IND vs PAK T20 WC 2022: मेलबर्नमध्ये होणार भारत-पाकिस्तान सामना, जाणून घ्या टीम इंडियाचा एमसीजीमध्ये कसा आहे रेकॉर्ड
22 ऑक्टोबरपासून सुपर 12 सामने सुरू होणार असून त्यात भारत आणि पाकिस्तान यांच्यातील सामन्याची सर्वांनाच प्रतीक्षा आहे. हा सामना 23 ऑक्टोबर रोजी मेलबर्न येथील एमसीजी येथे खेळवला जाईल.
टी-20 विश्वचषक 2022 (T20 World Cup 2022) सुरु झाला आहे. पहिली फेरी खेळली जात असून त्यात आठ संघ पात्रतेसाठी लढत आहेत. 22 ऑक्टोबरपासून सुपर 12 सामने सुरू होणार असून त्यात भारत आणि पाकिस्तान (IND vs PAK) यांच्यातील सामन्याची सर्वांनाच प्रतीक्षा आहे. हा सामना 23 ऑक्टोबर रोजी मेलबर्न येथील एमसीजी (MCG) येथे खेळवला जाईल. ग्रुप 2 च्या या सामन्याची केवळ भारत आणि पाकिस्तानच नाही तर संपूर्ण जगाला उत्सुकता आहे. त्याआधी हे जाणून घेणे मनोरंजक ठरेल की या मैदानावर टीम इंडियाचा (Team India) रेकाॅर्ड कसा आहे?
MCG मध्ये भारताचा रेकॉर्ड कसा आहे?
जर आपण मेलबर्न क्रिकेट ग्राउंडबद्दल बोललो तर या मैदानावर एकूण 15 T20 आंतरराष्ट्रीय सामने खेळले गेले आहेत. हे सर्व सामने ऑस्ट्रेलियन संघाने खेळले आहेत. त्याच वेळी, भारतीय संघाने येथे चार T20 आंतरराष्ट्रीय सामने देखील खेळले आहेत. या चारही सामन्यांमध्ये भारत ऑस्ट्रेलिया विरुद्ध खेळला आहे, त्यापैकी टीम इंडियाने दोन आणि कांगारू संघाने एका सामन्यात विजय मिळवला आहे. याशिवाय येथे एक सामना अनिर्णित राहिला आहे. या मैदानाची सीमा रेषा खुप लांब आहेत, त्यामुळे येथे चौकार-षटकार मारणे सोपे नाही. अशा स्थितीत या मैदानावर सिंगल-डबलची भूमिका अत्यंत महत्त्वाची राहिली आहे. (हे देखील वाचा:
ONE week until the @T20WorldCup comes to the 'G, and we start with a HUGE match-up between India and Pakistan.
We're celebrating by looking back to the last cricket world cup we hosted - the Women's T20 World Cup back in early 2020!
Photo: Getty Images pic.twitter.com/uxrqlsCYOP
— Melbourne Cricket Ground (@MCG) October 16, 2022
हाय व्होल्टेज सामन्याची सर्व तिकिटे आधीच विकली गेली
एमसीजीची क्षमता सुमारे 1 लाख प्रेक्षक आहे. भारत आणि पाकिस्तान संघांचे खेळाडू जेव्हा येथे उतरतील तेव्हा स्टेडियम खचाखच भरले जाणे अपेक्षित आहे. या हाय व्होल्टेज सामन्याची सर्व तिकिटे आधीच विकली गेली आहेत. टी-20 आंतरराष्ट्रीय स्पर्धेत भारत प्रथमच ऑस्ट्रेलियाशिवाय इतर संघाविरुद्ध येथे खेळणार आहे. येथे, पाकिस्तानपाठोपाठ भारताचाही सामना 6 नोव्हेंबर रोजी अ गटातून पात्र ठरणाऱ्या संघाशी होणार आहे. आता पाहावे लागेल की भारतीय संघ गेल्या पराभवाचा बदला पाकिस्तानकडून इथे घेऊ शकतो की नाही?
(The above story first appeared on LatestLY on Oct 16, 2022 06:13 PM IST. For more news and updates on politics, world, sports, entertainment and lifestyle, log on to our website latestly.com).
