Shubman Gill (Photo Credit - Twitter)

टीम इंडिया आणि ऑस्ट्रेलिया (IND vs AUS) यांच्यातील एकदिवसीय मालिकेतील दुसरा सामना आज इंदूरमध्ये खेळला जात आहे. टीम इंडियाने पहिला एकदिवसीय सामना 5 विकेटने जिंकून मालिकेत 1-0 अशी आघाडी घेतली आहे. टीम इंडियाला दुसरी वनडे जिंकून मालिकेत अभेद्य आघाडी घेण्याची संधी आहे. या सामन्यात केएल राहुल टीम इंडियाचे नेतृत्व करत आहे. रोहित शर्मा, विराट कोहली, हार्दिक पांड्या आणि कुलदीप यादव यांना पहिल्या दोन सामन्यांसाठी विश्रांती देण्यात आली आहे. दरम्यान, ऑस्ट्रेलियन कर्णधार स्टीव्ह स्मिथने नाणेफेक जिंकून प्रथम गोलंदाजी करण्याचा निर्णय घेतला आहे. ऑस्ट्रेलियाचा नियमित कर्णधार पॅट कमिन्स आज खेळत नाही. कमिन्सच्या जागी जोस हेझलवूडचा समावेश आहे. टीम इंडियाकडून, अनुभवी वेगवान गोलंदाज जसप्रीत बुमराह आजच्या सामन्याचा भाग नाही.

टीम इंडियाचा युवा सलामीवीर फलंदाज शुभमन गिल सातत्याने आपल्या कामगिरीने सर्वांना प्रभावित करत आहे. टीम इंडिया आणि ऑस्ट्रेलिया यांच्यात खेळल्या गेलेल्या पहिल्या वनडेत अर्धशतक झळकावणारा शुभमन गिल दुसऱ्या एकदिवसीय सामन्यातही उत्कृष्ट फॉर्ममध्ये दिसला आणि शतक ठोकले. शुभमन गिलने आतापर्यंत या सामन्यात दोन गगनचुंबी षटकार ठोकले असून एक मोठा विक्रमही आपल्या नावावर केला आहे. (हे देखील वाचा: एम एस धोनीच्या नेतृत्वाखालील टीम इंडियाने जिंकलेल्या ICC World Twenty20 Trophy ला 16 वर्षे पूर्ण, BCCI कडून खास ट्विट)

शुभमन गिलने रोहित शर्माला मागे टाकले

खरे तर हे वर्ष टीम इंडियाचा युवा सलामीवीर फलंदाज शुभमन गिलसाठी ठरले आहे. शुभमन गिल हा आधीच टीम इंडियाचा सर्वाधिक धावा करणारा फलंदाज आहे. आता शुभमन गिलने षटकारांच्या बाबतीतही मोठा विक्रम केला आहे. खरं तर, शुभमन गिल हा या वर्षात टीम इंडियासाठी सर्वाधिक षटकार मारणारा फलंदाज ठरला आहे. शुभमन गिलने आंतरराष्ट्रीय क्रिकेटमध्ये आतापर्यंत 44 षटकार मारले आहेत. या प्रकरणात शुभमन गिलने कर्णधार रोहित शर्माला मागे टाकले आहे. रोहित शर्माच्या नावावर 43 षटकार आहेत.

श्रेयस अय्यर आणि शुभमन गिल यांनी डाव सांभाळला

इंदूरमध्ये खेळल्या जात असलेल्या दुसऱ्या एकदिवसीय सामन्याबद्दल बोलायचे झाले तर, प्रथम फलंदाजी करण्यासाठी आलेल्या टीम इंडियाला सुरुवातीलाच मोठा धक्का बसला. संघाचा युवा सलामीवीर ऋतुराज गायकवाड हेझलवूडचा बळी ठरला. मात्र, नंतर संघाने शानदार पुनरागमन केले. श्रेयस अय्यर आणि शुभमन गिल यांनी डाव सांभाळत शतक ठोकले. हे दोन्ही खेळाडू उत्कृष्ट फॉर्ममध्ये असल्याचे दिसत असून ते गोलंदाजांवरही जोरदार मात केली.