T20 World Cup 2021: टीम इंडिया बाहेर बसलेल्या ‘या’ 3 खेळाडूंना टी-20 वर्ल्ड कप संघात देऊ शकते संधी, एकहाती बदलू शकतात सामन्याचा निकाल
आंतरराष्ट्रीय क्रिकेट परिषदने काही दिवसांपूर्वी टी-20 वर्ल्ड कप स्पर्धेच्या सामन्यांचे वेळापत्रक जाहीर केले होते. टी-20 वर्ल्ड कपसाठी भारतीय संघाची उत्सुकता लागून आहे. सध्या अनेक महत्त्वाचे खेळाडू भारताच्या संघातून बाहेर बसलेले आहेत. परंतु त्यांच्यामध्ये असे अनेक खेळाडू आहेत ज्यांना भारतीय संघात परतण्यासाठी प्रबळ दावेदार मानले जाते.
T20 World Cup 2021: आंतरराष्ट्रीय क्रिकेट परिषदने (ICC) काही दिवसांपूर्वी टी-20 वर्ल्ड कप स्पर्धेच्या सामन्यांचे वेळापत्रक (T20 World Cup Schedule) जाहीर केले होते. टीम इंडिया (Team India) 24 ऑक्टोबर रोजी कट्टर प्रतिस्पर्धी पाकिस्तानविरुद्ध सामन्याने मोहिमेची सुरुवात करणार आहे. पाकिस्तानसोबत न्यूझीलंड व अफगाणिस्तान संघ देखील भारताच्या गटात आहेत. किवी आणि ऑस्ट्रेलिया संघाने वर्ल्ड कप स्पर्धेसाठी त्यांचा संघ जाहीर केला आहे पण चाहत्यांना उत्सुकता लागून आहे ती टी-20 वर्ल्ड कपसाठी भारतीय संघाची. सध्या अनेक महत्त्वाचे खेळाडू भारताच्या संघातून (Indian Team) बाहेर बसलेले आहेत. परंतु त्यांच्यामध्ये असे अनेक खेळाडू आहेत ज्यांना भारतीय संघात परतण्यासाठी प्रबळ दावेदार मानले जाते. तर या लेखातील अशा तीन खेळाडूंची नावे खालीलप्रमाणे आहेत. (T20 World Cup 2021: टी-20 विश्वचषकात 'हे' 4 संघ सेमीफायनलमध्ये करतील प्रवेश, गौतम गंभीर यांची भविष्यवाणी)
हार्दिक पांड्या (Hardik Pandya)
हार्दिक पंड्यासाठी, शेवटचा काही काळ अत्यंत खराब राहिला आहे, परंतु त्याची क्षमता टीम इंडियाच्या प्रत्येक खेळाडूने चांगली ओळखली आहे. हार्दिकच्या कारकिर्दीत असे अनेक प्रसंग आले आहेत ज्यात तो भारतीय संघासाठी एक्स फॅक्टरही सिद्ध झाला आहे. हार्दिकची आकडेवारीही यावर दावा करते. हार्दिकने आतापर्यंत 49 टी -20 सामन्यांमध्ये भारताचे प्रतिनिधीत्व केले आणि 145.35 च्या सर्वोत्तम स्ट्राईक रेटने धावा केल्या आहेत. अशा परिस्थितीत आकडे पाहिल्यानंतर तो भारताच्या विश्वचषक संघात पुनरागमन करू शकतो असे म्हणणे चुकीचे ठरणार नाही.
श्रेयस अय्यर (Shreyas Iyer)
क्रिकेटच्या दृष्टीने श्रेयस अय्यरसाठी यंदाचे वर्ष चांगले राहिले नाही. त्याला दुखापत झाल्यानंतर पहिले इंग्लंडविरुद्ध टी-20 मालिकेतून बाहेर पडावे लागले, त्यानंतर त्याला आयपीएल 2021 च्या पहिल्या टप्प्यातून बाहेर पडावे लागले. परंतु असे असूनही, श्रेयस आगामी काळात भारतीय टी-20 विश्वचषक संघात सामील होण्यासाठी पुरेसा मजबूत दावेदार मानले जाते. यामागे कारण म्हणजे श्रेयसची फलंदाजीची क्षमता आहे. श्रेयसने टीम इंडियासाठी 133.82 च्या स्ट्राईक रेटने 28 टी -20 सामन्यांमध्ये 550 धावा केल्या आहेत. यादरम्यान त्याने तीन अर्धशतके देखील ठोकली आहेत.
भुवनेश्वर कुमार (Bhuvneshwar Kumar)
भुवनेश्वर कुमार निःसंशयपणे गेल्या काही काळापासून टीम इंडियामधून बाहेर बसला आहे, परंतु त्याचा अनुभव आणि त्याची क्षमता अजूनही इतर गोलंदाजांच्या तुलनेत खूपच चांगली आहे. श्रीलंका दौऱ्यावर भारतीय संघात कमबॅक करत भुवीने अलीकडेच संघ व्यवस्थापनासमोर आपली प्रतिभा दाखवली. भुवीचा अनुभव त्याच्या आकड्यांमधून स्पष्टपणे दिसून येतो. भुवीने आतापर्यंत 51 टी-20 सामन्यांमध्ये 6.9 च्या इकॉनॉमी रेटसह एकूण 50 विकेट्स घेतल्या आहेत. जिथे भुवनेश्वरची सर्वोत्तम कामगिरी 24 धावांत 5 विकेट होती. अशा परिस्थितीत त्याचे भारतीय संघात पुनरागमन निश्चित मानले जात आहे.
(The above story first appeared on LatestLY on Aug 21, 2021 01:07 PM IST. For more news and updates on politics, world, sports, entertainment and lifestyle, log on to our website latestly.com).
