IND vs SL Head To Head: टीम इंडिया आणि श्रीलंका यांच्यात कोण आहे वरचढ, जाणून घ्या दोन्ही संघाबद्दल सर्व काही
3 जानेवारीपासून टी-20 मालिकेला सुरुवात होणार आहे. त्याच वेळी, 10 जानेवारीपासून एकदिवसीय मालिका सुरू होणार आहे. बीसीसीआयने (BCCI) दोन्ही मालिकेसाठी संघ जाहीर केला आहे.
IND vs SL Head To Head: टीम इंडिया पुढच्या वर्षी म्हणजेच 2023 ची सुरुवात श्रीलंकेविरुद्ध (IND vs SL) घरच्या मालिकेने करेल. या दोघांमध्ये तीन टी-20 आंतरराष्ट्रीय (T20I) आणि तीन वनडे (ODI) सामन्यांची मालिका खेळवली जाईल. यामध्ये 3 जानेवारीपासून टी-20 मालिकेला सुरुवात होणार आहे. त्याच वेळी, 10 जानेवारीपासून एकदिवसीय मालिका सुरू होणार आहे. बीसीसीआयने (BCCI) दोन्ही मालिकेसाठी संघ जाहीर केला आहे. हार्दिक पांड्याकडे (Hardik Pandya) टी-20 मालिकेसाठी संघाची कमान सोपवण्यात आली आहे. टी-20 मालिकेसाठी अनेक वरिष्ठ खेळाडूंना विश्रांती देण्यात आली आहे. त्याचबरोबर रोहित शर्मा (Rohit Sharma) एकदिवसीय मालिकेत नियमित कर्णधार म्हणून दिसणार आहे. पहिल्या टी-20 मालिकेत कोणता संघ वरचढ आहे ते जाणून घेऊया..
हेड टू हेड आकडे बघितले तर क्रिकेटच्या सर्वात लहान फॉरमॅटमध्ये भारत आणि श्रीलंका यांच्यात आतापर्यंत 26 सामने झाले आहेत. यादरम्यान श्रीलंकेच्या संघाविरुद्ध भारतीय संघाचे मोठे वर्चस्व आहे. टीम इंडिया आणि श्रीलंका यांच्यात याआधी 9 टी-20 मालिका झाल्या आहेत, ज्यामध्ये श्रीलंकेचा रेकॉर्ड खूपच खराब राहिला आहे. आजपर्यंत श्रीलंकेने भारतात एकही टी-20 मालिका जिंकलेली नाही, तर एकूणच श्रीलंकेला भारताविरुद्ध फक्त एकदाच टी-20 मालिका जिंकण्यात यश आले आहे. टीम इंडियाने 7 वेळा, श्रीलंकेने 1 वेळा विजय मिळवला आणि 1 वेळा मालिका अनिर्णित राहिली. (हे देखील वाचा: IND vs SL T20I Series 2023: टी-20 मालिकेतील 'या' मोठ्या खेळाडूंवर सर्वांच्या असतील नजरा, करु शकतात मोठी कामगिरी)
सर्वाधिक धावा
टीम इंडिया आणि श्रीलंका यांच्यातील टी-20 सामन्यात रोहित शर्माच्या नावावर सर्वाधिक 411 धावा आहेत. रोहित शर्माने 19 सामन्यांच्या 17 डावात 24.17 च्या सरासरीने आणि 144.21 च्या स्ट्राईक रेटने 411 धावा केल्या आहेत. यामध्ये रोहित शर्माच्या नावावर 118 धावांची सर्वोच्च धावसंख्याही आहे. यादरम्यान रोहित शर्माने सर्वाधिक 19 षटकारही ठोकले आहेत.
सर्वाधिक विकेट
युझवेंद्र चहल हा श्रीलंकेविरुद्ध टी-20 आंतरराष्ट्रीय सामन्यात सर्वाधिक बळी घेणारा गोलंदाज आहे. युझवेंद्र चहलने आतापर्यंत 10 सामन्यांत 15.65 च्या सरासरीने 20 विकेट्स घेतल्या आहेत. या दरम्यान त्यांची सरासरी 8.23 झाली आहे.
विकेटकीपिंग रेकॉर्ड
टीम इंडिया आणि श्रीलंका यांच्यातील टी-20 इंटरनॅशनलमध्ये आतापर्यंत टीम इंडियाचा माजी कर्णधार एमएस धोनीने एकूण 18 फलंदाजांना विकेटच्या मागे पॅव्हेलियनमध्ये पाठवले आहे. यामध्ये एमएस धोनीने 9 झेल टिपले आणि 9 स्टंपिंग केले.
सर्वाधिक झेल
टीम इंडिया आणि श्रीलंका यांच्यातील टी-20 आंतरराष्ट्रीय सामन्यात हार्दिक पांड्याने आतापर्यंत सर्वाधिक झेल पकडले आहेत. हार्दिक पांड्याने 9 सामन्यात 9 झेल घेतले आहेत. या यादीत भारताचा माजी फलंदाज सुरेश रैना दुसऱ्या क्रमांकावर आहे. सुरेश रैनाने 7 झेल घेतले आहेत.
(The above story first appeared on LatestLY on Dec 29, 2022 08:19 PM IST. For more news and updates on politics, world, sports, entertainment and lifestyle, log on to our website latestly.com).
