विझॅकमध्ये भारत आणि दक्षिण आफ्रिका यांच्यात खेळल्या जाणार्‍या पहिल्या कसोटीच्या चौथ्या दिवसाच्या शेवटी भारताने आपली पकड आणखी मजबूत केली आहे. सामना संपण्यापूर्वी आफ्रिकेने 11 धावांवर एक विकेट गमावली आहे. भारत आता विजयापासून 9 विकेट दूर आहे.

टीम इंडियाचा फिरकी गोलंदाज रवींद्र जडेजा ने संघाला पहिले यश मिळवून दिले. आफ्रिकेचा सलामीवीर डीन एल्गारने दोन धावांच्या वैयक्तिक धावसंख्येवर बाद केले. 

टीम इंडियाने पहिल्या टेस्टचा दुसरा डाव 4 बाद 323 धावांवर घोषित केला. आणि आफ्रिकेला विजयासाठी 395 धावांचे लक्ष्य मिळाले आहे. भारतीय संघासाठी रोहित शर्मा याने पुन्हा एकदा शतकी खेळी केली. चौथ्या दिवसाचा खेळ संपण्यासाठी अजून 13 ओव्हर्स बाकी आहे. रवींद्र जडेजाने रोहितला चांगला पाठिंबा दर्शविला आणि तीन षटकारांच्या मदतीने 32 चेंडूत 40 धावा केल्या.

भारतीय सलामीवीर रोहित शर्मा नेदेखील कसोटीत आपला आक्रमक खेळ दाखवायला सुरुवात केली. रोहितने डी पीटच्या षटकातील शेवटच्या तीन चेंडूंमध्ये तीन षटकार ठोकले. या कसोटीत रोहितचे 13 षटकार पूर्ण झाली आहेत. यासह रोहितने एक नवीन विश्वविक्रम आपल्या नावावर केला आहे. कसोटीमध्ये एका सामन्यात सर्वाधिक षटकार मारण्याचा विक्रम त्याने आपल्या नावावर केला. 

टी ब्रेकनंतर फलंदाजीला येत फिलँडरच्या अखेरच्या चेंडूवर चेतेश्वर पुजारा 81 धावांवर एलबीडब्ल्यू झाला. पुजारा बाद झाल्यानंतर रवींद्र जडेजाला प्रोत्साहन देताना चौथ्या क्रमांकावर फलंदाजीसाठी पाठवले गेले आहे.

चौथ्या दिवशीच्या दुसऱ्या डावात, चहापर्यंत भारतीय संघाने 48 ओव्हरनंतर एक गडी गमावून 175 धावा केल्या आहेत. संघासाठी रोहित शर्मा 118 चेंडूत 7 चौकार आणि 4 षटकारांच्या मदतीने 84 धावांवर तर चेतेश्वर पुजारा 139 चेंडूत 13 चौकार आणि एका षटकारासह 75 धावांवर खेळत आहे.

टीम इंडियाचा टेस्ट एक्स्पर्ट चेतेश्वर पुजारा याने टेस्ट करिअर मधील 21 वे अर्धशतक पूर्ण केले आहे. पुजाराने 106 चेंडूत अर्धशतक केले. याआधी सलामीवीर रोहित शर्मानेदेखील अर्धशतक पूर्ण केले होते. रोहित सध्या धावांवर खेळत आहे. 

विशाखापट्टणम येथे खेळल्या जाणार्‍या पहिल्या कसोटी सामन्याच्या दुसर्‍या डावात भारतीय संघाचा सलामीवीर रोहित शर्माने आपल्या कसोटी क्रिकेट कारकिर्दीचे 11 वे अर्धशतक पूर्ण केले आहे. रोहित सध्या 83 चेंडूत 3 चौकार आणि चार षटकारांसह 56 धावांवर खेळत आहेत.

दुसऱ्या डावात फलंदाजी करताना भारतीय संघाने 20 षटकांनंतर एक विकेट गमावून 52 धावा केल्या आहेत. संघासाठी रोहित शर्मा 52 चेंडूंत दोन चौकार आणि तीन षटकारांच्या मदतीने नाबाद 40 खेळत आहे. दुसरीकडे, चेतेश्वर पुजारा 37 बॉलमध्ये चार धावा करून त्याला साथ देत आहे.

चौथ्या दिवशी लंच घोषित होईपर्यंत भारतीय संघाने 14 षटकांनंतर एक गडी गमावून 35 धावा केल्या आहेत. संघासाठी रोहित शर्मा 25 तर चेतेश्वर पुजारा 2 धावा करत खेळत आहे. आहे. भारतासाठी पहिल्या डावात दुहेरी शतक करणारा मयंक अग्रवाल याला दुसर्‍या डावात सात धावा करता आल्या आणि केशव महाराज याच्या गोलंदाजीवर बाद झाला.

दक्षिण आफ्रिका संघाविरुद्ध दुसऱ्या डावात भारताने पहिली विकेट गमावली. केशव महाराज याने पहिल्या डावातील दुहेरी शतकवीर मयंक अग्रवाल याला 7 धावांवर माघारी धाडले. मयंकने पहिल्या डावात 215 केल्या होत्या. 

भारतीय संघा विरुद्ध पहिल्या टेस्ट च्या चौथ्या दिवशी दक्षिण आफ्रिकी संघ 431धावांवर ऑल आऊट झाला. यासह टीम इंडियाला पहिल्या टेस्टमध्ये 71 धावांची आघाडी मिळाली आहे. अश्विनने 7 गडी बाद केले, जडेजाने 2 आणि इशांत शर्मा याला 1 विकेट मिळाली. अन्य कोणताही गोलंदाज यश मिळवू शकला नाही.

दक्षिण आफ्रिकाविरुद्ध पहिल्या टेस्ट च्या चौथ्या दिवशी रविचंद्रन अश्विन याने भारताला नववी विकेट मिळवून दिली. केशव महाराज 9 धावा करत आऊट झाला. अश्विनची यंदाची ही सहावी विकेट आहे. अश्विनला टेस्टमध्ये 350 विकेट्स पूर्ण करण्यासाठी अजून 1 विकेटची गरज आहे. 

विशाखापट्टणम येथे भारत विरुद्ध दक्षिण आफ्रिका संघात पहिल्या टेस्टच्या चौथ्या दिवसाचा खेळ सुरु झाला आहे. केशव महाराज आणि सेन्युरन मुथुस्वामी सध्या अनुक्रमे नाबाद 9 आणि 15 धावांवर खेळत आहे. आफ्रिका अजून भारताच्या 108 धावा मागे आहे.