आणि आज आम्ही श्रीलंकेच्या लोकांच्या पाठीशी उभे आहोत. आम्ही मदत करण्याचा प्रयत्न करत आहोत आणि आमचे सरकार नेहमीच नागरिकांच्या काळजीच्या पाठीशी उभे राहील.
Tweet
Thiruvananthapuram, Kerala | We have been supportive of Sri Lanka, are trying to help and have always been helpful. They are working through their problem, we will see what happens. There is no refugee crisis right now: S Jaishankar, EAM upon his Kerala arrival pic.twitter.com/6oManS6EVt
— ANI (@ANI) July 10, 2022
कोणत्याही देशाने मदतीचा हात पुढे केला नाही
आर्थिक संकट आणि हिंसक निषेध असूनही, जगातील कोणत्याही देशाने श्रीलंकेला मदतीचा हात पुढे केला नाही, जिथे भारताने आपले मोठे मन दाखवले आहे आणि श्रीलंकेला सर्व प्रकारे मदत करणार असल्याचे सांगितले आहे. (हे देखील वाचा: Gotabaya Rajapaksa: दस्तूर खुद्द देशाचे राष्ट्रपती गेले पळून, जाणून घ्या का आली राष्ट्रपतींवर पळून जाण्याची वेळ)
एक एक करून सर्व कॅबिनेट मंत्री राजीनामे देणार आहेत
शनिवारपासून सुरू असलेल्या निदर्शनांनंतर पंतप्रधान रानिल विक्रमसिंघे यांनी राजीनामा दिला, त्यानंतर परराष्ट्रमंत्र्यांनीही राजीनामा दिला आहे. आता विक्रमसिंघे यांच्या मंत्रिमंडळातील सर्व मंत्री एक एक करून राजीनामे देणार असल्याचे बोलले जात आहे. त्यानंतर 13 ऑगस्ट रोजी राष्ट्रपती गोटाबाया राजपक्षे आपला राजीनामा सादर करतील.
(The above story first appeared on LatestLY on Jul 10, 2022 04:19 PM IST. For more news and updates on politics, world, sports, entertainment and lifestyle, log on to our website latestly.com).
