IND vs AUS 2nd ODI: ऑस्ट्रेलियाकडून पराभूत झाल्यानंतरही 'या' भारतीय खेळाडूने कर्णधार रोहितला टाकले मागे, केला अनोखा विक्रम
दुसऱ्या एकदिवसीय सामन्यात भारतीय फलंदाज आणि गोलंदाज वाईटरित्या फ्लॉप दिसले. मिचेल स्टार्कसमोर भारतीय फलंदाज टिकू शकले नाहीत. सामना गमावल्यानंतरही भारताचा स्टार अष्टपैलू खेळाडू अक्षर पटेलने (Axar Patel) ऑस्ट्रेलियाविरुद्ध अनोखा विक्रम केला आहे.
भारतीय संघाला ऑस्ट्रेलियाविरुद्धच्या (IND vs AUS) दुसऱ्या एकदिवसीय सामन्यात 10 गडी राखून पराभवाला सामोरे जावे लागले. या विजयासह ऑस्ट्रेलियाने मालिकेत 1-1 अशी बरोबरी साधली. दुसऱ्या एकदिवसीय सामन्यात भारतीय फलंदाज आणि गोलंदाज वाईटरित्या फ्लॉप दिसले. मिचेल स्टार्कसमोर भारतीय फलंदाज टिकू शकले नाहीत. सामना गमावल्यानंतरही भारताचा स्टार अष्टपैलू खेळाडू अक्षर पटेलने (Axar Patel) ऑस्ट्रेलियाविरुद्ध अनोखा विक्रम केला आहे. अक्षर पटेलने ऑस्ट्रेलियाविरुद्धच्या कसोटी मालिकेत दमदार कामगिरी केली होती. त्यानंतर तो आपल्या फलंदाजीने सर्वांना प्रभावित करण्यात यशस्वी झाला आहे. अक्षरने आत्तापर्यंत 2023 साली ऑस्ट्रेलियाविरुद्ध चार कसोटी आणि 1 वनडे खेळला आहे, ज्यामध्ये तो एकतर अर्धशतक झळकावण्यात यशस्वी झाला आहे किंवा तो नाबाद परतला आहे. त्याने हा अनोखा विक्रम आपल्या नावावर केला आहे.
ऑस्ट्रेलियाविरुद्ध अप्रतिम
अक्षर पटेलने ऑस्ट्रेलियाविरुद्धच्या पहिल्या कसोटीत 84 धावांची खेळी केली. यानंतर दुसऱ्या कसोटीत त्याने 74 धावा केल्या. त्याचवेळी, तिसऱ्या कसोटीच्या दोन्ही डावात 12 आणि 15 धावा केल्यानंतर तो नाबाद राहिला. चौथ्या कसोटीत त्याने 79 धावा केल्या. ऑस्ट्रेलियाविरुद्धच्या दुसऱ्या एकदिवसीय सामन्यात अक्षरने 29 चेंडूत 29 धावा केल्या आणि तो शेवटपर्यंत बाद झाला नाही. रोहित शर्माने ऑस्ट्रेलियाविरुद्ध चार कसोटी आणि 1 वनडेमध्ये 255 धावा केल्या आहेत. अक्षर पटेलने 4 कसोटी आणि 1 वनडेमध्ये 293 धावा केल्या आहेत.
अक्षर पटेलच्या 2023 साली ऑस्ट्रेलियाविरुद्धच्या धावा:
पहिली कसोटी - 84 धावा
दुसरी कसोटी - 74 धावा
तिसरी कसोटी – नाबाद 12 धावा आणि नाबाद 15 धावा
चौथी कसोटी - 79 धावा
दुसरी वनडे - 29 धावा
अक्षर पटेलने भारतीय संघासाठी 12 कसोटीत 50 विकेट्स, 49 एकदिवसीय सामन्यांमध्ये 56 बळी आणि 40 टी-20 सामन्यात 37 बळी घेतले आहेत. टी-20 विश्वचषक 2022 पासून, तो तिन्ही फॉरमॅटमध्ये टीम इंडियाचा महत्त्वाचा सदस्य राहिला आहे. (हे देखील वाचा: IND vs AUS 1st ODI: रोहित शर्माने केले स्पष्ट, टीम इंडिया जसप्रीत बुमराहशिवाय करत आहे पुढे प्लॅनिंग)
भारताचा झाला पराभव
ऑस्ट्रेलियाविरुद्धच्या दुसऱ्या वनडेमध्ये टीम इंडियाची सुरुवात खूपच खराब झाली होती. जेव्हा सलामीवीर शुभमन गिल खाते न उघडता पॅव्हेलियनमध्ये परतला. यानंतर कर्णधार रोहित शर्माही क्रीजवर टिकू शकला नाही. त्याने 13 धावा केल्या. त्यानंतर सूर्यकुमार यादवही शून्यावर बाद झाला. मिचेल स्टार्कच्या मारेकऱ्या गोलंदाजीसमोर संघाचे फलंदाज टिकू शकले नाहीत. त्याने 5 विकेट्स घेतल्या. अवघ्या 117 धावा करून संपूर्ण भारतीय संघ सर्वबाद झाला. यापुढे
(The above story first appeared on LatestLY on Mar 20, 2023 09:59 AM IST. For more news and updates on politics, world, sports, entertainment and lifestyle, log on to our website latestly.com).
