IND vs ZIM T20 Series 2024: भारत आणि झिम्बाब्वे (IND vs ZIM) यांच्यात पाच टी-20 सामन्यांची मालिका (T20I Series) आजपासून खेळवली जाणार आहे. या मालिकेतील पहिला सामना शनिवारी हरारे स्पोर्ट्स क्लब येथे संध्याकाळी 4.30 वाजता खेळवला जाणार आहे. भारतीय संघाचे नेतृत्व शुभमन गिलकडे (Shubman Gill) आहे, तर झिम्बाब्वे संघाचे नेतृत्व सिकंदर रझाकडे आहे. टी-20 विश्व क्रमवारीत भारतीय संघ अव्वल स्थानावर आहे. वास्तविक, भारतीय संघ विश्वचषक जिंकल्यानंतर प्रथमच झिम्बाब्वेविरुद्ध खेळत आहे. त्याचवेळी, आत्तापर्यंत भारत आणि झिम्बाब्वे आठ वेळा टी-20 फॉरमॅटमध्ये आमनेसामने आले आहेत, ज्यामध्ये टीम इंडियाने 6 वेळा विजय मिळवला आहे. तर झिम्बाब्वेने भारताला दोनदा पराभूत केले आहे. दरम्यान, भारताने नाणेफेक जिंकून गोलंदाजी करण्याचा निर्णय घेतला आहे. कर्णधार शुभमन गिलने सांगितले की, तीन खेळाडू पदार्पण करतील. अभिषेक शर्मा, रियान पराग आणि ध्रुव जुरेल यांचा प्लेईंग इलेव्हनमध्ये समावेश करण्यात आला आहे.

पाहा दोन्ही संघाची प्लेइंग 11

भारत (प्लेइंग इलेव्हन): शुभमन गिल (कर्णधार), अभिषेक शर्मा, ऋतुराज गायकवाड, रियान पराग, रिंकू सिंग, ध्रुव जुरेल (विकेटकीपर), वॉशिंग्टन सुंदर, रवी बिश्नोई, आवेश खान, मुकेश कुमार, खलील अहमद

झिम्बाब्वे (प्लेइंग इलेव्हन): तादिवानाशे मारुमणी, इनोसंट कैया, ब्रायन बेनेट, सिकंदर रझा (कर्णधार), डिओन मायर्स, जोनाथन कॅम्पबेल, क्लाइव्ह मदांडे (विकेटकीपर), वेस्ली मधेवेरे, ल्यूक जोंगवे, ब्लेसिंग मुझाराबानी, तेंडाई चतारा

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)