Rohit Sharma (Photo Credit - X)

IND vs SL 1st ODI: रोहित शर्माने (Rohit Sharma) श्रीलंकेविरुद्ध खेळल्या (IND vs SL) गेलेल्या पहिल्या एकदिवसीय सामन्यात अर्धशतक झळकावले. जवळपास महिनाभरानंतर मैदानात परतलेला रोहित शर्मा चांगल्या फॉर्ममध्ये असल्याचे दिसून आले. भारतीय कर्णधाराने 47 चेंडूत 7 चौकार आणि 3 षटकारांच्या मदतीने 58 धावांची खेळी केली. या अर्धशतकी खेळीसह रोहित शर्माने भारताचा माजी फलंदाज 'मास्टर ब्लास्टर' सचिन तेंडुलकरची (Sachin Tendulkar) बरोबरी केली. खरे तर भारतासाठी सलामीवीर म्हणून सर्वाधिक 50 हून अधिक धावा करण्याचा विक्रम सचिन तेंडुलकरच्या नावावर आहे. आता रोहित शर्माने सचिन तेंडुलकरच्या विक्रमाची बरोबरी केली आहे.

सचिन तेंडुलकरचा विक्रम मोडणार

अनुभवी तेंडुलकरने आपल्या कारकिर्दीत भारताकडून सलामी करताना 50 प्लस 120 वेळा धावा केल्या आहेत. ओपनिंग करताना रोहित शर्मानेही 50 प्लस 120 धावा केल्या आहेत. आता ओपनिंग करताना आणखी 50 पेक्षा जास्त स्कोअर करून रोहित शर्मा माजी दिग्गज सचिन तेंडुलकरचा विक्रम मोडेल. (हे देखील वाचा: Rohit Sharma Milestone: 'हिटमॅन'ने नावावर केला ऐतिहासिक विश्वविक्रम, कर्णधार म्हणून आंतरराष्ट्रीय क्रिकेटमध्ये ठोकले सर्वाधिक षटकार)

भारतासाठी सलामी करताना सर्वोच्च 50 प्लस स्कोअर

सचिन तेंडुलकर- 120

रोहित शर्मा- 120

सामना झाला टाय

श्रीलंकेने नाणेफेक जिंकून प्रथम फलंदाजी करण्याचा निर्णय घेतला. श्रीलंकेचा सलामीवीर पथुम निसांकाने 75 चेंडूत 56 धावा केल्या तर दुनिथ वेललागे 65 चेंडूत नाबाद 67 धावा केल्या. श्रीलंकेने 50 षटकात 8 गडी गमावून 230 धावा केल्या आणि भारताला 231 धावांचे लक्ष्य दिले. प्रत्युत्तरात भारतीय संघाची फलंदाजी ढासळल्याचे दिसून आले. याशिवाय केएल राहुल आणि अक्षर पटेल यांनाच 30 धावांचा टप्पा पार करता आला. श्रीलंकेच्या गोलंदाजांनी अप्रतिम गोलंदाजी करत भारतीय संघाला 47.5 षटकांत 230 धावांत गुंडाळून सामना बरोबरीत सोडवला.