BSNL चा 251 रूपयात 251GB चा धमाकेदार प्लॅन; विना व्यत्यय पाहू शकाल आयपीएल
BSNL ने आपल्या सोशल मीडिया प्लॅटफॉर्म X वर या प्लॅनची माहिती दिली आहे. कंपनीने एका पोस्टमध्ये म्हटले आहे की तुम्हाला 251GB हाय-स्पीड डेटा 60 दिवसांसाठी 251 च्या प्लॅनमध्ये मिळेल.
देशात एकीकडे खाजगी टेलिकॉम कंपन्यांनी त्यांचे रिचार्ज प्लॅन महाग केले आहेत, तेव्हा आता लोकं सरकारी टेलिकॉम कंपनी बीएसएनएलचे खूप कौतुक करत आहेत.खरं तर, सरकारी टेलिकॉम कंपनीने आपले रिचार्ज प्लॅन अजून महाग केलेले नाहीत आणि कंपनी अधिकाधिक ग्राहक जोडण्यासाठी एकामागून एक नवीन प्लान देखील आणत आहे. अलीकडेच कंपनीने एक प्लान देखील ऑफर केला आहे ज्यामध्ये तुम्हाला 251GB डेटा आणि बरेच काही मिळत आहे.
मात्र, या योजनेमुळे खासगी टेलिकॉम कंपन्यांच्या अडचणी वाढल्या आहेत. जर तुम्ही क्रिकेट प्रेमी असाल किंवा इंटरनेट खूप वापरत असाल तर ही योजना तुमच्यासाठी सर्वोत्तम योजना आहे.
BSNL चा 251 रुपयांचा डेटा प्लान
वास्तविक, अलीकडेच BSNL ने 251 रुपयांचा नवीन प्रीपेड प्लॅन सादर केला आहे, ज्याची वैधता एक नव्हे तर दोन महिन्यांपेक्षा जास्त आहे. या प्लॅनमध्ये तुम्हाला 60 दिवसांची वैधता मिळते.एवढेच नाही तर हा प्लान यूजर्सना 251GB हाय-स्पीड डेटा देखील देत आहे, ज्यामुळे तुम्ही कोणत्याही व्यत्ययाशिवाय IPL 2025 चा थेट आनंद घेऊ शकता. ही ऑफर केवळ मर्यादित कालावधीसाठी उपलब्ध आहे, त्यामुळे तुम्हालाही या ऑफरचा लाभ घ्यायचा असेल, तर लवकरच BSNL च्या ॲपद्वारे किंवा ऑनलाइन रिचार्ज करा.
प्लॅन मध्ये काय काय मिळणार?
251 रुपयांचा डेटा प्लान हा एक खास डेटा प्लान आहे, ज्यामध्ये तुम्हाला अनलिमिटेड कॉलिंग किंवा एसएमएसची सुविधा मिळणार नाही. अशा परिस्थितीत, जर तुम्हाला कॉलिंग किंवा एसएमएसची सुविधा हवी असेल तर त्यासाठी तुम्हाला अतिरिक्त रिचार्ज प्लॅन देखील घ्यावा लागेल. तुम्ही बीएसएनएलच्या अधिकृत वेबसाइट किंवा बीएसएनएल सेल्फ केअर ॲपवरून हा नवीन रु. 251 डेटा प्लॅन रिचार्ज करू शकता.
यामध्ये कोणत्याही व्यत्ययाशिवाय क्रिकेटचा आनंद घेऊ शकाल. जे जास्त इंटरनेट वापरतात ते या प्लॅनसह जाऊ शकतात.
(The above story first appeared on LatestLY on Apr 03, 2025 05:12 PM IST. For more news and updates on politics, world, sports, entertainment and lifestyle, log on to our website latestly.com).
