Khel Ratna Award 2020: हिमा दासची खेल रत्न पुरस्कारासाठी आसाम सरकारने केली शिफारस; रोहित शर्मा, राणी रामपाल, मनिका बत्रासारखे दिग्गजही शर्यतीत
2018 मध्ये शानदार प्रदर्शन केलेल्या फर्राटा धाविका हिमा दासच्या नावाची आसाम सरकारने खेलरत्न पुरस्कारासाठी शिफारस केली आहे. आसामचे क्रीडा सचिव दुलाल चंद्र दास यांनी 5 जून रोजी क्रीडा मंत्रालयाला एक शिफारस पत्र पाठवले. हिमाखेरीज नीरज चोपडा, विनेश फोगाट, मनिका बत्रा, राणी रामपाल आणि रोहित शर्मानाही देशातील सर्वोच्च खेळ पुरस्कार देण्यासाठी नामांकित करण्यात आले आहेत.
2018 मध्ये शानदार प्रदर्शन केलेल्या फर्राटा धाविका हिमा दासच्या (Hima Das) नावाची आसाम (Assam) सरकारने खेल रत्न (Khel Ratna) पुरस्कारासाठी शिफारस केली आहे. आसामचे क्रीडा सचिव दुलाल चंद्र दास यांनी 5 जून रोजी क्रीडा मंत्रालयाला एक शिफारस पत्र पाठवले. आसाममधील धिंग (Dhing) गावची रहिवासी 20 वर्षीय हिमा यंदा खेळरत्नसाठी नामांकित सर्वात युवा खेळाडू आहे. फिनलँडमध्ये 2018 अंडर-20 वर्ल्ड चॅम्पियनशिपमध्ये जागतिक जेतेपद जिंकणार्या भारताची पहिली ट्रॅक अॅथलीट हिमाखेरीज भालाफेकपटू नीरज चोपडा, कुस्तीपटू विनेश फोगाट, टेबल टेनिसपटू मनिका बत्रा, महिला हॉकी कर्णधार राणी रामपाल आणि क्रिकेटर रोहित शर्मा यांनाही देशातील सर्वोच्च खेळ पुरस्कार देण्यासाठी नामांकित करण्यात आले आहेत. हिमाने जकार्ता आशियाई क्रीडा स्पर्धेत 2018 मध्ये अंडर 20 वर्ल्ड स्पर्धेबरोबरच 400 मीटरमध्ये रौप्यपदक, 4X400 मीटर रिले आणि महिला 4x400 मीटर मध्ये सुवर्णपदक जिंकले. तिला 2018 मध्ये अर्जुन पुरस्काराने सन्मानित करण्यात आले आहेत.
हिमाने अनेक प्रसंगी देशाचा अभिमान वाढवला आहे. मागील वर्षी म्हणजेच 2019 मध्ये हिमाने अनेक छोट्या स्पर्धांमध्ये सुवर्णपदकं जिंकली. दोहा वर्ल्ड चॅम्पियनशिपमध्ये भाग घेण्यासाठी तिला आमंत्रित करण्यात आले होते पण पाठीच्या दुखापतीमुळे ती या प्रतिष्ठित स्पर्धेत भाग घेऊ शकली नाही. दरम्यान, आसाम सरकारचे क्रीडा व युवा कल्याण संचालक धर्मकांता मल्ली म्हणाले की राज्याचे क्रीडा सचिव दुलाल चंद्र दास यांनी केंद्रीय युवा व्यवहार व क्रीडा मंत्रालयाला पत्र पाठवून हिमाचे नाव खेलरत्न पुरस्कारासाठी सुचवले आहे. “क्रीडा सचिवांनी अर्जुन पुरस्कारासाठी एक्का बॉक्सर लोवलिना बोर्गोहिन यांचेही नाव प्रस्तावित केले. दास आणि बोर्गोहिन दोघेही आसामचा अभिमान आहेत. जर केंद्र सरकारने राज्य सरकारचे प्रस्ताव स्वीकारले तर आसाम सरकार आणि आसाममधील जनता खूप आनंदी होतील," मल्ली यांनी आयएएनएसला सांगितले.
दुसरीकडे, अलीकडेच हिमा म्हणाली की तिची रोल मॉडेल क्रिकेट लीजेंड सचिन तेंडुलकर आहे. भारताचा अनुभवी फलंदाज सुरेश रैनाशी इन्स्टाग्राम चॅटमध्ये हिमाने म्हटले, "माझे रोल मॉडेल सचिन तेंडुलकर आहे. मला घरी बोलावले तेव्हा त्यांच्याशी बोलताना मला अजूनही आठवते. जेव्हा मी त्याला पाहिले तेव्हा मी रडले आणि सरांनी मला सावरले. माझ्यासाठी हा सर्वात चांगला क्षण होता. आपल्या रोल मॉडेलला भेटणे प्रत्येकासाठी एक मोठा क्षण आहे आणि कोणीही ते विसरू शकत नाही."
(The above story first appeared on LatestLY on Jun 16, 2020 10:31 AM IST. For more news and updates on politics, world, sports, entertainment and lifestyle, log on to our website latestly.com).
